«Электрондық қаржы орталығы» акционерлік қоғамы

«Электрондық қаржы орталығы» акционерлік қоғамы мемлекеттік қаржы саласындағы үздік IT-шешімдерді құру, енгізу, көбейту, техникалық қолдау және дамыту жөніндегі жобалар портфелін басқару үшін құрылған Қазақстан Республикасы Қаржы министрлігінің ведомстволық бағынысты ұйымы болып табылады.

Негізгі мақсаты қаржылық ақпараттық жүйелердің жұмысқа қабілеттілігін қамтамасыз ету, сондай-ақ мемлекеттік сектордағы қаржылық операциялардың ашықтығын, тиімділігін және қолжетімділігін арттыруға бағытталған инновациялық IT-шешімдерді әзірлеу және енгізу болып табылады.

«Электрондық қаржы орталығы» акционерлік қоғамы қызметінің негізгі түрлері:

1) мемлекеттік сатып алу веб-порталын және мемлекеттік қаржы саласындағы өзге де ақпараттық жүйелерді дамыту, енгізу, сүйемелдеу және оларға жүйелік-техникалық қызмет көрсету;

2) дәрілік заттар мен медициналық бұйымдарды сатып алу веб-порталын/ақпараттандыру объектісін құруды, дамытуды, сүйемелдеуді және жүйелік-техникалық қызмет көрсетуді (техникалық қолдауды) жүзеге асыру;

3) бюджеттік процесстер саласындағы мемлекеттік органдардың ақпараттық жүйелеріне жүйелі-техникалық қызмет көрсетуді және сүйемелдеуді жүзеге асыру;

4) анықтамалықты енгізе отырып, тауарлар, жұмыстар, қызметтер бағаларының деректер базасын енгізу және сүйемелдеу;

5) мемлекеттік сатып алу веб-порталында орналастырылған мемлекеттік сатып алу жүйесі субъектілерінің электрондық ақпараттық ресурстарын сақтаудың ақпараттық қауіпсіздігін қамтамасыз ету;

6) бюджеттік процесс саласында мемлекеттік органдардың ақпараттық жүйелерін құру, дамыту, оларға жүйелік-техникалық қызмет көрсету және сүйемелдеу жөніндегі жобаларды басқаруды жүзеге асыру;

7) бюджеттік процесс саласында мемлекеттік органдардың ақпараттық жүйелерінің субъектілеріне консультациялық көмек көрсету;

8) бюджеттік процесс саласындағы мемлекеттік органдардың ақпараттық жүйелерінің ақпараттық қауіпсіздігінің Қазақстан Республикасының ақпараттандыру туралы заңнамасының талаптарына сәйкестігін қамтамасыз ету.

Сілтеме: https://ecc.kz/ru/company/