Батыс Қазақстан облысы Ақжайық ауданы Жаңабұлақ ауылдық округі әкімінің аппараты
Жаңабұлақ (2002 жылға дейін – Кожехарово) — Батыс Қазақстан облысы Ақжайық ауданындағы ауыл, Құрамына Жаңабұлақ ауылы кіреді. Орталығы – Жаңабұлақ ауылы. Округ құрамында болған Қосшығыр ауылы 2021 жылы таратылған.
Аумағы – 75,559 мың га.
2024 жылғы 1 қаңтарына жағдай бойынша халық саны 991 адамды (2022 жылы -1029) құрайды.
Аула саны – 284 (2022 жылы -284).
Аудан орталығы - Чапаев ауылынан солтүстік-батысқа қарай 18 км жерде, Жайықтың оң жағалауындағы қамыс, құрақ аралас боз, бетеге, т.б. астық тұқымдас шөптер өскен шалғынды-қоңыр, қызыл қоңыр топырақты құрғақ дала белдемінде орналасқан.
Іргесі 1946 жылы «Родник новый» ұжымшарының құрылуына байланысты қаланды. Оның негізінде 1997 жылдан Кожехарда және Қосшығыр ауылында 16 шаруа қожалығы мен 3 ЖШС-тер жұмыс істейді.
Орта, орталау мектептер, мәдениет үйі, кітапхана, дәрігерлік амбулатория, фельдшерлік пункт бар. Тұрғындары елді мекендермен автомобиль және су жолы арқылы қатынасады.