Отырар ауданы әкімдігінің "Отырар ауданының мәдениет, тілдерді дамыту, дене шы

Отырар ауданы әкімдігінің «Отырар ауданының мәдениет, тілдерді дамыту, дене шынықтыру және спорт бөлімі» мемлекеттік мекемесі аудан тұрғындарының мәдени, рухани және спорттық дамуын қамтамасыз ету бағытында жүйелі жұмыстар жүргізеді. Бөлім мәдени-көпшілік және спорттық іс-шараларды ұйымдастыруды, мемлекеттік тіл саясатын іске асыруды, тілдерді оқыту мен дамыту жұмыстарын үйлестіруді, бұқаралық спортты насихаттауды және салауатты өмір салтын қалыптастыруды жүзеге асырады.
Сонымен қатар, мәдениет мекемелерінің материалдық-техникалық базасын нығайту, кітапхана, мәдениет үйлері мен клубтардың қызметін жетілдіру, көркемөнерпаздар ұжымдары мен шығармашылық үйірмелердің жұмысын дамыту бағытында жұмыстар атқарады. Музыкалық аспаптармен, сахналық киімдермен және қажетті құрал-жабдықтармен қамтамасыз ету арқылы мәдениет саласының әлеуетін арттыруға ықпал етеді.
Бөлім жастардың шығармашылық қабілеттерін дамытуға, ұлттық құндылықтарды дәріптеуге, тарихи-мәдени мұраны сақтауға, бұқаралық және кәсіби спортты дамытуға, спорттық инфрақұрылымды жетілдіруге және тұрғындардың спортпен тұрақты шұғылдануына қолайлы жағдай жасауға ерекше көңіл бөледі. Осы бағыттағы жұмыстар арқылы аудан тұрғындарының мәдени және рухани өмірін байытуға, дене шынықтыру мен спортты дамытуға өз үлесін қосып келеді.