Қаратөбе аудандық мәслихаты

Сегізінші шақырылымдағы Батыс Қазақстан облысы Қаратөбе аудандық мәслихатының бірінші ұйымдастыру сессиясы ағымдағы жылдың 30 наурызында өтті. Осы сегізінші шақырылымға 10 депутат сайланды. Оның ішінде өткен шақырылымнан 3, жаңадан 7 депутат сайланды. Депутаттардың орташа жасы - 44 жас, ең жас депутат 28-де, ең ересек депутат 55-те, оның ішінде 1-еуі әйел адам, 9-ы ер адам.

Сайланған мәслихат депутаттарының 8-і «AMANAT» партиясының, 1-еуі «Ақжол» партиясының, 1-еуі "Ауыл" партиясының өкілдері.

Қаратөбе аудандық мәслихатының төрағасы – Мендешов Нурлан Кумарович.

Бірінші ұйымдастыру сессиясында екі тұрақты комиссия құрылып, комиссия төрағалары мен мүшелері депутаттар арасынан ашық дауыс беру арқылы сайланды.

Аудандық мәслихатта 2 тұрақты комиссиялар қызмет етеді:

1. «Бюджет, қаржы, экономика және кәсіпкерлікті дамыту мәселелері» жөніндегі тұрақты комиссия (А.Зейнуллин);
2. «Әлеуметтік мәселелер мен гендерлік саясат, үкіметтік емес ұйымдармен байланыс» жөніндегі тұрақты комиссия (С.Абденов);

Мәслихаттың тұрақты комиссияларына оның маңызды органдары ретінде өз уәкілеттігі шегінде мәслихат шешімдерінің іске асырылуына бақылау жасау және іс-шараларды ұйымдастыру жүктелген.