Гамбургтегі Қазақстан Республикасының Бас Консулдығы

Қазақстан Республикасының Гамбургтегі Бас консулдығы 2025 жылдан бастап жұмыс істейді. Консулдық округке Гамбург, Төменгі Саксония, Бремен және Шлезвиг-Гольштейн федералды штаттары кіреді.

Бас консулдық қызметінің негізгі бағыттары Қазақстан Республикасының, оның азаматтары мен заңды тұлғаларының құқықтары мен мүдделерін қорғауды қамтамасыз ету, сондай-ақ консулдық округке кіретін Қазақстан Республикасы мен Германия Федеративтік Республикасының Федералды жерлері арасындағы сауда-экономикалық, ғылыми-техникалық, мәдени-гуманитарлық ынтымақтастықты дамытуға жәрдемдесу болып табылады.

Ресми сайттың беттерінде консулдық мәселелер бойынша өзекті анықтамалық ақпаратпен, сондай-ақ Қазақстан Республикасының саяси, экономикалық, ғылыми және мәдени өмірі туралы жаңалықтармен танысуды ұсынамыз.

Еліміздің инвестициялық және туристік әлеуетін таныстыруға арналған бөлімдер, сондай-ақ мемлекеттік органдар мен ұйымдардың ресми сайттарына көптеген сілтемелер ерекше қызығушылық тудыруы мүмкін.