Сотталғандар арасындағы тәрбие және әлеуметтік-психологиялық жұмыс басқармасы

1. Басқарма қылмыстық-атқару жүйесінде өз құзыреті шегінде жұмыс атқаратын және бақылау қызметін жүзеге асыратын ҚАЖ комитетінің құрылымдық бөлінісі болып табылады.
2. Басқарма өзінің қызметін Қазақстан Республикасының Конституциясына, заңдарға, Қазақстан Республикасы Президентінің және Үкіметінің актілеріне, басқа да нормативтік құқықтық актілерге, сондай-ақ, осы Ережеге сәйкес жүзеге асырады.
3. Басқарманың құрылымын, штат санын, Қазақстан Республикасының заңнамасында белгіленген тәртіпте Қазақстан Республикасының Ішкі істер министрі бекітеді.
4. Басқарма:

1) бастықтан;

2) бастық орынбасарынан;

3) тәрбие жұмысын ұйымдастыру тобынан;

4) әдістемелік қамтамасыз ету және әлеуметтік жұмыс тобынан;

5) теологиялык оңалту жұмысын ұйымдастыру тобынан;

6) психологиялық жұмыс тобынан тұрады.

2. Басқарманың негізгі міндеттері, функциялары, құқықтары

және міндеттемелері

5. Міндеттері: сотталғандарға тәрбиелік, әлеуметтік-психологиялық, теологиялық оңалту және қоғамдық ықпал ету мәселелерінде ҚАЖ комитетінің қызметін ұйымдастыру, сонымен бірге сотталғандарды түзетудің әлеуметтік-психологиялық процесін әдістемелік қамтамасыз ету.
6. Функциялары:

1) ҚАЖ-да ұсталатын адамдармен тәрбиелік, теологиялық оңалту, әлеуметтік-психологиялық процесті ұйымдастыру және жоспарлау;

2) сотталғандарды түзеу мақсатына қол жеткізетін өнегелі, құқықтық, еңбектік, дене тәрбиесі жұмыстарын, сондай-ақ басқа түрлерін қолдануды ұйымдастыру;

3) бас бостандығынан айыруға сотталғандармен олардың түзелуіне бағытталған тәрбиелік, теологиялық оңалту және әлеуметтік-психологиялық жұмыстарды жүргізуді үйлестіру, қоғамдық пайдалы қызметтерді білуге ұмтылыс қалыптастыру, заң талаптарын және басқа да қоғамда қалыптасқан жүріс-тұрыс ережелерін сақтау сотталғандардың білімін, олардың білім алушылық және мәдени деңгейлерін жоғарылату және одан әрі дамыту;

4) сотталғандарды түзетуде қолдануға қатысты тәрбиелік және әлеуметтік-психологиялық әдістемелерді, ұсынымдарды әзірлеу;

5) сотталғандарды қайта әлеуметтендіру мәселелері бойынша басқа ведомстволармен ынтымақтастықты ұйымдастыру;

6) ҚАЖ мекемелеріндегі және аумақтық органдардағы тәрбие қызметтерін бақылау және үйлестіру;

7) Басқарманың құзіретіне жататын мәселелер бойынша Басқарманың мемлекеттік органдармен және өзге де ұйымдармен өзара әрекеттесуін үйлестіру;

8) Басқарма қызметінің бағыты бойынша ақпараттарды, статистикалық деректерді жинақтау, талдау;

9) ҚАЖ аумақтық бөліністерінің қызметтік әрекеттерінің жан-жақты көрінуін қамтамасыз ететін тәрбиелік, әлеуметтік-психологиялық жұмыстар бойынша есептілік нысандарын және бағалау критерилерін әзірлеу және олардың уақтылы ұснылуы бойынша бақылауды жүзеге асыру;

10) ҚАЖ аумақтық бөліністерінің қызметін тәрбиелік, теологиялық оңалту және әлеуметтік-психологиялық бағыт бойынша кешенді іссапарлар, иснпекторлық, бақылау, мақсатты тексерулер өткізуге қатысу;

11) Ішкі істер министрлігінің және ҚАЖ комитетінің басшылығы жүктеген басқа да өкілеттіктерді жүзеге асырады.

7. Құқықтары:

1) Басқарманың құзыретіне жататын мәселелер бойынша ҚАЖ комитеті өткізетін кеңестердің жұмысына қатысу;

2) ҚАЖ комитетінің құрылымдық бөліністерінен, ҚАЖ аумақтық органдарынан және мекемелерінен, сондай-ақ, мемлекеттiк органдардан және өзге ұйымдардан Басқарманың қарауындағы мәселелерге қатысты қажетті материалдар, құжаттар ақпараттар, статистикалық деректер мен өзге де мәліметтерді белгіленген тәртіппен сұрату және алу;

3) Басқарма құзыретіне жататын мәселелерді шешуге қатысу үшін белгіленген тәртіпте ҚАЖ қызметкерлерін тарту;

4) Басқарма қызметіне қатысты нормативтік құқықтық актілерді әзірлеу және әзірлеуге қатысу;

5) ҚАЖ қызметін реттейтін нормативтік құқықтық актілерді әзірлеу және жетілдіру бойынша ұсыныстар енгізу;

6) Басқарма қызметіне қатысты мәселелер бойынша инспекторлық, кешенді және басқа да тексерістерге қатысу;

7) Басқарма қызметіне қатысты мәселелер бойынша ҚАЖ мекемелерінің қызметіне тексерулер жүргізу;

8) қылмыстық-атқару жүйесінде қызметті жүзеге асырушы мекемелерді, органдар мен ұйымдарды құру, қайта ұйымдастыру, көшіру және тарату туралы ұсыныстар енгізу;

9) оның құзыретіне жататын мәселелер бойынша кеңестер, семинарлар ұйымдастыру және өткізу;

10) Қазақстан Республикасының құқық қорғау органдарымен өзара іс-қимылды жүзеге асыру;

11) басшылықтың тапсырмасы бойынша басқа да өкілеттіктерді жүзеге асыру.

8. Міндеттері:

1) ҚАЖ мекемелерінде жазаны өтеудің заңнамада белгіленген тәртібі мен жағдайларын сақтауды қамтамасыз ету;

2) сотталғандармен тәрбие, теологиялық оңалту және әлеуметтік-психологиялық жұмыстарды жетілдіру мәселелерінде Қазақстан Республикасының орталық атқарушы органдарымен, білім беру органдарымен және басқа да ұйымдарымен өзара іс-қимлды ұйымдастыру;

3) ҚАЖ-ды дамыту, нығайту және жетілдіру бағдарламаларын әзірлеуге және іске асыруға қатысу;

4) сотталғандарға тәрбителік, теологиялық оңалту, әлеуметтік және педагогика-психологиялық ықпал етудің озық тәжірибелерін іс-тәжірибеге енгізу, әлеуметтік-психологиялық жұмыстардың тиімді тәсілдерін жалпылау және пайдалану;

5) Басқарманың құзыретіне қатысты мәселелер бойынша жеке және заңды тұлғалардың өтініштерін Қазақстан Республикасының заңнамасында белгіленген тәртіпте және мерзімде қарастыру;

6) ҚАЖ аумақтық бөліністеріндегі тәрбие, теологиялық оңалту және әлеуметтік-психологиялық қызмет жұмыстарына бақылауды және үйлестіруді жүзеге асыру;