«2026-2028 жылдарға арналған Құланды ауылдық округінің бюджеті туралы» Арал аудандық мәслихатының 2025 жылғы 23 желтоқсандағы № 490 шешіміне өзгерістер енгізу туралы шешімінің жобасына
түсіндірме жазба
Қазақстан Республикасының 2025 жылғы 15 наурыздағы Бюджет кодексінің 96-бабына, және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы 2001 жылғы 23 қаңтардағы №148 Заңына сәйкес, «2026-2028 жылдарға арналған Құланды ауылдық округінің бюджеті туралы» Арал аудандық мәслихатының 2025 жылғы 23 желтоқсандағы № 490 шешіміне өзгерістер енгізу жоспарлануда.
КІРІСТЕР
«2026-2028 жылдарға арналған аудандық бюджет туралы» Арал аудандық мәслихатының 2025 жылғы 18 желтоқсандағы № 461 шешіміне өзгерістер енгізу туралы» Арал аудандық мәслихатының 2026 жылғы 16 маусымдағы №554 шешіміне сәйкес аудандық бюджеттен бөлінген ағымдағы нысаналы трансферттер есебінен жасыл белдеу орнату жұмыстарын бастауға бөлінген 2 500,0 мың теңгенің кемітілгені ескерілсін.
ШЫҒЫНДАР
«2026-2028 жылдарға арналған аудандық бюджет туралы» Арал аудандық мәслихатының 2025 жылғы 18 желтоқсандағы № 461 шешіміне өзгерістер енгізу туралы» Арал аудандық мәслихатының 2026 жылғы 16 маусымдағы №554 шешіміне сәйкес аудандық бюджеттен бөлінген ағымдағы нысаналы трансферттер есебінен 124011 «Елді мекендерді абаттандыру мен көгалдандыру» бюджеттік бағдарламасына Құланды ауылдық округіне жасыл белдеу орнату жұмыстарын бастауға бөлінген 2 500,0 мың теңге кемітілу жоспарлануда.
Сонымен қатар, аудандық бюджеттен бөлінген, 2025 жылы пайдаланылмаған (түгел пайдаланылмаған) нысаналы трансферттерден 0,2 мың теңге қайтарылғаны ескерілсін.
Сонымен қатар, мемлекеттік сатып алу қорытындысы бойынша 124 009 «Елді мекендердің санитариясын қамтамасыз ету» бағдарламасынан 200,0 (екі жүз) мың теңге, 124 022 «Мемлекеттік органның күрделі шығыстары» бағдарламасынан 81,0 (сексен бір) мың теңге, барлығы 281,0 мың теңгені төмендегі мақсаттарға бағыттау жоспарлануда.
124 008 «Елді мекендердегі көшелерді жарықтандыру» бағдарламасына елді мекендегі көше жарықтарын күтіп ұстауға – 200,0 мың теңге;
124 001 «Аудандық маңызы бар қала, ауыл, кент, ауылдық округ әкімінің қызметін қамтамасыз ету жөніндегі қызметтер» бағдарламасына мекеме теңгеріміндегі арнайы автокөлікті (су тасымалдаушы техника) бағалау қызметіне – 81,0 мың теңге.