turkestan-kalasy
ТҮРКІСТАН ҚАЛАСЫ ТҰРҒЫНДАРЫНЫҢ НАЗАРЫНА! Түркістан АЭЖ КС 35/10 кВ «Шой» қосалқы станциясынан шығатын әуе желісінде жоспарлы жөндеу жұмыстары жүргізілуіне байланысты ертең, 21 қараша күні сағат 10:00–18:00 аралығында бірқатар шағынаудандарда электр энергиясы уақытша ажыратылады. Электр жарығы төмендегі көшелерде өшіріледі: Мұсаев, Рахимов, Оразбаев, Тұтқабаев, Рысқұлбеков, М.Әбенов, Төлегенов, Баялиев және басқа да осы аумақтағы көшелер. Аталған аумақта орналасқан тұрғын үйлер, әлеуметтік нысандар, білім беру мекемелері мен кәсіпкерлік объектілер де уақытша жарық өшіріледі. Уақытша қолайсыздықтар үшін түсіністікпен қарауларыңызды сұраймыз.
Құрметті Түркістан қаласы мен Түркістан облысының тұрғындары және қонақтары! Түркі мемлекеттері ұйымының саммитіне дайындық және оны өткізу аясында 15 мамыр күні Түркістан қаласында автокөлік қозғалысына уақытша шектеулер енгізіліп, кейбір бағыттар бойынша қозғалыс сызбасы өзгереді. Атап айтқанда, қала аумағындағы бірқатар көшелерде қауіпсіздік шараларына байланысты қозғалыс уақытша шектеледі. Сонымен қатар, Шымкент – Қызылорда бағыты бойынша өтетін транзиттік көліктер үшін уақытша жаңа қозғалыс бағыты белгіленді. Жаңа қозғалыс сызбасына сәйкес көлік құралдары Ш.Қалдаяқов көшесі, 40-көше, 9-көше, 36-көше, Әуежай тас жолы, С.Қожанов көшесі және Б.Шыныбеков көшесі арқылы бағытталады. Осыған байланысты жүргізушілерден қозғалыс бағытын алдын ала жоспарлап, жол бойында орнатылған уақытша жол белгілеріне, бағыттаушы көрсеткіштерге және құқық қорғау органдары қызметкерлерінің талаптарына бағынуды сұраймыз.
16 мамыр күні Түркістандағы Қолөнершілер орталығы ұлттық рух пен шеберліктің ерекше мекеніне айналады Мұнда әр туынды - тарих, әр өрнек - мәдениет, әр бұйым - шебердің жүрек жылуы. Ұлттық өнердің әсемдігін сезініп, ерекше атмосфераның куәсі болыңыз. Қолөнершілер орталығы 16 мамыр
Қала тұрғындары мен қонақтарының назарына! Түркістан қаласы Н.Оңдасынов көшесінде қазба жұмыстары жүргізілуіне байланысты, сызбада көрсетілген аумағында толығымен жол жабылады. Осыған байланысты бағыттарыңызды алдын ала жоспарлауды сұраймыз. Жөндеу мерзімі 29.05.2026 жылғы 08:00-ден бастап 29.05.2026 жылғы 20:00 ге дейін
2026 жылғы 25 мамырдағы Қазақстан Республикасы Мәдениет және ақпарат министрлігінің №242-нқ бұйрығымен бекітілген бағалар тізбесіне сәйкес, 2026 жылғы 10 маусымнан бастап Қожа Ахмет Ясауи кесенесі аймағына, Ясауи музейі мен Сирек жәдігерлер залына кіру билеттерінің құны өзгертілді. Атап айтқанда: алыс шетел азаматтары үшін – 5000 теңге; жақын шетел (ТМД) азаматтары үшін – 2000 теңге. Қазақстан Республикасы азаматтары үшін билет құны бұрынғы деңгейде сақталады: ересектер үшін – 1000 теңге; студенттер мен зейнеткерлер үшін – 500 теңге; мектеп оқушылары үшін – 300 теңге. Сонымен қатар, қазіргі демалыс кезеңінде мектеп оқушыларына кіру тегін жүзеге асырылады.
«Әзірет Сұлтан» Ұлттық тарихи-мәдени музей-қорығына қарасты барлық музейлерге төменде көрсетілген санаттағы азаматтар тиісті растайтын құжаттарын ұсынған жағдайда тегін кіре алады: I–II топтағы мүгедектігі бар азаматтар – 1 қараушысымен; Бала кезінен мүгедектігі бар азаматтар – 1 қараушысымен; Ұлы Отан соғысықұның ардагерлері және оларға теңестірілген тұлғалар (Ауған соғысы ардагерлері); «Алтын алқа», «Күміс алқа» иегері көпбалалы аналар; Мектеп оқушылары тобын алып келген 1 мұғалім; Туристер тобын бастап келген 1 гид; Мектеп жасына дейінгі балалар; Оқушылар – каникул күндері. Өзіңізбен бірге жеңілдікке құқығыңызды растайтын құжаттарды алып жүруді сұраймыз.
