Қонаев қаласында көппәтерлі тұрғын үйлердің құрылысын салуға конкурс

Құрметті кәсіпкерлер!

Жарғылық капиталды қайта жаңарту бөлігінде ұлғайту арқылы облыстың тұрғын үй құрылысы саласын институционалдық дамыту мақсатында, «Қонаев» ӘКК» АҚ Даму инвестицияларының қаржылық-экономикалық негіздемесі шеңберінде жобаны (-ларды) іске асыру тетігі мен шарттары

Жобаның атауы: тұрғын үй қорын қайта жаңарту

Жобаны іске асыру орны: Алматы облысы, Қонаев қаласы, Сатпаев көшесінің солтүстігі, Октябрьская және Графтио көшелерінің арасында мекенжайы бойынша

«Қонаев» ӘКК» АҚ салымы жоба құнының 49%-нан аспайды және мыналардан тұрады:

- Алматы облысы, Қонаев қаласы, Сатпаев көшесінің солтүстігі, Октябрьская және Графтио көшелерінің арасында орналасқан, ауданы 1,6 га жер теліміне сатып алынған ұзақ мерзімді (5 жыл) жалдау құқығы;

- бірлесіп қаржыландыру (қажет болған жағдайда). Бұл ретте, «Қонаев» ӘКК» АҚ тарапынан қоса қаржыландыру лимиті:

2025 жыл – 500 млн. тг;

2026 жыл – 1 500 млн. тг;

2027 жыл – 2 709 млн. тг;

- өзгелер (айырбастау қоры, ескі тұрғын үйден сатып алынған пәтерлер, іздестіру жұмыстарына арналған шығындар және т.б.).

Серіктестік нысандары: Бірлескен қызмет (консорциум).

Жобаны (-ларды) іске асыру тетігі мен шарттары:

• Көппәтерлі тұрғын үйлер (бұдан әрі - КТҮ) Алматы облысында 2029 жылға дейін тұрғын үй құрылысы саласын институционалдық дамыту (қайта жаңарту) бағдарламасы (бұдан әрі - Бағдарлама) бойынша құрылыс саласындағы жобаларды іске асыру және кейіннен Әлеуетті инвесторға жер телімін беру үшін «Қонаев» ӘКК» АҚ берген (бес жыл мерзімге уақытша өтеулі жер пайдалануға сатып алынған құқық) тиісті нысаналы мақсаты бар жер телімдерінде салынады.

• Берілген жер телімдерінде орналасқан жаңарту нысандарының меншік иелерін көшіру, сондай-ақ оларды бұзу әлеуетті инвестордың есебінен жүзеге асырылатын болады. Қоныс аудару қоры болған кезде «Қонаев» ӘКК» АҚ пәтерлерді және/немесе тұрғын емес үй-жайларды айырбастау шарттарын жасасу арқылы тараптардың келісімі бойынша жаңарту нысандарының меншік иелерін қоныстандыруды жүзеге асыруға құқығы бар.

• Өтініш берген кезде Өтініш берушіге «Қонаев» ӘКК» АҚ-ның қайтарымды үлесін көрсету қажет. Бұл ретте, «Қонаев» ӘКК» АҚ қайтарымды үлесті тұрғын (өзіндік құны бойынша пәтерлер) және/немесе тұрғын емес алаңдар (өзіндік құны бойынша) және/немесе ақшалай түрде айқындауға құқылы.

• «Қонаев» ӘКК» АҚ үлесін қайтару мерзімі КТҮ пайдалануға берілгеннен кейін 6 айдан кешіктірілмеуі тиіс.

• Міндеттемелерді орындау бойынша қамтамасыз етуді енгізу:

• «Қонаев» ӘКК» АҚ тарапынан бірлесіп қаржыландырылған жағдайда, бірлескен қызмет туралы шарт жасалғаннан кейін 10 (он) жұмыс күні ішінде тараптардың ақшалай салымдарының 1%-ы мөлшерінде.

• Міндеттемелерді орындау бойынша қамтамасыз етуді енгізу:

• ақша қаражатын және/немесе;

• банк кепілдігі және / немесе;

• сақтандыру және / немесе;

• кепіл мүлкі түрінде болады.

• «Қонаев» ӘКК» АҚ тарапынан бірлесіп қаржыландыру және аванстау қажеттілігі жағдайында, аванс сомасына банктік кепілдік және/немесе кепіл және/немесе сақтандыру шартын ұсыну қажет. Бұл ретте, аванс мөлшері «Қонаев» ӘКК» АҚ қоса қаржыландыру сомасының 30% - нан аспауы тиіс.

• Бұдан әрі қоса қаржыландыру Өтініш берушінің бұрын салынған шығындарын ескере отырып, тараптардың қатысу үлесін негізге ала отырып, орындалған жұмыстардың актілеріне қол қойылғаннан кейін пропорционалды түрде жүзеге асырылатын болады.

Өтініш беруші(-лер)ге қойылатын біліктілік талаптары:

1. Болуы тиіс:

1) Алматы облысының аумағында кәсіпкерлік субъектісі ретінде тіркелуі тиіс;

2) Өтініш берушінің қаржылық және өзге де есептілікке сәйкес өтініш беру күнінің алдындағы соңғы 2 (екі) жыл ішіндегі залалсыз қызметі. Заңды тұлғаны тіркеу мерзімі 2 (екі) жылдан кем болған жағдайда-қызмет тіркелген кезден бастап барлық кезең ішінде залалсыз болуға тиіс;

3) І-ІІ санаттағы құрылыс-монтаждау жұмыстарын жүргізуге, оның ішінде консорциум шеңберінде лицензиялар (қатысушылардың бірінде болуы);

4) тұрғын үй ғимараттарын салудың расталған тәжірибесі (көппәтерлі тұрғын үйлерді салуда іске асырылған нысандарының, оның ішінде тапсырыс беруші, мердігер (бас мердігер) ретінде кемінде 3 жыл, республикалық маңызы бар қалаларда, астанада құрылыс кезінде ауданы кемінде 18 000 ш.м. және өзге әкімшілік-аумақтық бірліктердің құрылысы кезінде кемінде 9 000 ш.м. тәжірибесі болуы, оның ішінде консорциум шеңберінде (қатысушылардың бірінде болуы) болуы тиіс;

5) ұсынылатын жобаға (-ларға) үлестік қатысуды ұйымдастыру бойынша қызметті жүзеге асырған жағдайда, «Қазақстандық тұрғын үй компаниясы» АҚ арқылы үлескерлердің қаражатын тартуға рұқсат алуда оң тәжірибенің (кепілдік) болуы (құпталады);

6) Қаржылық тұрақтылық. Өтініш берушінің КТҮ құрылысын аяқтау үшін өз үлесін қаржыландыруды қамтамасыз ету мүмкіндігін келесідей растайтын құжаттарды ұсына отырып, растау қажеттілігін қарастырады, оның ішінде:

- Өтініш берушінің салымынан кемінде 10% қаражаттың болуы туралы банктерден үзінді көшірме және / немесе
- қолданыстағы активтерді бағалау туралы есептер және / немесе
- қарыз қаражаты тартылған жағдайда, екінші деңгейдегі банктің Өтініш берушінің жобаға қатысу үлесін қамтамасыз ету үшін кепілдік беру немесе несиелік желі ашу мүмкіндігін қарауға қатысты хаты және / немесе
- «Қонаев» ӘКК» АҚ алдында бірлесіп жауап беретін Өтініш берушінің құрылтайшысы (-лары) тарапынан, оның (олардың) қаржылық тұрақтылығын растайтын құжаттарды ұсына отырып, КТҮ құрылысын аяқтау үшін (Кепілдік шартын жасасу жолымен) Өтініш берушінің үлесін қаржыландыруды қамтамасыз етудегі жеке кепілдік.

2. Болмауы тиіс:

1) теріс несиелік тарих (соңғы 36 айда үздіксіз мерзімі 180 күнтізбелік күннен асатын қаржы институттары алдында өтелмеген, мерзімі өткен берешек/мерзімі өткен міндеттемелер);

2) соңғы есепті кезеңдегі салықтар және бюджетке төленетін басқа да төлемдер бойынша берешектер;

3) бірлескен қызметке теріс әсер етуі мүмкін сот талқылауларын қамтиды.

Құжаттар тізбесі(көшірмелері):

1. қатысуға өтініш ( 1-қосымша);

2. Өтініш берушінің, Бас мердігердің құрылтай құжаттамасы: Заңды тұлғаларды мемлекеттік тіркеу/қайта тіркеу туралы куәлік/ анықтама, жарғы, құрылтай шарты (Жарғыда қатысушылар туралы, сондай-ақ оның жарғылық капиталдағы үлесінің мөлшері туралы толық ақпарат болмаған жағдайда). Өтініш берушіде, Бас мердігерде жарғылық капиталында 10% – дан астам үлесі бар қатысушылар болған кезде, жеке тұлғалар бойынша – жеке басын куәландыратын құжаттарды, заңды тұлғалар бойынша-бенефициарлық меншік иесін анықтау үшін құрылтай құжаттарын және акцияларды (қатысу үлесін) ұстаушылардың тізілімін ұсыну қажет;

3. заңды тұлғаларды - заңды тұлға қатысушыларын қосылған құн салығы бойынша есепке қою туралы куәлік (нотариалды куәландырылған көшірмелері);

4. Өтініш берушінің атқарушы органын және Өтініш берушінің бас бухгалтерін тағайындау туралы бұйрық (заңды тұлғаның мөрімен куәландырылған түпнұсқасы не көшірмесі).

5. Қамтамасыз ету ретінде берілетін мүліктің тізбесі және олар бойынша тиісті құқық белгілейтін және құқық куәландыратын құжаттар, сондай-ақ мүліктің нарықтық құны туралы есептер (6 айдан аспайтын мерзімде).

6. Барлық несие берушілер көрсетілген Өтініш берушінің жазбаша анықтамасы (ақпараты), әрбір несие беруші бойынша таратып жазылған несие беруші алдындағы берешек сомасы. Өтініш берілген күннен ерте емес күнге берешек сомасы Өтініш берушінің жобаға қатысу үлесінің 1% -нан асатын несие берушімен салыстыру актілері;

7. Өтініш берушінің жеке куәлігі, Өтініш берушінің : заңды тұлғаның бірінші басшысы, бас бухгалтер, заңды тұлғаға қатысушы жеке тұлғалардың дербес деректерін жинауға және өңдеуге келісімінің көшірмелері;

8. Өтініш берушінің барлық банктік шоттарының болуы және деректемелері туралы анықтамалар;

9. Өтініш берушінің қатысушыларының жалпы жиналысының хаттамасы/Өтініш берушінің жалғыз қатысушысының Өтініш берушінің атқарушы органын тағайындау туралы шешімі (көшірмелері);

10. Өтініш берушінің атынан құжаттарға қол қоюға уәкілетті адамдардың қолдары мен мөрлерінің бедерлерінің үлгілері бар құжаттар (нотариалды куәландырылған көшірме);

11. Қатысушылардың/акционерлердің нотариалды куәландырылған қолдарымен мәміленің елеулі талаптары бар жобаны 3 және 4-қосымшалар) іске асыру туралы Өтініш берушінің заңды тұлғасының уәкілетті органының шешімі, директорды сайлау туралы уәкілетті органның бұйрығы мен шешімі;

12. Барлық қызмет көрсететін екінші деңгейдегі банктерден, қаржы және микронесиелік ұйымдардан соңғы 12 ай ішіндегі шоттар бойынша ,айналымдар бойынша несиелік берешек туралы анықтамалар;

13. Эскиздік жоба;

14. Алдын ала жасалған сметалық есеп;

15. Бірлесіп іске асырылатын жобаның техникалық-экономикалық көрсеткіштері (2-қосымша);

16. Жобаны іске асыру кестесі (6-қосымша);

17. Маркетингтік талдауы бар бизнес-жоспар және жоба бойынша маркетингтік жоспар, сату жоспары, іске асыру кестесі және іске асырудан түскен қаражат.

18. Жобаны бірлесіп іске асыру шеңберінде «Қонаев» ӘКК» АҚ-ның қайтарымды үлесін есептеу (5-қосымша).

19. Қаржылық тұрақтылықтың болуын растау үшін мыналар ұсынылады:

    - банктерден үзінді көшірме, қолданыстағы активтерді бағалау туралы есептер және т. б. және / немесе

    - қарыз қаражаты тартылған жағдайда, екінші деңгейдегі банктің Өтініш берушінің жобаға қатысу үлесін қамтамасыз ету үшін кепілдік беру немесе несиелік желі ашу мүмкіндігін қарауға қатысты хаты және / немесе

    - құрылтайшының қаржылық тұрақтылығын растайтын құжаттарды ұсына отырып, Өтініш берушінің құрылтайшысы(-лары) тарапынан жеке кепілдік (кепілдік шартын жасасу арқылы);

20. Несие бюросының есебі;

21. Берешектің жоқ (бар) екендігі туралы мәліметтер, мемлекеттік кірістер органдарында жүргізілетін есеп;

22. Соңғы 3 жылдағы қаржылық есептілік (оның ішінде консорциумды ұйымдастыру кезінде);

23. Есепті тапсыру туралы Салық комитетінің белгісі бар соңғы есепті жылға арналған салық декларациясы немесе электрондық растау;

24. І-ІІ санаттағы құрылыс-монтаж жұмыстарын жүргізуге арналған лицензия, консорциум жағдайында қатысушылардың біреуінің лицензиясын беру;

25. Штат кестесі ( қолда бар еңбек ресурстары);

26. Портфолио;

27. Қажет болған жағдайда «Қонаев» ӘКК» АҚ қосымша құжаттарды сұрата алады.

Өтініш берушілерден өтінімдер осы хабарландыру жарияланған күннен бастап 20 (жиырма) жұмыс күні ішінде мына мекенжай бойынша қабылданады: Қазақстан Республикасы, Қонаев қаласы, 18 ш/а., Құрманғазы көшесі, 31. [email protected] .

Қосымша ақпаратты 87073539308 (Жексембаев К.А.), 87759494911 (Косанов Ч. Б.) телефондары арқылы алуға болады.