Өңірлік Экологиялық Саммит 2026

Name: Өңірлік Экологиялық Саммит 2026
Start: 2026-04-22T00:00:00+00:00
End: 2026-04-24T00:00:00+00:00
Location: Астана, Казахстан

Орган: mfa-athens
Орны: Астана, Казахстан
Мәртебе: Аяқталды
Формат: Тікелей

ФорумАяқталды

Біріккен Ұлттар Ұйымы Саммитке 2023 жылғы 19 желтоқсанда қабылданған Бас Ассамблеяның 78/147 қарарымен қолдау білдірді. Қарардың атауы — «Экологиялық сын-қатерлер жағдайындағы Орталық Азия: орнықты даму мен өркендеу жолындағы өңірлік ынтымақтастықты нығайту».

Бұл бастама 2024 жылы мемлекеттер басшылары деңгейінде қабылданған бірқатар маңызды саяси құжаттарда бекітілді, соның ішінде:

Түркі мемлекеттері ұйымының бейресми саммитінің Қарабах декларациясында (2024 жылғы 6 шілде, Әзербайжан);
Орталық Азия мемлекеттері басшыларының VI Консультативтік кездесуінің Бірлескен мәлімдемесінде (2024 жылғы 9 тамыз, Қазақстан);
Түркі мемлекеттері ұйымының XXI саммитінің Бішкек декларациясында (2024 жылғы 6 қараша, Қырғыз Республикасы).

2025 жылы бұл бастама Алматы қаласында (Қазақстан) БҰҰ Бас хатшысы Антониу Гутерриштің қатысуымен өткен Орталық Азия мен Ауғанстан үшін Тұрақты даму мақсаттары жөніндегі БҰҰ Өңірлік орталығының ашылу рәсімі барысында, сондай-ақ Түрікменстанның Аваза қаласында өткен теңізге шығу мүмкіндігі жоқ дамушы елдер жөніндегі БҰҰ-ның III конференциясы аясында одан әрі халықаралық мойындауға ие болды. ӨЭС 2026 БҰҰ-мен және басқа да халықаралық ұйымдармен серіктестікте Орталық Азия елдерін климаттың өзгеруіне қарсы күрес және экологиялық сын-қатерлерді еңсеру бойынша ортақ шешімдер әзірлеу үшін біріктіруге бағытталған. Саммит аясында бейімделу шараларын қолдауға, төмен көміртекті технологияларды дамытуға және өңірдің экологиялық орнықтылығын нығайтуға бағытталған «жасыл» қаржыландыруға деген Орталық Азияның нақты қажеттіліктерін қалыптастыруға ерекше назар аударылады. Саммит мемлекеттер, халықаралық ұйымдар, ғылыми және іскерлік қауымдастықтар арасындағы ынтымақтастықты нығайта отырып, диалог пен өңірлік бірліктің алаңын қалыптастырады. Ол басым экологиялық мәселелер жөніндегі хабардарлықты арттыруға, практикалық шешімдерді айқындауға және өңірдің тұрақты дамуына бағытталған болашаққа арналған бірлескен іс-қимыл жоспарларын қалыптастыруға ықпал етеді.

Толығырақ: https://res2026.kz/kk

Дереккөз

Ұқсас материалдар

Барлық оқиғалар

Международный форумАяқталды

Астана қаласында, Әлемдік және дәстүрлі діндер лидерлерінің VIII съезі

2025 жылғы 17-18 қыркүйекте Қазақстан Республикасының елордасы – Астана қаласында, ҚР Президенті Қасым-Жомарт Тоқаевтың төрағалығымен Әлемдік және дәстүрлі діндер лидерлерінің VIII Съезі өтеді. VIІI Съезд жұмысына әлемнің шамамен 60 елінен 100-ден астам делегация қатысады деп күтілуде. Олардың қатарында ислам, христиан, буддизм, иудаизм, индуизм, даосизм, зороастризм, синтоизм діндерінің рухани лидерлері, халықаралық ұйымдардың өкілдері, сарапшылар қауымдастығы, саяси және қоғам қайраткерлері бар. Съезд аясында өтетін іс-шаралар: 16 қыркүйекте Қазақстан Республикасы Парламенті Сенатының Төрағасы, Әлемдік және дәстүрлі діндер лидерлері Съезі Хатшылығының басшысы Мәулен Әшімбаевтың төрағалығымен Хатшылықтың XXIII отырысы өтеді. Дәл осы күні БҰҰ Өркениеттер альянсы аясында діни нысандарды қорғау жөніндегі арнайы сессия өтеді. Сессияға жетекші діни және саяси лидерлер, дипломаттар, қоғамдық және халықаралық ұйымдардың өкілдері жиналып, ғибадат орындары, қасиетті және діни ғимараттарға қауіп төндіретін жаһандық сын-қатерлерді талқылайды. 17 қыркүйекте ел Президенті Қасым-Жомарт Тоқаевтың төрағалығымен Әлемдік және дәстүрлі діндер лидерлерінің VIII съезінің пленарлық отырысы өтеді. Форумның басты тақырыбы – «Діндер диалогы: болашақ жолындағы синергия». Жұмыс барысында секциялық отырыстар форматында бірқатар өзекті мәселелерді қарау жоспарлануда. 18 қыркүйекте «Жастар бейбіт қатар өмір сүру үшін: болашақ жолындағы синергия» тақырыбында ІІ Жас діни лидерлер форумы өтеді. Оқиғалардың күндері мен орындары: 16 қыркүйек 10:00 – Съез Хатшылығының XXІІІ отырысы (Астана қ., Бейбітшілік және келісім сарайы, Тәуелсіздік даңғ. 57); 15:00 – Біріккен Ұлттар Ұйымының Өркениеттер альянсының діни нысандарды қорғау жөніндегі арнайы сессия (Астана қ., Тәуелсіздік сарайы, Тәуелсіздік даңғ. 52). 17 қыркүйек 10:00 – Әлемдік және дәстүрлі діндер лидерлерінің VIII Съезінің Ашылуы және Пленарлық отырысы (Астана қ., Тәуелсіздік сарайы, Тәуелсіздік даңғ. 52). 18 қыркүйек 10:00 – Әлемдік және дәстүрлі діндер лидерлерінің VIII Съезінің секциялық отырыстары; 10:00 – II Жас діни лидерлер форумы; 15:00 – Әлемдік және дәстүрлі діндер лидерлерінің VIII Съезінің жабылуы (Астана қ., Тәуелсіздік сарайы, Тәуелсіздік даңғ. 52).

16 қыркүйек 2025 ж.Тікелей

г.Астана, Дворец мира и согласия, просп. Тәуелсіздік, 57; г.Астана, Дворец Независимости, просп. Тәуелсіздік, 52mfa-athens