2026 жылдың 28 қаңтарынан 3 ақпанына дейін Астана қаласының аумағында қылмыстық істердің алдын алу және қоғамдық қауіпсіздікті қамтамасыз етуге бағытталған бірлескен «Қауіпсіз аула» жедел-алдын алу шарасы өткізілді.
Көрсетілген шара аясында Астана қаласының Қылмыстық-атқару жүйесі департаментінің Алматы аудандық пробация қызметі полицияның Алматы аудандық басқармасының учаскелік тексерушілерімен бірлесіп пробация қызметінің есебінде тұрған тұлғалардың тұрғылықты жерлерінде кешенді тексерулер жүргізді. Үкім шығарылғандармен қайталама құқық бұзушылықтардың алдын алуға, міндеттер мен пробациялық бақылау шарттарын түсіндіруге бағытталған алдын алу әңгімелері жүргізілді.
Пробация қызметі жүргізетін кешенді шаралар есепте тұрған тұлғалар жағынан мүмкін болатын құқық бұзушылықтарды дер кезінде анықтауға, сондай-ақ олардың алдын алуға ықпал етеді. «Қауіпсіз аула» шарасы барысында Астана қаласының ҚАЖ департаментінің Нұра аудандық пробация қызметі полицияның учаскелік тексерушілерімен бірлесіп үкім шығарылғандардың заңға бағынатын мінез-құлқын қалыптастыруға бағытталған алдын алу шараларының қатарын іске асырды.
Осы жұмыс аясында үкім шығарылғандардың мінез-құлқын, олардың заңнама талаптарына, қоғамдық тәртіп нормаларына, мінез-құлық ережелері мен этикалық нормаларға, сондай-ақ еңбекке және қоғамға деген көзқарасына бақылау жүргізілді. Оперативті-алдын алу шараларын жүргізу үкім шығарылғандардың пробациялық бақылау шарттарын одан әрі сақтауына оң әсерін тигізді. Қоғамнан оқшауланбаған үкім шығарылғандар тұрғылықты жерлерінде тексеріліп, олармен алдын алу және түсіндіру әңгімелері жүргізілді.
Сонымен қатар, 2026 жылдың 28 қаңтарында «Қауіпсіз аула» шарасы аясында Байқоңыр аудандық пробация қызметінің қызметкерлері Байқоңыр аудандық полиция басқармасының Қоғамдық қауіпсіздік бөлімінің қызметкерлерімен бірлесіп есепте тұрған үкім шығарылғандардың тұратын жерлерінде алдын алу рейді өткізді.
Рейдтік шаралардың негізгі мақсаты жазаны өтеудің белгіленген тәртібін сақтауға бақылау жүргізу, мүмкін болатын құқық бұзушылықтарды анықтау, сондай-ақ құқыққа қайшы әрекеттердің алдын алу мақсатында түсіндіру-алдын алу жұмысын жүргізу болды. Рейд барысында үкім шығарылғандарға қолданыстағы заңнама талаптары түсіндіріліп, қоғамдық тәртіп пен заңды талаптарды қатаң сақтау қажеттілігіне назар аударылды.
Осылайша, өткізілген «Қауіпсіз аула» оперативті-алдын алу шарасы пробациялық бақылаудың тиімділігін арттыруға, есепте тұрған тұлғалар арасындағы құқық бұзушылықтардың алдын алуға, сондай-ақ Астана қаласының аумағындағы қоғамдық қауіпсіздік пен құқық тәртібін нығайтуға ықпал етті.