Облыста 16 ақпаннан бастап ыаса қауіпті инфекциялардың алдын алу айлығ жарияланды.
Мақсаты: аса қауіпті инфекциялардың өзектілігіне халықтың назарын аудару және аурулардың алдын алу шаралары туралы хабардарлықты арттыру.
Естеріңізге сала кетейік, аса қауіпті инфекциялар – жануарлар мен адамдардан адамға жұғуы мүмкін, өлім-жітім деңгейі жоғары немесе мүгедектікке ұшыраған халық арасында жаппай ошақтарды тудыратын, кең ауқымды аумақтарға тез таралатын және адамдардың көп бөлігін зақымдайтын аурулар.
Департаменттің, Денсаулық сақтау басқармасының және ветеринария басқармасының бірлескен жоспарына сәйкес облыста кең ауқымды іс-шаралар жоспарланған: семинарлар, дөңгелек үстелдер, ауылдық жиындар өткізу, сондай-ақ қалалар мен аудандар әкімдіктерінде жұқпалы аурулардың алдын алу мәселелерін қарау жоспарлануда.
Халық үшін теледидарда және радиода сөз сөйлеу ұйымдастырылады, роликтер мен жадынамалар таратылады, дәрістер мен әңгімелер оқылды. Тақырыптық сабақтар, диктанттар, дәрістер орта оқу орындарында, ЖОО-да, мектеп оқушылары арасында өткізілетіні жоспарлануда.