Бүгін «Таза Қазақстан» экологиялық акциясы аясында қала әкімдігінің қызметкерлері Тәуелсіздік аллеясында пирамидалық терек көшеттерін отырғызып, туған өлкенің ажарын айшықтай түсті.
Табиғатты аялауға үндейтін бұл игі шара қаланы көгалдандырумен қатар, қоршаған ортаға деген жауапкершілікті арттыруға бағытталды. Жасыл желекке жан бітірген әрбір көшет — келер ұрпаққа қалдырылар көркем мұра мен таза болашақтың символы.
Құрметті қала тұрғындары! «Жітіқара ауданының Жітіқара қаласы әкімінің аппараты» ММ ҚР Президентінің «Әкімдердің халықпен кездесулерін өткізу туралы» Жарлығын орындау шеңберінде 2026 жылғы 12 мамырда сағат 17:00-де Жітіқара қаласы, 6 шағын аудан мекенжайында орналасқан Аудандық Мәдениет сарайының ғимаратында ( ү лкен зал) Жітіқара ауданы Жітіқара қаласының әкімі М.Ж. Ордашевтың халықпен есептік кездесуі өтетінін хабарлайды. Жазбаша нысанда ұсыныстар, ескертулер мен жауаптар жинау үшін Досқали Асымбаев көшесі, 51 мекенжайында орналасқан «Жітіқара ауданының Жітіқара қаласы әкімінің аппараты» ММ ғимаратында, сондай-ақ әрбір шағын ауданның ПИТК, ҮИК-де арнайы жәшіктер орнатылды. Анықтама телефоны 2-22-66, 2-00-51.
