2026 жылғы 30 сәуірде сыбайлас жемқорлыққа қарсы іс-қимыл бойынша семинар-кеңес өткізілді

"Жер учаскесінің нысаналы мақсатын өзгертуге шешім беру", жер учаскесін жалдау мерзімін ұзарту және жеке меншікке сатып алу Мемлекеттік қызметтеріне өтініш беру нысаны жаңартылды.

«2026 жылдың қаңтарынан бастап қазақстандықтар жер қатынастары саласындағы үш мемлекеттік қызметті онлайн форматта ала алады: учаскенің нысаналы мақсатын өзгерту (Жер учаскесінің нысаналы мақсатын өзгертуге шешім беру), жалдау мерзімін ұзарту және жер учаскесін жеке меншікке сатып алу». Жер учаскесінің нысаналы мақсатын өзгерту: Қадамдық нұсқаулық «Жер учаскесінің нысаналы мақсатын өзгертуге шешім беру» мемлекеттік көрсетілетін қызметін eGov.kz порталы арқылы алуға болады. 1-қадам: Құжаттарды дайындау Өтінім бермес бұрын келесі құжаттардың электрондық нұсқаларын (PDF/JPG) дайындаңыз: Сәйкестендіру құжаты (Жер актісі) немесе Жер-кадастрлық жоспары. Әуежайлар маңындағы учаскелер үшін: ұшу қауіпсіздігіне қауіп төндіретін қызметке арнайы рұқсат. 2-қадам: Электрондық өтінім беру eGov.kz порталында авторизациядан өтіңіз. «Жер учаскесінің нысаналы мақсатын өзгертуге шешім беру» қызметін таңдаңыз. Мәліметтерді толтырып, 1-қадамдағы құжаттарды тіркеңіз. Өтінімге ЭЦП (электрондық цифрлық қолтаңба) арқылы қол қойып, жергілікті атқарушы органға (әкімдікке) жолдаңыз. 3-қадам: Кадастрлық құн туралы актіні тіркеу (Маңызды!) Егер әкімдік өтінімді мақұлдаса, сізге «Жер учаскесінің кадастрлық (бағалау) құнын айқындау туралы актіні» жүктеу туралы сұраныс келуі мүмкін. Назар аударыңыз! Бұл құжатты тіркеуге небәрі 24 сағат уақыт беріледі. Егер көрсетілген уақытта құжат жүктелмесе, қызмет көрсетуден автоматты түрде бас тартылады. 4-қадам: Нәтижені алу Жеке кабинетке келесі құжаттардың бірі келеді: Нысаналы мақсатты өзгерту туралы шешім; Қызмет көрсетуден бас тарту туралы дәлелді жауап. ________________________________________ Қызмет көрсету мерзімдері Өтінім тіркелген сәттен бастап қарау мерзімі учаскенің орналасқан жеріне байланысты: Учаскенің орналасқан жері Көрсетілетін қызмет мерзімі Елді мекен шегінде (қала, ауыл) 8 жұмыс күніне дейін Елді мекен шегінен тыс жерде 16 жұмыс күніне дейін Ескертпе: Көрсетілген мерзімдерге жер учаскесін сатып алу-сату немесе жалдау шарттарын жасасу уақыты кірмейді. Қосымша ақпарат: Нысаналы мақсат өзгерген кезде жердің кадастрлық құны артса, меншік иесі бюджетке баға айырмашылығын төлеуге міндетті. ________________________________________ Жер учаскесін жалдау мерзімін онлайн форматта ұзарту бойынша түсіндірме Егер жерді жалдау мерзімі аяқталуға жақын болса, оны ұзартуға өтінімді 90 күн бұрын онлайн түрде беруге болады. «Қызметтер Жылжымайтын мүліктің бірыңғай мемлекеттік кадастры (ЖМ БМК) ақпараттық жүйесі, электрондық үкімет порталы және жергілікті атқарушы органдардың интеграциясы арқылы көрсетіледі». Негізгі талап: Сіз жалдау шартын ұзарту ниетіңіз туралы әкімдікті шарттың қолданылу мерзімі аяқталудан кем дегенде үш ай бұрын жазбаша түрде хабардар етуге міндеттісіз. Ерекшелік: Егер жалдау шартының өзінде хабардар етудің басқа мерзімі көрсетілсе, онда сол мерзім басшылыққа алынады (бірақ әдепкі бойынша 3 айлық норма қолданылады). Басым құқық: Егер сіз өтінімді уақытылы (3 ай бұрын) берсеңіз және жер учаскесін нысаналы мақсаты бойынша адал пайдалансаңыз, басқа үміткерлер алдында шартты жаңа мерзімге жасасуға басым құқығыңыз болады. Мерзімді өткізіп алудың салдары: Егер өтінім 3 айдан кешіктіріліп берілсе, әкімдіктің ұзартудан бас тартуға заңды құқығы бар, себебі сіздің шартты ұзартуға деген басым құқығыңыз жойылуы мүмкін. Бұл жағдайда учаске сауда-саттыққа (аукционға) шығарылуы немесе мемлекеттік қорға (запасқа) қайтарылуы мүмкін. Сенімділік үшін: 2026 жылдан бастап бұл процедура барынша цифрландырылғандықтан, өтінімді қазірден бастап Egov.kz порталы арқылы беруді ұсынамыз. «Жер учаскесін жалдау мерзімін ұзарту» қызметін табыңыз. Құқық белгілейтін құжаттардың сканерленген нұсқаларын тіркеңіз. Қызмет көрсету мерзімі әдетте 15 жұмыс күніне дейінді құрайды. eGov.kz порталы арқылы жер учаскесін сатып алудың (жалға беруден жеке меншікке дейін) егжей-тегжейлі тәртібі берілген. Бұл процесс жер учаскесін жалға алып, оның толық иесі болғысы келетіндер үшін өзекті. Жер учаскесін жеке меншікке сатып алу процедурасының алгоритмі 2026 жылдың қаңтарынан бастап жер учаскесін жеке меншікке сатып алу процесі толықтай цифрландырылды. Енді жерді онлайн түрде — біржолғы төлеммен немесе бөліп төлеу (рассрочка) арқылы сатып алуға болады, бұл меншік құқығын рәсімдеуді айтарлықтай жеңілдетеді. Іс-қимыл алгоритмі: Өтінім беру: eGov.kz порталында «Жер учаскесін жеке меншікке беру» қызметін таңдап, ЭЦП арқылы қол қойыңыз. Төлем түрін таңдау: Өтінімде төлемді бірден немесе бөліп төлеу ниетіңізді көрсетіңіз. Бағалау: Әкімдік жердің кадастрлық құнын анықтайды және сізге бағалау актісін жібереді. Шартқа қол қою: Сатып алу-сату шартына қол қойып, белгіленген соманы төлеңіз. Тіркеу: Төлемнен кейін меншік құқығы жылжымайтын мүлік тізілімінде автоматты түрде тіркеледі.