Мемлекеттік тұрғын үй қорынан тұрғын үй беру

Көпқабатты үйде лифтті ауыстыруға, сондай-ақ шатырды, подъездті, подвалды немесе фасадты жөндеуге қалай болады? Үйдің негізгі элементтерін (лифт, шатыр, фасад, подъезд, подвал) капиталды жөндеу пәтер иелерінің мақсатты жинақтары есебінен Қазақстан Республикасының «Тұрғын үй қатынастары туралы» Заңы және жалпы жиналыстың хаттамалық шешімі негізінде жүзеге асырылады. Сонымен қатар, тұрғындар 2023 - 2029 жылдарға арналған тұрғын үй-коммуналдық инфрақұрылымды дамыту тұжырымдамасы (Қазақстан Республикасы Үкіметінің 2022 жылғы 23 қыркүйектегі №736 қаулысы) аясындағы мемлекеттік бағдарламаларға қатыса алады. Консультациялар мен құжаттарды рәсімдеу Қарағанды облысының тұрғын үй қорын жаңғырту орталығы ЖШС-де жүргізіледі, мекен-жайы: Пассажирская көшесі, 15А, офис 322. Әрекеттер алгоритмі: Үйді басқару органына хабарласыңыз - ПИК, МИБ немесе ТББ; капиталды жөндеу қажеттілігін хабарлаңыз. Тұрғындардың жалпы жиналысын ұйымдастырыңыз - органға (ПИК, МИБ немесе ТББ) хабарласып, жиналыстың күнін және уақытын белгілеуді сұраңыз. Жиналыстың күн тәртібіне кіргізу қажет: - капиталды жөндеу (лифт, шатыр, фасад, подъезд, подвал); - қаржыландыру көзін анықтау; - мақсатты қаражат жинау; - 2023–2029 жылдарға арналған тұрғын үй-коммуналдық инфрақұрылымды дамыту тұжырымдамасы бойынша мемлекеттік бағдарламаға қатысу (қалауы бойынша). Барлық меншік иелерін хабардар етіңіз - хабарландыруларды ілу, чаттар мен подъездерде хабарлау. Жиналысты өткізіп, дауыс беріңіз: - жөндеу көлемін талқылау; - қаржыландыру көзін таңдау: мақсатты жинақ (заңға сәйкес), мемлекеттік бағдарламаға қатысу; - мақсатты жарна мөлшерін бекіту; - құжаттарды тапсыру үшін жауапты тұлғаны анықтау; - шешімді хаттамамен рәсімдеу. Жиналыстың хаттамасын рәсімдеңіз - дата, орын, қатысушылар, қабылданған шешімдер, бекітілген жөндеу түрі және қаржыландыру көзі көрсетілуі тиіс. Мақсатты жинақты таңдағанда - арнайы шот ашылады, тұрғындар қаражатты бекітілген мөлшерде аударады; ақша тек хаттамада көрсетілген жөндеуге жұмсалады. Мемлекеттік бағдарламаға қатысқанда - өкілетті тұлғаны немесе басқарушы орган төрағасын Қарағанды облысының тұрғын үй қорын жаңғырту орталығына жіберіп, құжаттар пакетін жинауға және кеңес алуға болады. Смета, жоба және жұмысқа келісім алу - басқару органы мердігерді таңдайды, келісімшарт рәсімдейді, мерзімдерді келіседі. Жөндеудің орындалуын бақылаңыз - басқару органы мен бастамашыл топ бірге жұмыстардың барысын, материал сапасын, мерзімдерді қадағалайды және қабылдауды ұйымдастырады. Жөндеу актісін қол қойыңыз - жөндеу аяқталған соң актіге төраға мен бастамашыл топ қол қояды.

Көпқабатты тұрғын үйде басқару органын қалай өзгертуге болады? Қазақстан Республикасының «Тұрғын үй қатынастары туралы» Заңының 42-бабына сәйкес, пәтерлер мен тұрғын емес үй-жайлардың меншік иелері кондоминиум объектісін басқару, оны күтіп-ұстауды қаржыландыру және ортақ мүліктің сақталуын қамтамасыз ету үшін басқару нысандарының бірін таңдауға міндетті. Меншік иелері келесі басқару нысандарының бірін таңдай алады: Мүлік иелері бірлестігі (МИБ) - 30-дан астам пәтері бар үйлер үшін. Көппәтерлі тұрғын үйдің жай серіктестігі - 17-ден 30 пәтерге дейінгі үйлер үшін. Тікелей бірлескен басқару (ТББ) - 16 пәтерге дейінгі үйлер үшін. Басқару органын өзгерту үшін пәтерлер мен тұрғын емес үй-жайлар меншік иелерінің жалпы жиналысын өткізу қажет. Жиналыста жаңа басқару нысанын таңдау туралы шешім қабылданып, ол жалпы жиналыстың хаттамасымен рәсімделеді. Қажет болған жағдайда меншік иелері жиналыс шешімі негізінде үйді басқару үшін басқарушы компаниямен шарт жасай алады. Бұл ретте таңдалған басқару нысанынсыз сервистік компаниямен тікелей шарт жасауға жол берілмейді. Жиналысты ұйымдастыру және өткізу мәселелері бойынша, сондай-ақ қосымша ақпарат алу үшін келесі аумақтық органдарға жүгінуге болады: - Қарағанды қаласы Қазыбек би атындағы аудан әкімі аппараты; - Қарағанды қаласы Әлихан Бөкейхан атындағы аудан әкімі аппараты.

Ауланы абаттандыруға қалай өтініш беруге болады? Аула аумағын абаттандыру үшін «Халық қатысатын Бюджет» (ХҚБ) бағдарламасына қатысу қажет. Халық қатысатын бюджет – бұл азаматтарға жергілікті бюджеттен қаржыландырылатын жобаларды ұсынуға және таңдауға мүмкіндік беретін механизм. Абаттандыру түрлері: - Орындықтарды, урналарды, жарықтандыруды орнату; - Балалар және спорт алаңдары; - Аулаларды көгалдандыру; - Тротуарлар мен гүлзарларды жөндеу; - Шағын архитектуралық нысандар (шатырлар, қоршаулар және т.б.). Жобалық ұсыныс критерийлері: Нысан жалпы пайдалану үшін болуы керек – барлық тұрғындарға қол жетімді; Нысан аудан аумағында болуы керек; Ұсыныс аудан тұрғындары үшін өзекті болуы керек; Іске асыру бір қаржы жылы ішінде жүзеге асырылады. «Халық қатысатын бюджеті» шеңберінде жобаны іске асыру кезеңдері. Аудан әкімдерінің «Халық қатысатын Бюджет» сервисіндегі парақшасында: - өтінімді толтыру (жобаның атауы, оның сипаттамасы, мекен-жайы/орналасқан жері); - фотосуретті тіркеу (жобалық ұсыныстың эскизі, сызбасы және сметасы); - жоба сараптамадан өтеді-критерийлерге сәйкестігі тексеріледі; - онлайн-дауыс беру өтеді-тұрғындар қатысады; - жеңімпаз жобалар жоспарға енгізіліп, бір жыл ішінде жүзеге асырылады. Аула аумағын абаттандыру үшін «Халық қатысатын Бюджет» (ХҚБ) бағдарламасына қатысу қажет. Халық қатысатын бюджет – бұл азаматтарға жергілікті бюджеттен қаржыландырылатын жобаларды ұсынуға және таңдауға мүмкіндік беретін механизм.

Жылжымайтын мүлік нысанына мекенжай беру үшін өтінімді қалай беруге болады? Жылжымайтын мүлік нысанына мекенжай беру үшін меншік құқығын растайтын құжаттармен бірге egov.kz порталы арқылы өтініш беру қажет. Өтініш жергілікті сәулет органы тарапынан қаралғаннан кейін нысанға ресми мекенжай беріледі. Кейін бұл мекенжай мемлекеттік деректер базаларында көрінуі үшін тіркелуі тиіс. Әрекеттер алгоритмі: egov.kz порталына кіріңіз. Жүйеге авторизациядан өтіңіз. «Жылжымайтын мүлік»-«Қызметтер»-«Жылжымайтын мүлік объектілеріне мекенжай беру/жою» бөлімін таңдаңыз. Өтінім түрін таңдап, портал нұсқаулығына сәйкес өтінім нысанын толтырыңыз. Қажет болған жағдайда қосымша құжаттарды тіркеңіз. Маңызды жайттар: - Егер жер учаскесі бірнеше бөлікке бөлінсе, әрбір жаңа учаске үшін өтініш жеке-жеке беріледі. Мысалы, жер учаскесі үш бөлікке бөлінсе, үш бөлек өтініш тапсыру қажет. Әр өтінішке жер учаскесінің бөлінгенін растайтын құжат қоса тіркелуі тиіс. - Егер нысан бұзылған болса, өтінішті бастапқы нысан ретінде беріп, бұзу туралы құжаттарды қоса тіркеу қажет. Бұл жер учаскесіне мекенжай алу үшін керек. - Егер жер учаскесінде кадастрлық нөмір болмаса, өтінішке учаскенің орналасу сызбасын қоса тіркеу қажет.

Тұрғын үй ауласындағы қоқыс контейнер алаңын қалай басқа жерге көшіруге болады? Қоқыс контейнер алаңын көшіру үшін келесі әрекеттерді орындау қажет: Үй тұрғындарының жалпы жиналысын өткізу. Жиналыста контейнер алаңын көшіру қажеттілігін талқылап, оны орналастыруға ұсынылатын жаңа орынды анықтау. Жиналыс қорытындысы бойынша тұрғындардың контейнер алаңын көшіру туралы шешімі көрсетілген хаттама жасау. E-Otinish ақпараттық жүйесі арқылы әкімдікке өтініш жолдау. Өтініште контейнерлерді көшіру себебін көрсету (мысалы: жағымсыз иіс, шу, тұрғын үй терезелеріне жақын орналасуы, санитарлық талаптарға сәйкес келмеуі және т.б.). Контейнер алаңын орналастыруға ұсынылатын жаңа орынды көрсету. Өтінішке тұрғындардың жалпы жиналысының хаттамасын қоса тіркеу. Аумақты тексеру үшін комиссияның келуін күту. Өтініш қаралғаннан кейін уәкілетті органның шешімін және контейнер алаңын көшіру мерзімдері туралы ақпарат алу. Контейнер алаңын көшіру аумақты тексеру жүргізіліп, ұсынылған жаңа орынның санитарлық және техникалық талаптарға сәйкестігі туралы мамандардың қорытындысы алынғаннан кейін мүмкін болады.

Ағашты кесуге рұқсатты қалай алуға болады? Ағашты кесуге рұқсат алу үшін оны алып тастау қажеттігін растайтын комиссия жүргізген тексеру актісін алу қажет. Әрекет ету тәртібі: Ағашты кесуге рұқсат алу үшін өтініш беру. Ағашты тексеру және акт жасау үшін комиссияның келуін күту. Тексеру нәтижесі бойынша ағашты кесуге рұқсат алу. Өтінішті «Электрондық үкімет» веб-порталдары арқылы беруге болады: www.egov.kz немесе www.elicense.kz. Мемлекеттік қызмет көрсету мерзімі - 10 жұмыс күні.

Қазақстан Республикасында мүгедектерді әлеуметтік қорғау туралы» Қазақстан Республикасының 2005 жылғы 13 сәуірдегі N 39 Заңына сәйкес мүгедектерді әлеуметтік оңалту мүгедектерді оңалтудың жеке бағдарламасына (бұдан әрі - ОЖБ) сәйкес жүзеге асырылады. 2020 жылдан бастап әлеуметтік қызметтер порталы енгізілді. Портал мүгедектігі бар адамдарға гигиеналық, тифлотехникалық, сурдотехникалық құралдарды және санаторий-курорттық емдеу, оңалту қызметтерін тікелей жеткізушілерден өз бетінше сатып алу мүмкіндігін беретін автоматтандырылған жүйе. Ағымдағы жылдан бастап санаторий-курорттық емделуге жолдаманы әлеуметтік қызметтер порталы арқылы өтініш берушінің өзі таңдайды. Әлеуметтік қызметтер порталында тіркелу мақсатында барлық мүгедек адамдарға электрондық цифрлық қолтаңба (ЭЦҚ) шығару қажет. Бұл қызметті электрондық үкіметтің ресми сайтынан онлайн алуға болады egov.kz, анықтама телефоны 14-14 немесе «Қарағанды қаласының жұмыспен қамту және әлеуметтік бағдарламалар бөлімі» ММ мекен-жайы: Поспелов көшесі, 16. Анықтама телефоны 30-02-33, 30-00-81, 30-01-69.

Қарағанды қаласы әкімдігінің қаулысына сәйкес іс-әрекетке қабілетсіз адамның қамқоршысы орнатылды . «Неке (ерлі-зайыптылық) және отбасы туралы» 2011 жылғы 26 желтоқсандағы Қазақстан Республикасының Кодексіне сәйкес қамқоршының міндеттері: 1) қорғаншылар мен қамқоршылар өздерінің қамқорлығына алынғандарды күтіп-бағу, олардың күтімі мен емделуін қамтамасыз ету, олардың құқықтары мен мүдделерін қорғау туралы қамқорлық жасауға міндетті. 2)қорғаншы қорғаншы және қамқоршы органға қамқорлыққа алынушының денсаулық жағдайы туралы, сондай-ақ оның мүлкін басқару жөнінде жылына кемінде бір рет есеп беруге міндетті. 3) қорғаншылар мен қамқоршылар қорғаншы және қамқоршы органдарға тұрғылықты жерінің өзгергені туралы хабарлауға міндетті. 4) Қорғаншының немесе қамқоршының өз міндеттерін тиісінше орындамауына, оның ішінде қорғаншылықты немесе қамқоршылықты пайдакүнемдік мақсаттарда пайдалануына не қамқорлыққа алынушыны қадағалаусыз және қажетті көмексіз қалдыруға тыйым салынады.