АПВ вирусы қалай жұғады?

Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті Сіздің өтінішіңізді қарап, мынаны хабарлайды. Қазіргі уақытта Дүниежүзілік денсаулық сақтау ұйымына (бұдан әрі - ДДҰ) мүше мемлекеттер пандемияның алдын алу, дайындықты қамтамасыз ету және ден қою шараларын қабылдау жөніндегі конвенцияның, келісімнің немесе ДДҰ – ның өзге де халықаралық құралының жобасы – пандемиялық келісімді әзірлеу бойынша жұмысты жалғастыруда. Пандемиялық келісім жобасы пандемияның алдын алу, адамдардың өмірін сақтау, аурулардың ауыртпалығын азайту, пандемияның алдын алу саласындағы әлемдік әлеуетті нығайту, дайындықты қамтамасыз ету, пандемияға қарсы әрекет ету шараларын қабылдау және денсаулық сақтау жүйелерін қалпына келтіру мақсатында дайындалды. 2021 жылғы желтоқсанда ДДҰ-ға мүше мемлекеттер дүниежүзілік денсаулық сақтау Ассамблеясының арнайы сессиясында әлемнің барлық өңірлерін білдіретін үкіметаралық келіссөздер ұйымын (бұдан әрі – ҮАКҰ) құру, пандемияның алдын алу, дайындық және ден қою жөніндегі Конвенцияны, келісімді немесе ДДҰ-ның басқа да халықаралық құжатын әзірлеу және талқылау туралы шешім қабылдады. Елдердің үкіметтері өз халықтарының денсаулығы үшін жауап береді, оны денсаулық сақтау және әлеуметтік қамсыздандыру саласында тиісті шаралар қабылдау арқылы ғана қамтамасыз етуге болады. Әр елдің ішіндегі денсаулық сақтау саласындағы саясат дербес жүзеге асырылады және тиісті нормативтік құқықтық актілермен реттеледі. Пандемиялық келісім жобасы қазіргі уақытта әзірлеу және талқылау сатысында. Пандемиялық келісімнің өзекті нұсқалары ДДҰ сайтында ашық қолжетімді https://apps.who.int/gb/inb/. Сондай-ақ, ұсыныстар мен ұсынымдарды ДДҰ сайтының поштасына жіберуге болады [email protected] . Жақында шетелдік жаңалықтар порталдарында ДДҰ қызметі туралы шындыққа жанаспайтын және жұртшылықты адастыратын ақпарат жарияланады. Бұл ақпараттың нақты негізі жоқ және тиісті тексерусіз таратылуда. Сенімді ақпарат алу үшін ресми дереккөздерге жүгінуді және тексерілмеген мәліметтерге сенбеуді ұсынамыз.

Аумақтық санитариялық-эпидемиологиялық бақылау органдарының мамандары су тасқынынан зардап шеккен өңірлердегі халыққа берілетін судың сапасына мониторинг жүргізеді. Мониторинг барысында орталықтандырылған және орталықтандырылмаған сумен жабдықтау көздерінен санитариялық-химиялық, микробиологиялық талдауларға сынамалар алынды. Су тасқыны басталғаннан бері орталықтандырылған және орталықтандырылмаған ауыз сумен жабдықтау көздерінен 7 мыңнан астам ауыз су сынамасы алынды. Зерттеу нәтижелері бойынша бүгінгі таңда инфекциялық аурулардың таралу жолымен туындау қаупі өте төмен. Су қауіпсіздігін қамтамасыз ету мәселелері Денсаулық сақтау министрлігінің күнделікті бақылауында.

Адамнан адамға АПВ вирусы келесі жолдармен беріледі: 1) тұрмыстық байланыс тәсілмен. АПВ қол алысу, сүйісу, терінің зақымдануы арқылы берілуі мүмкін. Вирус ылғалды ортада тез таралады, сондықтан қоғамдық орындарға – сауналарға, моншаларға, спортзалдарға, дәретханаларға, бассейндерге барған кезде мұқият болу керек. 2) жыныстық қатынас арқылы. Жыныстық жолмен берілетін вирустардың онкогендік түрлері жыныс мүшелерінде орналасқан сүйелдерді тудырады. 3) туылған кезде тік жолмен. Вирус туу каналы арқылы өту кезінде анадан балаға беріледі. Сүйелдер көбінесе нәрестелерде өмірдің алғашқы жылдарында аузында немесе терісінде пайда болады. 4) өзіне-өзі жұқтыру арқылы. Көбінесе қырыну немесе эпиляция кезінде АПВ дененің бір аймағынан екіншісіне ауысады.

Көкжөтел жағдайларының өсуі жоспарлы вакцинацияны өткізіп алу және вакцинациядан бас тарту себебінен Ұжымдық иммунитеттің төмендеуімен байланысты. Сонымен қатар, көкжөтел иммундық емес топтардың, әсіресе балалардың жиналуымен байланысты әр 3-5 жыл сайын ауру деңгейінің циклдік өсуімен сипатталады.

Елімізде Биыл жыл басынан көкжөтелдің 442 жағдайы тіркелді. Көкжөтелмен сырқаттанушылықтың 89% негізінен вакцинацияланбаған балалардың есебінен тіркеледі. Бұл ретте, жоғары деңгей Астана қаласында, Қарағанды, Атырау, Алматы, Павлодар, Ақтөбе облыстарында байқалады.

Адам папилломасы вирусы – бүкіл әлемде өте кең таралған, шырышты қабаттар мен теріге әсер ететін вирустар тобының жалпы атауы. Вирустың 190-нан астам түрі белгілі, олардың кем дегенде 13-і қатерлі ісіктің дамуына әкеледі. АПВ негізінен жыныстық қатынас арқылы таралады және АПВ инфекцияларының көпшілігі жыныстық қатынас басталғаннан кейін көп ұзамай пайда болады. Вирус қауіпті, өйткені ол тез тарала алады, жасушалардың қатерлі ісігінің қайта шығуының және салдарынан қатерлі ісіктің дамуының қоздырғышына айналады Көбінесе инфекция асимптоматикалық болып табылады, сондықтан адамда АПВ бар-жоғын арнайы зертханалық талдаудан кейін ғана білуге болады. АПВ инфекцияларының көпшілігінде сыртқы белгілер жоқ.

Қызылша ошақтарын эпидемиологиялық тексеру шеңберінде балаларды жоспарлы профилактикалық егулермен қамтудың шекті деңгейінің (кемінде 90%) сақталуына 2381 МДҰ-ға мониторингтік шығу жүргізілді. Мониторинг қорытындысы бойынша 1041 МДҰ-да (44%) егумен қамтудың 90% шекті деңгейі сақтамалмайтыны анықталды. Мониторинг нәтижелері бойынша аумақтық білім басқармаларына қызылша және басқа да вакцинамен басқарылатын инфекциялар бойынша профилактикалық және эпидемияға қарсы іс-шараларды ұйымдастыру бойынша ұсыныстар берілді. Сондай-ақ, МДҰ-ның басшыларымен және медицина қызметкерлерімен инфекциялардың алдын алуда вакцинацияның маңыздылығы және профилактикалық егулермен қамтудың шекті деңгейін қамтамасыз ету жөніндегі талаптарды сақтау туралы ақпараттық-түсіндіру жұмыстары жүргізілді. Осы бағыттағы жұмыс жалғасуда.

Ағымдағы жылдың қаңтар айында желтоқсанмен салыстырғанда COVID-19 ауруының 2,5 есе өсуі тіркелді (желтоқсандағы 187 жағдайдан қаңтардағы 477 жағдайға дейін). ЖРВИ ауруы өткен эпидемиологиялық маусымның осыған ұқсас кезеңімен салыстырғанда 6,9% - ға өсті. Қызылшаның тіркелуі жалғасуда. Ауа-тамшы жолымен берілетін инфекциялық аурулардың (қызылша, COVID-19 коронавирус инфекциясы, тұмау және басқа да жіті респираторлық вирустық инфекциялар) алдын алудың қосымша шараларының бірі медициналық маскаларды пайдалану болып табылатынын ескере отырып, ағымдағы жылғы 8 ақпанда Қазақстан Республикасының Бас мемлекеттік санитариялық дәрігерінің қаулысы қабылданды, соған сәйкес медициналық ұйымдарда персонал мен келушілер медициналық маскаларды пайдалануы қажет. Халық көп жиналатын орындарда (әуежайлар, теміржол вокзалдары, автовокзалдар, базарлар, сауда-ойын-сауық орталықтары, сауда үйлері, театрлар, кинотеатрлар, ХҚКО-тары, банктер және т.б.) көліктің барлық түрлерінде (қоғамдық көлік, авиа, теміржол) медициналық немесе матадан тігілген маскаларды пайдалану ұсынылады.