enbek-kostanay
Әйелдер қай жаста зейнетке шығады?
2018 жылдан бастап әйелдердің зейнеткерлік жасын жыл сайын 6 айға кезең-кезеңімен арттыру көзделген. 2021 жылғы 1 қаңтардан бастап әйелдер үшін зейнетақы жасы 60 жасты құрайды және осы жылы 1961 жылғы екінші жартыжылдықта туылған әйелдер зейнетке шығады.
Сонымен қатар, әйелдер үшін ерте зейнетке шығу мүмкіндігі сақталды:
1) 45 жаста – 1949 жылғы 29 тамыз бен 1963 жылғы 5 шілде аралығындағы кезеңде Семей ядролық сынақ полигонының аумақтарында (төтенше және ең жоғары радиациялық қатер аймақтарында) кемінде 5 жыл тұрған әйелдер үшін;
2) 53 жаста – 5 және одан да көп бала туған (асырап алған) және оларды сегіз жасқа дейін тәрбиелеген көп балалы аналар үшін;
3) 52 жаста (2021 ж.) - зейнетақы жинақтарының жеткіліктілігі кезінде және зейнетақы аннуитетін сатып алу шартымен;
Мүгедектік бойынша жәрдемақы алып, жұмыс істей аламын ба?
Мүгедектігі бойынша жәрдемақы жәрдемақы алуға өтініш берген уақытта жұмыс тоқтатылғанына немесе жалғастырылып жатқанына қарамастан, мүгедектік туындаған жағдайда тағайындалады. Жұмыс істейтін мүгедектерге мүгедектігі бойынша айлық жәрдемақы толық мөлшерде төленеді.
Асыраушысынан айырылу жағдайы бойынша және мүгедектігі бойынша жәрдемақыны бір мезгілде алуға кім құқылы?
Мүгедектігі бойынша және асыраушысынан айырылу жағдайы бойынша мемлекеттік әлеуметтік жәрдемақыларды бір мезгілде алу мүгедек балаларға бір немесе екі ата-анасының қайтыс болуына байланысты көзделген, Заңның осы нормасы 2021 жылғы 24 қазаннан бастап қолданылады.
Мен университетте күндізгі оқу бөлімінің екінші курс студентімін және асыраушысынан айырылу бойынша мемлекеттік әлеуметтік жәрдемақы аламын. Егер мен жұмысқа орналассам, маған жәрдемақы төлеу тоқтатыла ма?
Асыраушысынан айрылу жағдайы бойынша мемлекеттік әлеуметтік жәрдемақы төлеу, егер мемлекеттік жәрдемақы алатын студент оқу орнынан шығарылған немесе сырттай оқу нысанына ауыстырылған жағдайда тоқтатылуы мүмкін.
Мен екінші топтағы мүгедекпін, мен 60 жастамын, қазіргі уақытта жұмыс істеймін, бірақ менің жалақымнан міндетті зейнетақы жарналары ұсталмайды. Бұл заңды ма?
"Қазақстан Республикасында зейнетақымен қамсыздандыру туралы" ҚР Заңының 24-бабы 2-тармағының 2-тармақшасына сәйкес, егер мүгедектігі мерзімсіз болып белгіленсе, I және II топтардағы мүгедектігі бар жеке тұлғалар бірыңғай жинақтаушы зейнетақы қорына міндетті зейнетақы жарналарын төлеуден босатылады. Бірақ қызметкердің өтініші бойынша жұмыс беруші қызметкердің ай сайынғы табысының 10 пайызы мөлшерінде міндетті зейнетақы жарналарын ұстай алады.
Менің төрт балам бар, көп балалы отбасыма мемлекеттік жәрдемақы аламын, үлкен қызым желтоқсан айында он сегіз жасқа толады, ол колледжде күндізгі бөлімде оқиды, бірақ басқа қалада тұрады және оқиды. Бала кәмелетке толғаннан кейін жәрдемақы алуға құқығым бар ма?
Сіздің қызыңыз кәмелеттік жасқа толғаннан кейін сіз көп балалы отбасына жәрдемақы алу құқығын жоғалтпайсыз, өйткені қолданыстағы заңнамаға сәйкес орта, техникалық және кәсіптік, орта, жоғары және (немесе) жоғары оқу орнынан кейінгі білім беру ұйымдарында күндізгі оқу нысанында оқитын балалар, олар кәмелеттік жасқа толғаннан кейін білім беру ұйымдарын бітіретін уақытқа дейін (бірақ жиырма үш жасқа толғанға дейін) бірге тұру фактісіне қарамастан, отбасы құрамында ескеріледі.
Зейнетақы төлемдері маған 07.10.2021 жылдан бастап тағайындалды. Зейнетақы тағайындау үшін мен 2018 жылғы шілде мен 2021 жылғы маусым (үш жыл қатарынан) аралығындағы табыс туралы анықтама бердім, егер мен басқа кезеңдегі (2021 жылғы маусым-қыркүйек) табыс туралы анықтаманы қосымша ұсынсам, маған зейнетақыны қайта есептеу жүргізіле ме?
Қолданыстағы зейнетақы заңнамасына сәйкес жасына байланысты зейнетақы төлемдерін алушы зейнетақы төлемдерін тағайындау үшін бұрын табыс етілген қосымша табыс туралы құжаттарды ұсынған кезде қосымша табыс етілген құжаттар бойынша орташа айлық табыс кезеңі жасына байланысты зейнетақы төлемдерінің мөлшері есептелген бастапқы табыс етілген орташа айлық табыс кезеңіне сәйкес келуге тиіс.
Зейнетақы тағайындау кезінде жұмыс өтілімде мен өзін-өзі жұмыспен қамтыған және ай сайын бірыңғай жиынтық төлемді төлеген уақыт ескеріле ме?
Егер жеке тұлға өз пайдасына міндетті зейнетақы жарналарын қамтитын бірыңғай жиынтық төлемді төлесе және осылайша Бірыңғай жинақтаушы зейнетақы қорында өзінің жеке зейнетақы шотын толтырса, онда бұл аударымдар жинақтаушы өтілге ескерілетін болады және тиісінше мемлекеттік базалық зейнетақы төлемін тағайындау кезінде ескерілетін болады.
Зейнетақы тағайындау кезіндегі еңбек өтіліне бірінші топтағы мүгедекке күтім жасау кезеңі қосыла ма?
"Қазақстан Республикасында зейнетақымен қамсыздандыру туралы" Заңға сәйкес зейнетақы төлемдерін тағайындау үшін еңбек өтілін есептеу кезінде бірінші топтағы мүгедектің күтіміне байланысты кезең есептеледі. Кезең сот шешімімен расталады.
