Сұрақ
Куәгерлерді мәжбүрлеп әкелу қандай жағдайларда жүзеге асырылады?
Жауап
Егер куәгер шақыру бойынша ақталған себептерсіз келмеген жағдайда, оны сотқа дейінгі тергеуді жүзеге асыратын тұлғаның негізделген қаулысымен мәжбүрлеп әкелуге болады.
Адам саудасына қарсы қандай шаралар қабылданады
Қазақстан Республикасы Ішкі істер министрлігі
Сұрақ
Адам саудасына қарсы қандай шаралар қабылданады
Жауап
Адам саудасына қарсы іс қимылға бағытталған шараларды үйлестіру және жандандыру мақсатында:
- 2024 жылғы 5 шілдеде Мемлекет басшысы адам саудасына, қарсы іс-қимылдың ұйымдық-құқықтық негіздерін, халықаралық ынтымақтастыққа үкіметтік емес ұйымдардың рөлін айқындауды, адам саудасының тәуекелдерін бағалауды және оларға көмек көрсету үшін құрбандарды қайта бейімдеу тетігін енгізуді, соның ішінде адам саудасы құрбандарының құқықтары мен міндеттерін, сондай-ақ кәмелетке толмаған адамдардың құқықтарын қорғау мәселелерін көздейтін «Адам саудасына қарсы іс-қимыл туралы» Қазақстан Республикасының бірінші арнайы Заңына қол қойды
- адам саудасына байланысты қылмыстардың алдын алу және оларға қарсы күрес жөніндегі үкіметтік жоспарлар кезең-кезеңімен қабылданып, іске асырылуда.
Қазіргі уақытта мемлекеттік органдар 2024-2026 жылдарға арналған кезекті іс-шаралар жоспарын орындауда.
- мемлекеттік органдардың, халықаралық және үкіметтік емес ұйымдардың диалог алаңы болып табылатын адам саудасына қарсы іс-қимыл жөніндегі ведомствоаралық комиссия жұмыс істейді.
- тиімділікті арттыру үшін халықаралық және үкіметтік емес ұйымдармен ынтымақтастық орнатылды.
- интернет желісіне, оның ішінде әлеуметтік желілерге, БАҚ-қа мониторинг жүргізіледі, ҮЕҰ-дан және басқа да көздерден келіп түсетін хабарламалар тексеріледі.
Ұқсас материалдар
Сұрақ
Қазақстан Республикасының Әкімшілік құқық бұзушылық туралы кодексінің 667-бабына 2025 жылғы 10 қаңтарда енгізілген соңғы өзгерістер нені білдіреді?
Жауап
Полиция қызметкерлерін құқықтық қорғауды күшейту және олардың қызметтік қызметіне заңсыз араласуға жол бермеу мақсатында.
Сұрақ
Қарудың қандай түрлерін рұқсатсыз сақтауға болады?
Жауап
Ішкі істер органдарында рұқсатынсыз азаматтар механикалық бүріккіштерді, аэрозольді және көзден жас ағызатын немесе тітіркендіргіш заттармен жабдықталған басқа құрылғыларды, пневматикалық, тұмсық энергиясы 7,5 Дж аспайтын және калибрі 4,5 мм дейінгі қаруды сақтай алады.
Сұрақ
Ұсталған тұлғаға кепілдік түріндегі процессуалдық шара қандай жағдайларда қолданылады?
Жауап
Қылмыстық істі жүргізетін орган өз өкілеттігі шегінде ұсталынған тұлғаға кепілдік түріндегі процессуалдық шара қолдануға құқылы.
Сұрақ
Бағдаршам нысанын орнатуды сұраймын?
Жауап
Бағдаршам объектісін орнатумен әкімдіктер айналысады. Аумақтық полиция бөлімшелері учаскеге тексеру жүргізеді және негізді болған жағдайда Ішкі істер органдарының қызметкерлері бағдаршам объектісін орнату үшін жергілікті атқарушы органға (бұдан әрі-ЖАО) өтініш енгізеді.
Сұрақ
Егер сот-медициналық сараптама жәбірленушінің денсаулығына зиян келтірудің ауырлығын анықтамаса, агрессорды қалай жауапқа тартуға болады?
Жауап
Дене жарақатын келтірген, бірақ денсаулыққа жеңіл зиян келтіруге әкеп соқпаған ұрып-соғу немесе өзге де күш қолдану әрекеттерін жасағаны үшін жауапкершілік Қазақстан Республикасының Қылмыстық кодексінің 109-1-бабында көзделген.
Сұрақ
Кәмелетке толмағандардың әкімшілік жауапкершілігі қай жастан басталады?
Жауап
Әкімшілік құқық бұзушылық туралы кодексінің 65-бабына сәйкес кәмелетке толмағандардың әкімшілік жауапкершілігі 16 жастан басталады.
Сұрақ
Денсаулыққа қасақана жеңіл зиян келтіргені үшін қандай жауапкершілік қарастырылған?
Жауап
Денсаулыққа қасақана жеңіл зиян келтіргені үшін жауапкершілік Қазақстан Республикасының Қылмыстық кодексінің 108-1-бабында көзделген.