Мен ҚР азаматтығын ала аламын ба және қандай мерзімде?

ҚР қолданыстағы заңнамасына сәйкес Қазақстан Республикасының азаматтығына қабылдануы мүмкін:

1) Қазақстан Республикасының аумағында заңды негіздерде кемінде бес жыл тұрақты тұратын не Қазақстан Республикасының азаматтарымен кемінде үш жыл некеде тұрған адамдар.

Бұл талап кәмелетке толмағандарды, әрекетке қабілетсіз адамдарды және Қазақстан Республикасы алдында ерекше еңбегі бар не кәсіптері бар және Қазақстан Республикасының Президенті белгілейтін тізбе бойынша талаптарға жауап беретін адамдарды және олардың отбасы мүшелерін Қазақстан Республикасының азаматтығына қабылдау кезінде талап етілмейді;

2) Қазақстан Республикасына тұрақты тұру мақсатында келген, жақын туыстарының бірі - Қазақстан Республикасының азаматтары: баласы (оның ішінде асырап алынған баласы), жұбайы (зайыбы), ата-анасының (асырап алушыларының) біреуі, әпкесі, ағасы, атасы немесе әжесі бар бұрынғы одақтас республикалардың азаматтары.

Бұдан басқа, жеңілдетілген (тіркеу) ҚР азаматтығын қабылдау тәртібі бар, оған сәйкес азаматтыққа қабылдануы мүмкін:

1) қандастар. Қазақстан Республикасының аумағында тұру мерзіміне қарамастан заңды негіздерде тұрақты тұратындар;

2) жаппай саяси қуғын-сүргіндердің құрбандары, сондай-ақ олардың ерік-жігерінсіз азаматтығынан айырылған немесе жоғалған, тұру мерзіміне қарамастан заңды негіздерде Қазақстан Республикасының аумағында тұрақты тұратын ұрпақтары, сондай-ақ Қазақстан Республикасы ратификациялаған халықаралық шарттар негізінде оңайлатылған тәртіппен Қазақстан Республикасының азаматтығын алуға құқығы бар адамдар;

3) Қазақстан Республикасының жоғары оқу орындарында оқитын этникалық қазақтар.

4) тұру мерзіміне қарамастан, Қазақстан Республикасының аумағында заңды негіздерде тұрақты тұратын Қазақстан Республикасы азаматтарының жесірлері.

Азаматтықты оңайлатылған (тіркеу) тәртіппен алу туралы материалдарды қарау мерзімі өтініш берілген күннен бастап үш айдан аспауға тиіс, ҚР Президентінің Жарлығы бойынша-алты айдан аспауға тиіс.