Қазақстан Республикасынан тыс жерлерге шетелде тұрақты тұруға шығуды ресімдеуге қатысты.

Тұрақты тұруға кету құжаттарын ресімдеу жөніндегі қағидаларға сәйкес қызметті Халыққа қызмет көрсету орталығына жүгіну арқылы қағаз форматта алуға болады.

Осыған байланысты, Сіз Қазақстан Республикасының аумағында тұрақты тіркелген жеріңіз бойынша Халыққа қызмет көрсету орталығына (бұдан әрі - ХҚКО) жүгінуіңіз қажет.

Қажетті құжаттар тізімі:

1) өтініш-сауалнама;

2) Қазақстан Республикасы азаматының жеке куәлігі мен паспорты, он алты жасқа толмаған балалардың туу туралы куәлігі, шетелдіктің Қазақстан Республикасында тұруға ықтиярхаты (жеке басын сәйкестендіру үшін);

3) алимент төлеу туралы келісім (алимент төлеу жөніндегі атқару парағы болған жағдайда);

4) он жасқа толған баланың ата-анасымен не өзге де заңды өкілдерімен (бала сізбен бірге кеткен жағдайда) кететіні туралы шешім қабылдаған кезде оның пікірін есепке алу туралы қорғаншылық және қамқоршылық органдарының қорытындысы;

5) он сегіз жасқа толмаған Қазақстан Республикасының азаматтары ата – анасының бірімен (қорғаншысымен, қамқоршысымен) бірлесіп тұрақты тұруға кеткен кезде-Қазақстан Республикасының аумағында тұратын басқа ата-анасының нотариалды куәландырылған келісімі. Келісім болмаған жағдайда кәмелетке толмағанның кетуіне сот тәртібімен рұқсат етілуі мүмкін;

6) мемлекеттік баждың төленгенін растайтын құжаттардың көшірмесі.

Күнтізбелік 20 күн ішінде ішкі істер органдары мемлекеттік органдарға салықтық, алименттік және өзге де берешек бойынша, әкімшілік айыппұлдар бойынша тексеруге, өтініш берушінің мемлекеттік және заңмен қорғалатын өзге де құпияны құрайтын мәліметтерді иеленуіне, сот оған жүктеген міндеттемелерді орындаудан жалтаруына, қылмыс жасағаны үшін сотталуына, азаматтық сот ісін өндірісінде ол жауапкер болып табыла ма, жоқ па деген сауалдар жібереді.

Шығудан бас тарту үшін негіздер болмаған кезде тіркеуден шығару үшін жолдама беріледі.

Қазақстан Республикасының қолданыстағы нормативтік құқықтық актілерінде өзге тәртіп көзделмеген.