Бір мектептен басқа мектепке ауысудың тәртібі қандай?

Білім беру ұйымдарында «Ұлттық білім беру дерекқоры» (бұдан әрі -ҰБДҚ) «Қазақстан Республикасы Оқу-ағарту министрінің 2025 жылғы 31 наурыздағы № 57 және Қазақстан Республикасы Еңбек және халықты әлеуметтік қорғау министрінің 2025 жылғы 31 наурыздағы № 96 бірлескен бұйрығымен бекітілген «Мемлекеттік білім беру ұйымдарының бірінші басшылары мен педагогтерін лауазымға тағайындау, лауазымнан босату қағидаларына» сәйкес «Мұғалімдерді жұмысқа қабылдау» модулі іске қосылды. Педагог қызметкерлер аталған бұйрықтың 3-тарауына сәйкес конкурстық негізде қызметке орналасады. Осыған байланысты, білім беру ұйымдарының және білім беруді басқару органының интернет-ресурсында және әлеуметтік желілердің ресми аккаунттарында, «Мұғалімдерді жұмысқа қабылдау» модулінде немесе enbek.kz порталында конкурс өткізу туралы хабарландыру жарияланған жағдайда, мамандығы қажетті мамандар тізімінде болса, конкурсқа қатынасу үшін құжаттарын тапсырады.

1-сыныпқа қабылдау жыл сайын 1 сәуір – 31 тамыз аралығында жүргізіледі. Өтінішті екі жолмен беруге болады: 1. Онлайн – eGov порталы арқылы; 2. Мектепке барып, құжаттарды қолма-қол тапсыру. Қажетті құжаттар: 1. Ата-ананың өтініші (онлайн/қағаз формат); 2. Баланың туу туралы куәлігі және ата-анасының жеке куәлігі (көшірме). 3. Баланың 3×4 суреті (2 данаі). 4. Баланың денсаулық паспорты және медициналық құжаттар: 5. Психологиялық-медициналық-педагогикалық комиссияның қорытындысы (егер қажет жағдай болса). Егер сізге қосымша ақпарат қажет болса немесе нақты сұрақтарыңыз болса, жергілікті білім беру басқармасының ресми сайттарына немесе кеңселеріне жүгінуіңізге болады.

2024 жылы «WorldSkills Kazakhstan 2024» ұлттық кәсіби шеберлік чемпионатына 10 колледжден 31 болашақ жас маман қатысты. Облысымыздың командасы 1 алтын, 3 күміс, 1 қола медаль, 8 студент «Үздік маман» медалімен марапатталды.

Мәлімделген біліктілік санатына сәйкес барлық критерийлерді орындау міндетті болып табылады (яғни, шешім қабылдау үшін балдар біліктілік санаттары бөлінісінде шекті мәнді ескере отырып, бағалаудың барлық критерийлері бойынша қойылуы тиіс, бір немесе бірнеше бағалау критерийлері бойынша мәлімделген біліктілік санатының материалдары (портфолиосы) сәйкес келмеген жағдайда, олар бойынша 0 қойылады).

«Мемлекеттік білім беру мекемелеріндегі білім алушылар мен тәрбиенушілердің жекелеген санаттарына қала сыртындағы және мектеп жанындағы лагерьлерде демалуы үшін құжаттар қабылдау және жолдама беру» ҚР Білім және ғылым министрінің 24.04.2020 жылғы № 158 бұйрығына сәйкес жүргізіледі.1) мемлекеттік атаулы әлеуметтік көмекті алуға құқығы бар отбасылардан шыққан балалар үшін - көрсетілетін қызметті алушының (отбасының) жергілікті атқарушы органдар ұсынатын мемлекеттік атаулы әлеуметтік көмекті тұтынушылар қатарына жататынын растайтын анықтама; 2) жан басына шаққанда орташа табысы күн көріс деңгейінен төмен, мемлекеттік атаулы әлеуметтік көмек алмайтын отбасылардан шыққан балалар үшін - алған табысы туралы құжаттар (жұмыс істейтін ата-аналардың немесе оларды алмастыратын адамдардың жалақылары туралы, кәсіпкерліктен және басқа да қызмет түрлерінен түсетін табыстары туралы, балаларға және басқа да асырауындағыларға төленетін алимент түріндегі табыстары туралы анықтама); 3) отбасыларда тәрбиеленетін жетім балалар, ата-анасының қамқорлығынсыз қалған балалар үшін - отбасыларда тәрбиеленетін жетім балалар мен ата-анасының қамқорлығынсыз қалған балалар үшін қорғаншылықты (қамқоршылықты), патронаттық тәрбиелеуді бекіту туралы уәкілетті органның шешімі; 4) төтенше жағдайлардың салдарынан шұғыл көмекті талап ететін отбасылардан шыққан және білім беру ұйымының алқалы басқару органы айқындайтын білім алушылар мен тәрбиеленушілердің өзге де санаттарына жататын балалар үшін - отбасының материалдық-тұрмыстық жағдайын тексеру негізінде алқалы органның шешімі.Осы аталған санаттарға сәйкес болған жағдайда құжаттарды балаңыз оқитын білім беру ұйымына тапсырылады.

Қазақстан Республикасы Білім және ғылым министрінің 2020 жылғы 27 мамырдағы №223 бұйрығына «Бастауыш, негізгі орта, жалпы орта білім беру ұйымдарына денсаулығына байланысты ұзақ уақыт бойы бара алмайтын балаларды үйде жеке тегін оқытуды ұйымдастыру үшін құжаттарды қабылдау» бұйрығына сәйкес, үйде оқыту мемлекеттік білім беру ұйымдарында тегін жүргізіледі, өйткені бұл білім алушының құқықтарына сәйкес қарастырылған мемлекеттік қызмет болып табылады.Денсаулығына байланысты ұзақ уақыт бойы мектепке бара алмайтын балаларды үйде жеке тегін оқыту үшін медициналық дәлелдер мен өтініштер арқылы мектепке қабылдануы қажет. Мектеп тарапынан арнайы оқу бағдарламасы және оқытушы тағайындалады.

Қазақстан Республикасы Білім және ғылым министрінің 2016 жылғы 27 қаңтардағы «Педагогтерді аттестаттаудан өткізу қағидалары мен шарттарын бекіту туралы» № 83 бұйрығына (Қазақстан Республикасы Оқу-ағарту министрінің 2024 жылғы 2 сәуірдегі № 72 бұйрығымен) сәйкес, біліктілік санатын алу(растау) педагогтің өтініші негізінде жүзеге асырылады. Осыған орай, аталған бұйрыққа сәйкес өтініш бермеген жағдайда, біліктілік санатының мерзімі берілген уақыттан бастап бес жыл мерзімге жарамды екенін қаперіңізге береді.

«Педагогтерді аттестаттаудан өткізу қағидалары мен шарттарын бекіту туралы» Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығына сәйкес аттестациядан өткен педагог қызметкерлердің жалақысына, «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысына сәйкес келесідей қосымша ақылар қосылады. Айылық лауазымдық айлықақы сомасынан: - Педагог - шебер 50% - Педагог – зерттеуші 40% - Педагог – сарапшы 35% - Педагог – модератор 30 %