2026 жылы оңайлатылған декларация негізінде арнаулы салық режимін қолдану шарттары?

Екінші деңгейдегі банктерден мәліметтер алынғаннан кейін мемлекеттік кірістер органдары іс-шараларды екі кезеңде жүзеге асырады. Бірінші кезең – салық төлеушіні хабардар ету. Қазақстан Республикасы Салық кодексінің 93-бабына сәйкес салық органдары салық төлеушіні табыс алу белгілерінің бар екендігі туралы хабардар етеді. Осы мақсатта салық төлеушіге хабарлама (извещение) жіберіледі, ол ақпараттық сипатқа ие және жауап беруді талап етпейді. Екінші кезең – бақылау шаралары. Бұдан әрі, негіздер болған жағдайда, мемлекеттік кірістер органдары Қазақстан Республикасының Салық кодексінде көзделген тәртіппен камералдық бақылау жүргізеді. Камералдық бақылау нәтижелері бойынша сәйкессіздіктер анықталған жағдайда, Қазақстан Республикасы Салық кодексінің 137-бабына сәйкес салық төлеушіге хабарлама (уведомление) жолданады. Хабарламаны орындау оны тапсырған күннен кейінгі күннен бастап 30 жұмыс күні ішінде жүзеге асырылады.

Иә, белгіленген критерийлерге сәйкес келетін барлық жеке тұлғалар бойынша мәліметтер мемлекеттік кірістер органдарына ұсынылады. Бұл ретте жеке тұлғаның жеке кәсіпкер ретінде тіркелген-тіркелмегені ескерілмейді, себебі бақылау кәсіпкерлік қызметке арналмаған банк шоттарына түскен ақша қаражаттарына қатысты жүргізіледі.

Қазақстан Республикасының Салық кодексінің 55-бабы 2-тармағының 24) тармақшасына сәйкес банк ұйымдары кәсіпкерлік қызметтен табыс алу белгілері анықталған жағдайда жеке тұлғаның банк шотына басқа жеке тұлғалардан түскен ақша қаражатының жиынтық сомасы туралы мәліметтерді ұсынады. Мұндай мәліметтер Қазақстан Республикасы Қаржы министрінің 2025 жылғы 12 қарашадағы № 698 бұйрығымен бекітілген критерийлер бір мезгілде орындалған кезде ғана беріледі. Атап айтқанда, егер жеке тұлға қатарынан үш күнтізбелік айдың әрқайсысында кәсіпкерлік қызметке арналмаған банк шотына 100-ден астам әртүрлі тұлғадан ақша алса және олардың жалпы сомасы ең төменгі жалақының 12 еселенген мөлшерінен асса, банктер бұл туралы мәліметтерді мемлекеттік кірістер органдарына жолдайды.

01.01.2026 жылдан бастап сіз өзін-өзі жұмыспен қамтығандар үшін арнаулы салық режимінде қызметті жүзеге асыруға құқығыңыз бар, өйткені такси қызметінің түрі өзін-өзі жұмыспен қамтығандар үшін арнаулы салық режимін қолдануға рұқсат етілген қызмет түрлерінің тізбесіне кіреді. Бұл ретте осы режимді қолдана отырып, күнтізбелік айда тиісті қаржы жылының 1 қаңтарында қолданыста болатын айлық есептік көрсеткіштің 300 еселенген мөлшерінен аспауға тиіс кіріс бойынша шарттарға сәйкес келу қажет (4 325 АЕК*300= 1 297 500 теңге). Өзін-өзі жұмыспен қамтығандардың қызметі арнайы мобильді қосымшаны міндетті түрде пайдалана отырып жүзеге асырылатын болады.

01.01.2026 жылдан бастап Сіз қызметті өзін-өзі жұмыспен қамтығандар үшін арнаулы салық режимінде жүзеге асыруға құқығыңыз бар, өйткені "шаштараздар мен сұлулық салондарының қызмет көрсету" бойынша қызмет түрі өзін-өзі жұмыспен қамтығандар үшін арнаулы салық режимін қолдануға рұқсат етілген қызмет түрлерінің тізбесіне кіреді. Бұл ретте осы режимді қолдана отырып, күнтізбелік айда тиісті қаржы жылының 1 қаңтарында қолданыста болатын айлық есептік көрсеткіштің 300 еселенген мөлшерінен аспауға тиіс кіріс бойынша шарттарға сәйкес келу қажет (4 325 АЕК*300= 1 297 500 теңге).

2025 жылы сатып алынған және тіркелген және мемлекеттік тіркелген күннен бастап бір жыл немесе одан да көп уақыт өткен соң сатылатын жылжымайтын мүлік сатылған жағдайда құн өсімінен түсетін табыс пайда болмайды, өзгерістер 2026 жылғы 1 қаңтардан кейін тіркелетін жылжымайтын мүлік объектілеріне әсер етеді, демек, 2026 жылғы 1 қаңтардан кейін жүргізілген меншік құқығын тіркеу кезінде иелену кезеңі екі жылды құрайды.

Электрондық шот-фактураларды жазып беруді тоқтата тұруды салық органы: 1) салық органы тауарларды өткізу, жұмыстарды орындау және қызметтер көрсету бойынша нақты айналымның жасалғанын растау туралы хабарламаны орындамаған немесе орындалмаған деп тану туралы шешім шығарған; 2) салық төлеушінің (салық агентінің) орналасқан жерін растау туралы хабарлама орындалмаған; 3) осындай салық есептілігін алдыңғы алты ай ішінде дербес ұсынбаған қосылған құн салығын төлеушінің қосылған құн салығы бойынша салық есептілігін табыс ету мерзімі өткен; 4) қосылған құн салығын төлеуші осындай салық есептілігін табыс ету қайта басталған күнге дейін осындай салық бойынша салық есептілігін табыс етуді тоқтата тұрған; 5) дара кәсіпкерді немесе заңды тұлғаны тіркеуді жарамсыз деп тану туралы сот актісі заңды күшіне енген; 6) заңды тұлғаны қайта тіркеуді жарамсыз деп тану туралы сот актісі заңды күшіне енген; 7) заңды тұлғаның бірінші басшысы немесе дара кәсіпкер болып табылатын жеке тұлғаны әрекетке қабілетсіз немесе әрекет қабілеті шектеулі деп тану туралы сот актісі заңды күшіне енген; 8) заңды тұлғаның бірінші басшысы немесе дара кәсіпкер болып табылатын жеке тұлғаны хабар-ошарсыз кетті деп тану туралы сот актісі заңды күшіне енген; 9) заңды тұлғаның бірінші басшысы немесе дара кәсіпкер болып табылатын жеке тұлғаның қайтыс болғаны немесе қайтыс болды деп танылғаны туралы нөмірлер тізілімінен мәліметтер келіп түскен; 10) заңды тұлғаның бірінші басшысы немесе жалғыз құрылтайшысы (қатысушысы) немесе дара кәсіпкер болып табылатын жеке тұлға Қазақстан Республикасы Қылмыстық кодексінің 216, 238 немесе 245-баптары бойынша осы заңды тұлғаның немесе дара кәсіпкердің қызметі бойынша қылмыстық құқық бұзушылық жасағаны үшін кінәлі деп танылған сот актісі заңды күшіне енген; 11) заңды тұлғаның бірінші басшысы немесе дара кәсіпкер болып табылатын жеке тұлғаны іздестіру туралы қаулы шығарылған; 12) болу мақсаты ҚР-да еңбек қызметін жүзеге асырумен байланысты емес не заңды тұлғаның бірінші басшысы немесе жалғыз құрылтайшысы (қатысушысы) немесе дара кәсіпкер болып табылатын жеке тұлғаның - шетелдіктің немесе азаматтығы жоқ адамның ҚР аумағында болуының рұқсат етілген мерзімі аяқталғаны туралы мәліметтер келіп түскен; 13) дара кәсіпкерді әрекетсіз салық төлеушілер тізіліміне енгізу күнінен; 14) бірінші басшысы немесе жалғыз құрылтайшысы (қатысушысы) қосылған құн салығын төлеуші заңды тұлғаның бірінші басшысы немесе жалғыз құрылтайшысы (қатысушысы) болып табылатын салық төлеушінің әрекетсіз салық төлеушілер тізіліміне енгізілген күннен кейінгі; 15) салық төлеуші камералдық бақылау нәтижелері бойынша болжамды алшақтықтар туралы хабарламаны орындамаған жағдайларда бір жұмыс күні ішінде жүргізеді. (ҚР СК 88-бабы)

Мынадай шарттарға сәйкес келетін: 1) өзін-өзі жұмыспен қамтығандар үшін арнаулы салық режимін қолдануға рұқсат етілген қызметтің бір немесе бірнеше түрін жүзеге асыратын. Өзін-өзі жұмыспен қамтығандар үшін арнаулы салық режимін қолдануға рұқсат етілген қызмет түрлерінің тізбесін ҚР Үкіметі бекітеді; 2) жұмыскерлердің еңбегін пайдаланбайтын; 3) күнтізбелік айдағы табысы айлық есептік көрсеткіштің 300 еселенген мөлшерінен аспайтын ( 4 325 АЕК*300= 1 297 500 теңге) жеке тұлғалар (дара кәсіпкерлер болып табылмайтын) – ҚР азаматтары, қандастар өзін-өзі жұмыспен қамтығандар болып танылады. Салық салу объектісі қызметтен түскен табыс болып табылады. Есепке алу қарапайым нысанда жүргізілетін, байланыс жоқ жерлерде жұмыс істеу жағдайларын қоспағанда, кірістерді есепке алу тізілімде арнайы мобильдік қосымша арқылы жүргізіледі. Салық кезеңі – күнтізбелік ай. Өзін-өзі жұмыспен қамтығандар үшін АСР қолданатын тұлғалар табыс салығын төлеуден толық босатылды (ЖТС мөлшерлемесі 0%). Мұндай тұлғалар үшін жалғыз міндеттеме табыстың 4% мөлшерінде әлеуметтік төлемдерді төлеу болып табылады (МЗЖ, ЖМЗЖ, ӘА және МӘМС 1%), бұл өзін-өзі жұмыспен қамтығандарға базалық әлеуметтік кепілдіктерді қамтамасыз етеді. Интернет-платформаларды пайдаланатын өзін-өзі жұмыспен қамтығандар Салық кодексінің 721-бабының ережелерін ескеруі керек. Үкіметтің 21.11.2025 жылғы №994 қаулысына сәйкес өзін-өзі жұмыспен қамтығандар үшін рұқсат етілген қызмет түрлері 01620 мал шаруашылығына ықпал ететін қызмет 32200 музыкалық аспаптар өндірісі 43310 сылақ жұмыстары 43320 ағаш ұстасы және ағаш ұстасы 43330 едендерді жабу және қабырғаларды қаптау 43340 бояу және шыны жұмыстары 47992 желілік маркетинг арқылы бөлшек сауда 49320 такси қызметі 53200 өзге пошта және курьерлік қызмет * (53200 * басқа пошта қызметін қоспағанда); 56210 тапсырыс бойынша дайын тағамды жеткізу; 68201 жалға алу (қосалқы жалдау) және меншікті немесе жалға алынған тұрғын үйді басқару; 74200 Фотосурет саласындағы қызмет; 74300 ауызша және жазбаша аударма жөніндегі қызмет 75000 ветеринариялық қызмет; 77290 жеке тұтынудың өзге де заттарын жалға алу және лизингке беру және тұрмыстық тауарлар; 81211 тұрғын үйлерді жалпы тазалау; 82990 басқа топтамаларға енгізілмеген қосалқы коммерциялық қызметтерді ұсыну жөніндегі өзге де қызмет * (82990 * тек қана интернет-платформалар арқылы көрсетілетін қызметтер бойынша); 85510 Спорт және демалыс саласындағы білім беру; 85520 мәдениет саласындағы білім беру; 85599 басқа топтамаларға енгізілмеген білім беру саласындағы өзге де қызмет; 90030 көркем және әдеби шығармашылық; 95110 компьютерлер мен перифериялық жабдықтарды жөндеу; 95120 коммуникациялық жабдықты жөндеу; 95210 электрондық тұрмыстық техниканы жөндеу; 95220 тұрмыстық аспаптарды, үй және бақша жабдықтарын жөндеу, 95231 аяқ киімді жөндеу; 95232 табиғи және жасанды былғарыдан жасалған жол және галантерея бұйымдарын жөндеу; 95240 Жиһаз және интерьер заттарын жөндеу; 95251 қол және басқа сағаттарды жөндеу; 95252 зергерлік бұйымдарды жөндеу; 95291 тоқыма және тоқыма бұйымдарын жөндеу; 95292 тігін бұйымдарын, бас киімдерді және тоқыма галантерея бұйымдарын жөндеу; 95293 Үлбір және былғары бұйымдар мен бас киімдерді жөндеу; 95294 музыкалық аспаптарды жөндеу; 95295 кілемдер мен кілем бұйымдарын жөндеу; 95296 велосипед жөндеу; 95299 басқа топтамаларға енгізілмеген жеке тұтынудың өзге де заттары мен тұрмыстық тауарларды жөндеу; 96020 шаштараздар мен сұлулық салондарымен қызмет көрсету; 97000 үй қызметшісін жалдайтын үй шаруашылығы қызметі; 98100 үй шаруашылығында өзі тұтынуға арналған тауарларды өндіру жөніндегі қызметі.