"Шахтер-Егінді" автомобиль жолын жөндеу қашанға жоспарлануда?

Мүгедектігі бар адамдар мен мүгедектігі бар балаларға санаторий-курорттық емдеу Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы №283 бұйрығымен бекітілген қағидаларға сәйкес, мүгедектігі бар адамның жеке абилитация және оңалту бағдарламасы негізінде ұсынылады. «Мүгедектігі бар адамдар мен мүгедектігі бар балаларды санаторий-курорттық емдеумен қамтамасыз ету үшін құжаттарды ресімдеу» мемлекеттік қызметі «электрондық үкімет» веб-порталы арқылы көрсетіледі. Санаторий-курорттық ем алуға өтінімді Egov.kz веб-порталы арқылы беруге болады.

«Нұра–Жараспай» автомобиль жолы облыстық маңызы бар жолдарға жатады. Аталған автомобиль жолының әкімшісі – Жолаушылар көлігі және автомобиль жолдары басқармасы. Басқармадан алынған ақпаратқа сәйкес, 2026 жылғы наурыз айында аталған автомобиль жолына орташа жөндеу жұмыстарын жүргізу үшін мердігер ұйымды анықтау мақсатында конкурстық рәсімдер өткізу жоспарлануда. Жөндеу жұмыстары конкурстық рәсімдер аяқталып, мердігер ұйым анықталғаннан кейін жүргізілетін болады.

Жұмыс іздеп жүрген азаматтар тұрғылықты жері бойынша Халықты жұмыспен қамту жөніндегі мансап орталығына жүгінуіне болады. Орталық мамандары жұмысқа орналасуға жәрдемдеседі, қолда бар бос жұмыс орындары туралы ақпарат береді, сондай-ақ жұмыспен қамту саласындағы мемлекеттік бағдарламаларға қатысу мәселелері бойынша кеңес береді. Сонымен қатар, азаматтар жұмыссыз ретінде тіркеле алады. Бұл мемлекеттік қолдау шараларына қол жеткізуге мүмкіндік береді, атап айтқанда: қысқа мерзімді оқыту, жастар практикасы, қоғамдық жұмыстар, әлеуметтік жұмыс орындары, «Күміс жас» жобасы, гранттар. Толық ақпарат алу үшін Халықты жұмыспен қамту жөніндегі мансап орталығына жүгіну немесе электрондық үкімет порталы немесе enbek.kz арқылы өтінім беру қажет.

Нұра ауданының Нұра кентінде Н. Әбдіров көшесі бойында орнатылған көшені жарықтандыруды автоматтандырылған басқару жүйесі жұмыс істеп тұр. Аталған жүйе 2024 жылғы 02 ақпанда ынтымақтастық туралы меморандум аясында пайдалануға берілді. Жүйені орнату және іске қосу жұмыстары толықтай тегін негізде жүргізілді. Жабдықтың кепілдік пайдалану мерзімі 1 жылды құрап, 2025 жылғы 02 ақпанда аяқталды. Қазіргі уақытта көше жарығы жүйесіне әрі қарай техникалық қызмет көрсету және оны қаржыландыру мәселесі Қазақстан Республикасының бюджет заңнамасына сәйкес белгіленген тәртіпте қарастырылуда. Жарықтандыру жүйесінің жұмысында ақаулар туындаған жағдайда тұрғындар тиісті шаралар қабылдау үшін Нұра кенті әкімінің аппаратына жүгіне алады.

2024 жылғы 4 желтоқсаннан бастап Қазақстан Республикасының азаматтары мемлекеттік тұрғын үй қорынан алынған тұрғын үйді жекешелендіруге заңды түрде құқыққа ие болды. Бұл мүмкіндік 2024 жылғы 22 қарашада Мемлекет басшысы қол қойған «Тұрғын үй саясатын реформалау мәселелері бойынша кейбір заңнамалық актілерге өзгерістер мен толықтырулар енгізу туралы» Қазақстан Республикасының Заңының қабылдануы нәтижесінде іске асты. Қазақстан Республикасының «Тұрғын үй қатынастары туралы» Заңының 13-бабының 8-тармағына сәйкес, келесі санаттағы азаматтар тұрғын үйді тегін жекешелендіруге құқылы: Ұлы Отан соғысының ардагерлері; I және II топтағы мүгедектер; Чернобыль атом электр станциясының апатын жоюға қатысқандар; Семей ядролық полигонындағы ядролық сынақтардың зардап шеккендері; Арал маңы экологиялық апатының зардап шеккендері; Бұрынғы КСРО-ны қорғау кезінде, соның ішінде Ауғанстандағы әскери қызмет барысында мүгедек болған әскери қызметшілер; 20 жыл еңбек өтілі бар әскери қызметшілер, Сыртқы барлау органы қызметкерлері, Ішкі істер органдары қызметкерлері немесе мүгедек баласы бар жағдайда кемінде 10 жыл еңбек өтілі бар қызметкерлер; Қызметтік міндетін атқару кезінде қаза тапқан әскери қызметшілердің, Сыртқы барлау органы қызметкерлерінің және Ішкі істер органдары қызметкерлерінің отбасы мүшелері; Саяси қуғын-сүргін құрбандары; Ғарышкерлер және ғарышкерлерге үміткерлер. Қалған азаматтар мұндай тұрғын үйді қалдықтық құны бойынша сатып ала алады, яғни тұрғын үйдің баланстық құнынан физикалық тозуды шегергендегі құны бойынша. Физикалық тозу жыл сайын тұрғын үйдің баланстық құнының 2%-ын құрайды. Сонымен бірге, міндетті шарт ретінде тұрғын үйді приватизациялау туралы келісімшартта белгіленген құнының кемінде он пайызын алғашқы жарна ретінде төлеу талап етіледі. Қалдықтық құны он бес миллион теңгеден кем тұрғын үйлер он жылға дейінгі бөліп төлеу жүйесімен беріледі. Қалдықтық құны он бес миллион теңгеден асатын тұрғын үйлер он бес жылға дейінгі бөліп төлеу жүйесімен беріледі. Өтінішті беру eGov.kz порталы арқылы жүзеге асырылады. Өтініш берген кезде келесі құжаттарды қосу қажет: неке қию немесе некені бұзу туралы куәлік (бар болса); тұрғын үйді жалдау шарты бойынша қарыздың жоқтығын растайтын құжат; тұрғын үйдің бар немесе жоқ екенін растайтын анықтама; тұрғын үйді жалдау шарты немесе тұрғын үйге арналған ордер; жеңілдік санатына жататынын растайтын анықтама (бар болса), немесе жұмыс (қызмет) орнынан анықтама, немесе қызметкердің еңбек қызметін растайтын құжаттың көшірмесі.

2025 жылғы 24 мамырдан бастап мемлекеттік тұрғын үй қорынан баспана алу үшін кезекке тұру «Тұрғын үймен қамтамасыз ету орталығы» ақпараттық жүйесі арқылы orken.otbasybank.kz порталында жүзеге асырылады. Өтініш беру үшін азамат жүйеге кіру кезінде қолданатын ЭЦҚ (электрондық цифрлық қолтаңба) қажет. Процесс толық цифрландырылған — қажетті мәліметтер (отбасы құрамы, тұрғын үйдің бар-жоғы, кірістер және басқа да ақпараттар) мемлекеттік ақпараттық базалардан автоматты түрде жүктеледі. Ерекше жағдай — жалғыз баспанасы апатты деп танылған Қазақстан Республикасының азаматтары. Олар электрондық форматта тұрғын үйдің апатты екенін растайтын тиісті қорытындыны қосымша тіркеуі қажет.

Қазақстан Республикасы Жер кодексінің 43-1 бабына сәйкес - шаруа немесе фермер қожалығын, ауыл шаруашылығы өндірісін жүргізу үшін мемлекеттік меншіктегі жер учаскелерін беру ерекшеліктері: Мемлекеттік меншіктегі және жер пайдалануға берілмеген жер учаскелерін шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығымен беру осы бапта белгіленген тәртіппен және шарттарда шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурс негізінде жүзеге асырылады. Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыруды және өткізуді аудандардың, облыстық маңызы бар қалалардың жергілікті атқарушы органдары жүзеге асырады. Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа қатысуға өтінімдерді қабылдау және тіркеу – өтінімдерді қабылдау басталған күннен бастап он бес жұмыс күні ішінде, ал қайта конкурс өткізілген жағдайда он жұмыс күні ішінде жүзеге асырылады. Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты жер комиссиясы осы Кодекстің 43-бабының 2-тармағына сәйкес өткізеді. Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурстың жеңімпазын жер комиссиясы тиісті өлшемшарттарды ескере отырып, балл беру арқылы конкурстық ұсыныстарды салыстыру негізінде айқындайды. Жер комиссиясы конкурстық ұсыныстарды бағалайды, салыстырады және жеңіп шыққан конкурстық өтінімді айқындайды. Сұрақ: Коммуналдық тұрғын үй қорынан тұрғын үй алу үшін кезекке қоюдан қандай жағдайда бас тарта алады? Жауап: «Тұрғын үй қатынастары туралы» Қазақстан Республикасы Заңының 72 бабына сәйкес жалғыз тұрғынжайы Қазақстан Республикасының заңнамасында көзделген тәртіппен авариялық деп танылған азаматтарға тұрғынжайы авариялық деп танылған елді мекеннен тыс жерде өтініш білдірген кезде, сондай-ақ, егер азаматтың соңғы бес жылдың iшiнде өз тұрғын үй жағдайларын қасақана нашарлатуы салдарынан мынадай жолдармен мұқтажға айналғаны: тұрғын үй-жайын ауыстырғаны; оның Қазақстан Республикасының белгiлi бiр елдi мекенiнде орналасуына қарамастан, өзiне меншiк құқығымен тиесiлi, тұру үшiн жарамды тұрғын үйдi, жергiлiктi атқарушы орган тұрғын үйдi осы Заңның 98-1-бабына сәйкес сатып алғаннан басқа жағдайларда, иелiгiнен шығаруы; тұрғын үйдiң өз кiнәсiнен бұзылуы немесе бүлiнуi; тұрған кезiнде оның мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үйге мұқтаж болмаған кезде тұрғын үйiнен кетуi; жұбайынан, кәмелетке толмаған және еңбекке жарамсыз балаларынан, сондай-ақ еңбекке жарамсыз ата-аналарынан басқа адамдарды тұрғызғаны анықталса, мемлекеттiк тұрғын үй қорынан тұрғынжай немесе жеке тұрғын үй қорынан жергiлiктi атқарушы орган жалдаған тұрғынжай беру үшiн есепке қоюдан бас тартылады.