Өңірде волонтерлік бағытта қандай маңызды жобалар жүзеге асырылуда?

Азаматтардың бейбіт жиналыстары жергілікті атқарушы органға берілетін хабарлама немесе келісуді алу туралы өтініш негізінде өткізіледі. Қарау тәртібі Қазақстан Республикасының «Бейбіт жиналыстарды ұйымдастыру және өткізу тәртібі туралы» Заңында (бұдан әрі – Заң) белгіленген бейбіт жиналыс нысанына байланысты анықталады. Митинг, пикет және жиналыс өткізу үшін — хабарлама беріледі. Шеру мен демонстрация өткізу үшін — келісуді алу туралы өтініш беріледі. Хабарлама немесе өтініш е-Otinish жүйесі арқылы өтініш берушінің электрондық цифрлық қолтаңбасымен электронды түрде немесе жергілікті атқарушы органның азаматтарды қабылдау орталығына барып, жеке түрде беріледі. Азамат дайын арызды тапсыра алады немесе оны сол жерде ресімдей алады. Арыз түскен күні тіркеледі. Хабарламаны қарау мерзімі – 3 жұмыс күніне дейін, өтінішті қарау мерзімі – 7 жұмыс күніне дейін. Хабарламада немесе өтініште келесі мәліметтер көрсетіледі: іс-шараның мақсаты мен нысаны, өткізу күні мен уақыты (басталуы және аяқталуы), өткізу орны немесе жүру маршруты, қатысушылардың болжамды саны, ұйымдастырушы туралы мәліметтер (тегі, аты, әкесінің аты (бар болса), ЖСН, мекенжайы, байланыс деректері), дыбыс күшейткіш құралдарды, көлік немесе өзге де заттарды пайдалану туралы ақпарат, қаржыландыру көздері, арыз берушінің қолы және арыз беру күні. Хабарлама бейбіт жиналыс өткізілетін күнге дейін кемінде 5 жұмыс күні бұрын, келісуді алу туралы өтініш — кемінде 10 жұмыс күні бұрын берілуі тиіс. Тіркеуден кейін жергілікті атқарушы орган ұсынылған мәліметтердің толықтығы мен дұрыстығын, өткізілетін орынның, жүру маршрутының және уақыттың заң талаптарына сәйкестігін тексереді. Қарау нәтижесінде жергілікті атқарушы орган келесі шешімдердің бірін қабылдайды: - бейбіт жиналыс өткізуге келісім беру; - өткізу орнын және (немесе) жүру маршрутын не уақытты өзгерту туралы ұсыныс енгізу. Ұйымдастырушы 1 жұмыс күні ішінде өз келісімін немесе келіспеуін хабарлауға міндетті; - заңда көзделген негіздер болған жағдайда бас тарту. Қабылданған шешім арыз берушіге: қолма-қол, тапсырысты хатпен, электрондық цифрлық қолтаңбамен куәландырылған электрондық түрде, арызда көрсетілген электрондық пошта немесе ұялы байланыс нөмірі арқылы жіберіледі. Жергілікті атқарушы органның бейбіт жиналыстарды өткізуге келісім беруден бас тартуы мүмкін жағдайлардың толық тізбесі Заңда белгіленген: - егер олардың мақсаттары Қазақстан Республикасының конституциялық құрылысын күштеп өзгерту, Қазақстан Республикасының тұтастығын бұзу, мемлекеттің қауіпсіздігіне нұқсан келтіру, әлеуметтік, нәсілдік, ұлттық, діни, тектік-топтық және рулық алауыздықты қоздыру, Қазақстан Республикасы Конституциясының, Қазақстан Республикасының заңдары мен өзге де нормативтік құқықтық актілерінің басқа да ережелерін бұзу болып табылса; - егер бейбіт жиналыстарды ұйымдастырушы Заңға сәйкес ұйымдастыру құқығынан айырылған тұлға болса; - егер мемлекеттік қауіпсіздікке, қоғамдық тәртіптің бұзылуына, денсаулық сақтауға, басқа адамдардың құқықтары мен бостандықтарының қорғалуына қатер төнсе; - егер бейбіт жиналыстарды өткізу туралы хабарлама немесе келісім алу туралы өтінішті ұсыну мерзімдері сақталмаса; - егер ұсынылған ақпарат толық болмаса; ұсынылған құжаттарда жалған мәліметтер анықталса; не бейбіт жиналыстарды өткізуге қажетті құжаттар мен деректер Қазақстан Республикасының нормативтік құқықтық актілерінде белгіленген талаптарға сәйкес келмесе; - егер бейбіт жиналыстарды ұйымдастыру мен өткізуге арналған қаржыландыру келесі тұлғалар тарапынан жүзеге асырылса: жаппай қырып-жою қаруын таратуды қаржыландырумен байланысты ұйымдар мен адамдардың тізбесіне және (немесе) терроризмді және экстремизмді қаржыландырумен байланысты ұйымдар мен адамдардың тізбесіне енгізілген жеке тұлғалар және (немесе) заңды тұлғалар; қызметі Қазақстан Республикасының заңында белгіленген тәртіппен тоқтатыла тұрған немесе оған тыйым салынған заңды тұлға; шетелдіктер, азаматтығы жоқ адамдар және шетелдік заңды тұлғалар жүзеге асырса. - егер бейбіт жиналыстарды өткізу өмірлік маңызы бар объектілердің, көлік немесе әлеуметтік инфрақұрылымның, байланыс жүйелерінің жұмыс істеуіне кедергі келтірсе, көлік пен инфрақұрылым объектілерінің үздіксіз жұмысын, көгалдар мен шағын сәулеттік нысандардың, басқа да мүліктің сақталуын бұзса, сондай-ақ азаматтардың еркін қозғалысына кедергі келтірсе; - егер қатысушылардың болжамды саны бейбіт жиналыстарды ұйымдастыру және өткізу үшін арнайы орындардың шекті толу нормаларынан асып түссе; - егер осындай іс-шараларды өткізудің болжамды уақытында бейбіт жиналыстарды ұйымдастыру және өткізу үшін арнайы орындарда басқа ресми, мәдени, ойын-сауық мәдени-бұқаралық, дене шынықтыру-сауықтыру, спорттық және өзге де іс-шаралардың өткізілуі жоспарланса, құрылыс-монтаждау жұмыстары жүзеге асырылып жатса. Бас тарту туралы шешім «Қазақстан Республикасының Әкімшілік рәсімдер және әкімшілік рәсімдік-процестік кодексі» (ӘРПК)-нің 91-бабына сәйкес белгіленген тәртіппен шағымдануға жатады.

«Мерейлі отбасы» ұлттық конкурсына қатысу шарттары мен ережесі Конкурсқа қатысуға шақырылатын отбасылар: Ұлттық конкурсқа үміткер отбасының мүшелері еңбек, спорт, шығармашылық, зияткерлік немесе ғылыми жетістіктерге ие болуы тиіс. Сондай-ақ, қоғамдық пайдалы қызметпен (волонтерлік, қайырымдылық, тәлімгерлік және т.б.) айналысатын, отбасылық құндылықтарды насихаттайтын жанұялар қатыса алады. Конкурсқа өзі‑өзі қатысуға өтініш берген отбасылар немесе жергілікті атқарушы органдар мен ұйымдар ұсынған отбасылар жіберіледі. Қатысуға тыйым салынатын отбасылар: Қазақстан Республикасының аумағында тыйым салынған ұйымдардың мүшелері бар отбасылар; Бұрын сотталған мүшелері бар отбасылар конкурсқа жіберілмейді. Ережесінің негізгі талаптары: Мақсаты: Конкурс адамгершілік құндылықтарды жаңғыртуға, отбасылық құндылықтарды насихаттауға, ата‑аналардың бала тәрбиесіне қатысуын арттыруға, отбасылық дәстүрлер мен қоғамдағы отбасының мәртебесін көтеруге бағытталған. Өткізілу тәртібі: Байқау аудандық/қалалық және облыстық (немесе республикалық маңызы бар қала) кезеңдерінен тұрады. Қатысуға өтінімдер мен қажетті құжаттар белгілі бір мерзімде (әдетте 15 мамыр — 15 маусым аралығы) қабылданады. Қатысу үшін келесі құжаттар ұсынылады: Отбасы мүшелерінің жеке куәліктерінің көшірмелері; Некеге тұру туралы куәлік; Жетістіктерді растайтын құжаттар (марапаттар, дипломдар); Ұсыным хаттар, қоғамдық қызметті растайтын құжаттар (бар болса). Нәтиже мен марапаттау: Әр өңірде іріктелген үздік отбасылардың ең үздіктері республика деңгейінде марапатталады. Лауреат атағына ие болған отбасылар арнайы салтанатты түрде танылып, марапатталады.

Журналистерді аккредиттеу - бұл журналистің немесе бұқаралық ақпарат құралдарының (БАҚ) өкілінің ресми түрде танылуы және белгілі бір мемлекеттік органның немесе ұйымның іс-шараларына қатысуға құқық алу рәсімі. Аккредиттеу арқылы журналист іс-шараларға ресми қатысып, ақпарат жинауға мүмкіндік алады. БАҚ өз журналистері үшін өтініш жібереді ( бас редактордың немесе меншік иесінің құжаттары мен жеке басын куәландыратын деректер қоса беріледі). Ұйым өтінімді қарайды және қабылданған шешім туралы БАҚ-қа хабарлайды. Аккредиттелген журналист органдардың іс-шараларына қатыса алады. Толық ақпаратты https://ortcom.kz/kk/accreditation-smi сілтемесі арқылы алуға болады.

Қызылорда облысының қоғамдық даму басқармасының мемлекеттік әлеуметтік тапсырысына сәйкес, 2026 жылы «Жасыл ел жастарды көркейту, көгалдандыру және абаттандыру жұмыстарына тарту» жобасы жүзеге асырылады. Әлеуметтік жобаға маусым-тамыз айларында Қызылорда қаласы және барлық аудандардағы 16-35 жас аралығындағы түрлі санаттағы (оқушы, студент, жұмыссыз) 1 200 жас (Қызылорда қ.-280, Байқоңыр қ.-150, аудандарда- 770) маусымдық жұмыспен қамтылып, оларға сарбаздардың еңбектеріне сәйкес 100 мың теңге мөлшерінде (с.і. міндетті әлеуметтік аударымдар) еңбекақысы төленеді. Сонымен қатар, әлеуметтік желілерде «Жасыл ел» еңбек жасақтарына жұмысқа орналасу бойынша толық ақпараттар жарияланатын болады. Жоба аясында қоғамдық қабылдаулар, кездесулер, семинар-тренинг, спорттық, экологиялық сайыстар ұйымдастырылатын болады.

Мемлекеттік ақпараттық саясатты жүргізу жөніндегі мемлекеттік тапсырыс конкурсы туралы хабарлама басқарманың ресми сайтында жарияланып, қажетті құжаттар тізімі көрсетіледі. Сонымен қатар, Байқауға қатысушыларға қойылатын барлық талаптармен «Өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларын бекіту туралы» Қазақстан Республикасы Мәдениет және ақпарат министрінің м.а. 2024 жылғы 6 қарашадағы № 526-НҚ бұйрығы арқылы танысуға болады. (Сонымен қатар, Байқауға қатысушыларға қойылатын барлық талаптармен «Өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларын бекіту туралы» Қазақстан Республикасы Мәдениет және ақпарат министрінің м.а. 2024 жылғы 6 қарашадағы № 526-НҚ бұйрығы арқылы танысуға болады. (6 қарашадағы № 526-НҚ бұйрығы арқылы танысуға болады. ( https://adilet.zan.kz/kaz/docs/V2400035349 ).

Қазақстан Республикасының 1997 жылғы 11 шілдедегі №151 «Қазақстан Республикасындағы тіл туралы» Заңының 25-6-бабының 2-тармағына сәйкес мемлекеттік мекемелерді алдыңғы тексерулердің, есептілік пен мониторингінің мәліметтері, интернет-ресурстарын талдау нәтижелері, субъектіні мерзімді тексеру жүргізудің жартыжылдық жоспарына енгізуге негіз болады.

Аймақ басшысы Н.М. Нәлібаев 2022 жылдың желтоқсанында өткен Жастар ісі жөніндегі кеңесте қызылордалық жастар үшін жеңілдетілген ипотекалық несие беруге бағытталған «Сыр жастары» бағдарламасының жүзеге асырылатыны туралы айтты. Бағдарламаның ережелері Қызылорда облыстық мәслихатының кезектен тыс 24 сессиясының 2023 жылғы 17 қаңтардағы №173 шешіміне сәйкес бекітіліп, жүзеге асуды. 2024 жылы бағдарлама арқылы 100 жасқа пәтер кілті табысталды. Бағдарламаға ҚР азаматы болып табылатын, 35 жастан аспаған, тұрақты жұмыс істейтін, Қызылорда облысында тұрақты тіркеуі бар азаматтар «kezekte.kz» онлайн платформасының «Жастар» ақпараттық сервисі арқылы онлайн құжат тапсыру арқылы қатыса алады. Ағымдағы жылдың 10-24 қыркүйек аралығында 10 санат бойынша (бюджеттік сала, мәдениет және спорт, ЖОО және ҒЗИ, журналистер, Ұлттық холдингтер мен компаниялардың жергілікті филиалдары, екінші деңгейлі банктер, жас кәсіпкерлер, ауылшаруашылығы саласы, төтенше жағдай режимiн қамтамасыз ететiн органдар қызметкерлерi және тұрғын-үй коммуналдық шаруашылық саласының қызметкерлері) құжат қабылдау жүргізілді. «Сыр жастары» - өңір жастарын қолжетімді баспанамен қамтамасыз ету және жас отбасыларды қолдау мақсатында жүзеге асып келе жатқан өңірлік тың жоба болып табылады.

Үміткерлерді өңірдегі этномәдени бірлестіктер, қоғамдық ұйымдар, Облыстық ҚХА жанындағы құрылымдар ұсынады. Үміткерлер тізімі тиісті орган — уәкілетті мемлекеттік орган арқылы соттылығы, азаматтығы, заңнамалық талаптардан өтуі жағынан тексеріледі. Тексеру оң болған кезде үміткердің кандидатурасы облыстық ҚХА Кеңесінде қаралып, бекіту жүзеге асады. ҚХА-ны реттейтін негізгі құжат — Қазақстан халқы Ассамблеясы туралы Қазақстан Республикасының Заңы. (2008 жылғы 20 қазан) ҚХА қызметінің ұйымдастырылуын әрі оған мүше болу тәртібін реттейтін қосалқы құжат — Қазақстан халқы Ассамблеясы туралы Ереже (2024 жылғы 27 желтоқсан).