«Алматы облысының жұмылдыру дайындығы, аумақтық және азаматтық қорғаныс басқармасы» коммуналдық мемлекеттік мекемесі
Бірыңғай кезекшілік-диспетчерлік "112" қызметі деген не?
Бірыңғай кезекшілік-диспетчерлік "112" қызметі - төтенше жағдайдың туындау алғышарттары немесе туындауы, өрт, адамдардың өміріне төнген қатер мен денсаулығына зиян келтіру қатері туралы және өз құзыреті шегінде шұғыл қызметтердің ден қою жөніндегі іс-қимылдарын кейіннен үйлестіре отырып шұғыл көмек шараларын қолдануды қажет ететін өзге де жағдайлар туралы жеке және заңды тұлғалардан келіп түсетін хабарламаларды қабылдау және өңдеу қызметі.
Әскери міндеттілерді «брондау» (бекітіп қою) дегеніміз не және оған кімдер жатады?
Әскери міндеттілерді бекітіп қою – жұмылдыру, соғыс жағдайы кезеңінде және соғыс уақытында мемлекеттік органдар мен ұйымдардың іркіліссіз жұмысын қамтамасыз ету үшін оларға еңбек ресурстарын бекіту.
Жұмылдыру кезінде азаматтардың қандай міндеттері бар?
Белгіленген уақытта жергілікті әскери басқару органына келуге және медициналық тексеруден өтуге міндетті.
Азаматтық қорғау үшін қорлар қалай жасалады?
Мемлекет төтенше жағдайларда адамдарға көмектесу үшін қорларды алдын ала дайындайды: * Азық-түлік, ауыз су, дәрі-дәрмектер жиналады * Жылы киімдер, көрпелер, төсек-орын жабдықтары сақталады * Жанармай, шамдар, генераторлар дайындалады Қорғаныс құралдары (маскалар, газқағарлар, йод) сатып алынады Барлық қорлар арнайы қоймаларда сақталады және қажет болған жағдайда тез жеткізіледі Мақсат-апаттар немесе қауіптер кезінде адамдарды қажеттінің бәрімен қамтамасыз ету.
Азаматтық қорғау жүйесі қандай міндеттерді шешеді?
Азаматтық қорғаныстың негізгі міндеттері – халықты дер кезінде хабардар ету, эвакуация ұйымдастыру, алғашқы медициналық көмек көрсету, төтенше жағдайлардың зардаптарын жою және халықты қауіпсіздік ережелеріне үйрету. Басты мақсат – адамдардың өмірін сақтау және апат салдарын азайту.
Жұмылдыру дайындығы саласындағы уәкілетті орган немен айналысады?
Уәкілетті орган –жұмылдыру жоспарын жасайтын, бақылау жүргізетін, үйлестіретін және есеп беретін мемлекеттік орган.
Жұмылдыру барысында халықтың рөлі қандай?
Азаматтар жұмылдыру кезінде әскери қызметке қатысады, көмектеседі, эвакуацияға қатысу, медициналық немесе көліктік көмек көрсету, тәртіп сақтау, материалдық ресурстар беру сияқты міндеттер атқара алады.
Азаматтық қорғау мен жұмылдыру арасындағы айырмашылық неде?
Азаматтық қорғау төтенше жағдайлардың алдын алуға және жоюға, халыққа көмек көрсетуге және бейбіт және соғыс уақытында қауіпсіздікті қамтамасыз етуге бағытталған. Жұмылдыру-бұл мемлекеттік органдарды, ұйымдарды, армияны және халықты мемлекетті қорғау міндеттерін орындау үшін соғыс жағдайына ауыстыру.
Әкімдіктер жұмылдыру дайындығы кезінде қандай жұмыс атқарады?
Әкімдіктер әскери міндеттілерді броньдау, әскерге шақырылуға жататын азаматтарды уақтылы хабардар ету мен жеткізуді, техниканы жинақтау пункттеріне немесе әскери бөлімдер мен арнаулы мемлекеттік органдарға жеткізуді ұйымдастырады және жүргізеді, сондай-ақ жұмылдыру жарияланған кезде іс-қимыл тәртібі туралы халық арасында түсіндіру жұмыстарын жүргізеді.
