Өңірімізде мал жайылымы күрделі мәселенің бірі. Осыған байланысты азаматтар мал жайылымдығы үшін жер учаскесін қалай рәсімдейді?

Жеке тұрғын үйге жер алу үшін өтінішті жергілікті өзін-өзі басқару органына, яғни ауылдық, кенттік немесе қалалық әкімдіктеріне электрондық үкімет порталы арқылы жіберіледі.

Қызылорда облысында жергілікті жағдайларға және көрсетілген жерді пайдалану ерекшеліктеріне байланысты меншікке немесе жер пайдалануға берілетін ауыл шаруашылығы мақсатындағы жер учаскелерінің ең аз мөлшеріОблыстық Мәслихат пен облыс әкімиятының 2014 жылғы 02 шілдедегі №203/633бірлескен шешімімен бекітілген. Қызылорда қаласы бойынша 5 гектарды құрайды.

Уақытша жер пайдалану құқығымен ҚР-ның азаматында шаруа немесе фермер қожалығын жүргізу үшін болуы мүмкін республиканың және бiр әкiмшiлiк ауданның (қаланың), облыстың шегінде ауыл шаруашылығы алқаптарының түрлері бойынша ауыл шаруашылығы мақсатындағы жер учаскелерінің шекті (ең жоғары) мөлшері ҚРҮкіметінің 2023 жылғы 25 қаңтардағы № 42 қаулысымен бекітілген. Қызылорда қаласы бойынша 800 гектарды (оның ішінде: егістік 100 га, жайылымдық 700 га) құрайды.

«Қызылорда қаласында жер учаскелері жеке меншікке берілген кезде олар үшін төлемақының базалық ставкасын белгілеу туралы» бірлескен Қызылорда облысы әкімдігінің 2012 жылғы 20 наурыздағы №369 қаулысына және Қызылорда облыстық мәслихатының 2012 жылғы 28 наурыздағы №19 шешіміне өзгерістер енгізу туралы» бірлескен Қызылорда облысы әкімдігінің қаулысы және Қызылорда облыстық мәслихатының шешімі негізінде Қызылорда қаласында 1 (бір) шаршы метрге базалық ставка 2300 (екі мың үш жүз) теңге болып белгіленді.

ҚР Жер кодексінің 43-бабына сәйкес жер учаскесіне құқық беру төмендегідей тәртіппен жүргiзiледi: 1) жер учаскесiне тиiстi құқық беру туралы өтінішті (өтінімді) қарауға қабылдау; 2) сұралып отырған жер учаскесін аумақтық аймақтарға бөлуге сәйкес мәлімделген нысаналы мақсаты бойынша пайдалану мүмкіндігін айқындау; 3) жер учаскесін алдын ала таңдау (елді мекен шегінде объектілер салуды қоспағанда, объектілер салу үшін жер учаскесі сұралған кезде); 4) жер комиссиясының қорытынды дайындауы; 5) жерге орналастыру жобасын әзiрлеу және бекiту; 6) облыстың, республикалық маңызы бар қаланың, астананың, ауданның, облыстық маңызы бар қаланың жергiлiктi атқарушы органының, аудандық маңызы бар қала, кент, ауыл, ауылдық округ әкімінің жер учаскесiне құқық беру туралы шешiм қабылдауы; 7) сатып алу-сату немесе уақытша (қысқа мерзімді, ұзақ мерзімді) өтеулі (өтеусіз) жер пайдалану шартын жасасу; 8) жергілікті жердегi жер учаскесiнiң шекарасын белгiлеу; 9) елді мекен шегінде объектілер салуға арналған жер учаскесін қоспағанда, жер учаскесіне сәйкестендіру құжатын дайындау және беру.

Мақсаты бойынша пайдаланылмаған немесе Қазақстан Республикасының заңнамасын бұза отырып пайдаланылған жер учаскесiн мемлекет мәжбүрлеп алып қоюға құқылы.

Қазақстан Республикасы Жер кодексінің 50-бабының 2 тармағының 3-тармақшасына сәйкес бағбандық, сондай-ақ саяжай құрылысы үшiн - 0,12 гектар мөлшерде жер беріледі.

ҚР Жер кодексінің 50-бабының 2-1 тармағының Бау-бақша шаруашылығын жүргізу үшін жер учаскелері ҚР азаматтарына уақытша өтеусіз жер пайдалану құқығымен 1 гектардан аспайтын мөлшерде беріледі.