Отырар ауданы прокуратурасының ұйымдастыруымен, ауданымызда тұрғындардың құқықтық сауаттылығы деңгейін сапалы арттыру мақсатында, 2025 жылы 31 қазанда сағат 10:00 – 17:00 аралығында «Халық заңгері» тақырыбы бойынша аудандық Мәдениет сарайында іс-шара өтетіндігін хабарлаймыз.
ҚҰРМЕТТІ ТЕМІР АУЫЛЫНЫҢ ТҰРҒЫНДАРЫ МЕН ҚОНАҚТАРЫ! Сіздерді Ұлыстың ұлы күні – Әз-Наурыз мерекесіне орай өтетін «Әз-Наурыз-ұлттық мәдениет мерейі» атты мерекелік іс-шараға шақырамыз! Өтетін орны: Темір ауылы, орталық алаң Басталу уақыты: 22 наурыз 2026 жыл, сағат 10:00 Мерекелік бағдарлама аясында: Ұлттық спорт түрлерінен тартысты сайыстар Көтеріңкі көңіл-күй сыйлайтын концерттік бағдарлама Киіз үйлерде ұлттық тағамдардан дәм тату Наурыз – бұл жаңару мен жаңғырудың, береке мен бірліктің, татулық пен ізгіліктің мейрамы. Бұл күні әр шаңыраққа құт-береке, ырыс пен молшылық тілейміз! Баршаңызды осы айтулы мерекені бірге қарсы алып, ұлттық дәстүрімізді ұлықтауға шақырамыз! Келіңіздер, Наурыздың шаттығын бірге бөлісейік!
