2018 жылдың 19 қыркүйегінде ҚР Қаржы министрлігі, ҚР Ұлттық банкі, "Самұрық-Қазына" ҰӘҚ, "Бәйтерек" Ұлттық басқарушы холдингі, "ҚазАгро" холдингі, проблемалық кредиттер қоры және қазақстандық тұрақтылық қоры арасында Цеснабанк және "Цесна"қаржы холдингімен келісімге қол қойылды.
Құжат агроөнеркәсіп секторының кәсіпорындарын-банктің қарыз алушыларын қаржылық сауықтыру, ҚазАгро жүйесі арқылы отандық ауыл шаруашылығы өндірушілерін қолдау, сондай-ақ "Агробизнес-2020"бағдарламасының негізгі қатысушысы болып табылатын Цеснабанк қаржылық тұрақтылығын күшейту мақсатында жасалды. Оның үлесіне салаға кредит беру көлемінің 65% - дан астамы келеді.
Тараптар келісімге қол қою кезінде атап өткендей, Цеснабанк Қазақстан Республикасының ірі банкі болып табылады, оның қаржылық жағдайы елдің банк секторы мен агроөнеркәсіп кешенінің тұрақтылығына әсер етеді.
Ұлттық банк "ҚазАгро" Холдингімен бірлесіп берілген валюталық кредиттер мен қарыздарды қайта қаржыландыру және олардың мерзімдерін ұлғайту мәселесін пысықтауды бастады.
Сондай-ақ Үкімет пен Ұлттық банк "Цеснабанк" АҚ-нан 450 миллиард теңге сомаға ауыл шаруашылығы несиелерінің портфелін сатып алуды қарастыруда.
Осылайша, аграрлық секторды қаржылық сауықтырудан басқа Негіздемелік келісім проблемалық кредиттер қоры арқылы қаржыландыру жолымен аграрлық сектордың қарыздарын қайта құрылымдауды көздейді.
ҚР Қаржы министрлігінің баспасөз қызметі
