Аудан әкімдігінің үлкен мәжіліс залында 2019 жылдың 9 айындағы әлеуметтік-экономикалық даму жөніндегі қорытындысы және алдағы міндеттер туралы аудан әкімі Т.Байедиловтың төрағалығымен жиын өтті. Жиынға аудан әкімінің орынбасары,аппарат басшысы, ауылдық округ әкімдері, мәслихат хатшысы, маслихат депутаттары, мекеме басшылары, дәрігерлік емхана меңгерушілері, құқық қорғау органдары, мектеп директорлары мен орынбасарлары және БАҚ өкілдері қатысты.
Жиын барысында «Экономика және бюджеттік жоспарлау бөлімі» мемлекеттік мекемесінің басшысы Мұса Кенжебаевтың баяндамасы тыңдалды.
Әкімдік мәжілісінде аудан әкімі Т.Байедилов бірқатар ауылдық округ әкімдері мен мекеме басшыларына ескерту жасады. Атап айтқанда, Бөлексаз, Жылысай, Шырғанақ, Саты ауылдарының және аудандық «Білім бөлімі» ММ-нің басшысына сөгіс жариялап жіберген кемшіліктерді он күн мерземінде қалпына келтіруге нақты тапсырмалар берді.
