Бүгін Лозаннада жасөспірімдер арасындағы ІІІ Олимпиадада конькимен жүгіруден 500 метр қашықтықтағы бәсеке аяқталды.
Өкінішке қарай, қазақстандық жас спортшылар жүлдеге қол жеткізе алмады. Ерлер арасында бақ сынаған Евгений Кошкин 21-ші, Ақжол Нұралы 26-сатыдан көрінді.
Жапониялық Юдай Ямомота алтын алса, испаниялық Нил Ллоп -күміс, қытайлық Живен Ксю қола жүлдегер атанды.
Ал қыздар арасында Алина Дауранова 13-ші, Дарья Гаврилова 25-орын алды. Голландиялық Изабелла Гревельт топ жарса, қытайлық Джинджи Ван екінші, жапониялық жасөспірім Юкино Ешидо үшінші орынға табан тіреді.
