Ақшұқыр ауылынан ұзындығы 40 шақырым, Сайын Шапағатов ауылынан 53 шақырым болатын ауылішілік су құбырының құрылысы жүргізілуде.
Таушық ауылынан 20,7 шақырымдық ауылішілік су құбырының құрылысы құрылысы аяқталып, пайдалануға берілді. Қызылөзен ауылын суландыру су көзінің анықталмауына байланысты шешілмей тұр. Мұнда ауыз су тасымалданып беріледі.
Сондай-ақ Форт-Шевченко қаласындағы су жинау имаратын қайта құрылымдау, су қоймасы мен су тұшыту қондырғысын салу бойынша мердігер мекеме анықталып, «Альянс ЛТД» ЖШС-мен 354,6 млн. теңгеге келісім-шарт жасақталды. Бұл жұмыстар өз кезегінде аудан орталығын ауыз сумен қамту сапасын жақсартып, жазғы маусым кезінде су жетіспеушілігінің алдын алуға септігін тигізетін болады.
Түпқараған ауданының әкімі А. Қосуақовтың ауданның 2019 жылғы әлеуметтік-экономикалық дамуы мен 2020 жылға міндеттері туралы есептік баяндамасынан
