Айша бибі атындағы дарынды қыз балаларға арналған мамандандырылған «БІЛІМ-ИННОВАЦИЯ» лицей-интернатының ата-аналар ұжымы ақпан айының 15 жұлдызында Түркістан облысы «Адами әлеуетті дамыту басқармасының» ұйымдастыруымен өткізілген ««АТА-АНА – ҰСТАЗ – ОҚУШЫ» БОЛАШАҚҚА БАҒЫТТАЛҒАН ЫНТЫМАҚТАСТЫҚ» атты ата-аналар форумына қатысып қайтты. Форумның мақсаты – үздіксіз тәлім-тәрбие берудегі ата-ана – ұстаз – оқушы арасындағы тығыз байланысты анықтау, қоғамға пайдалы, ерік-жігері жоғары азамат тәрбиелеу. Тәрбие берудегі ата-ананың рөлі қандай, неге баса назар аудару керек, баланың тілегін тән құлағымызбен емес, жан құлағымызбен тыңдау керек т.с.с сауалдарға жауап алып, ұлттық, отбасылық құндылықтар туралы мәліметтер ала алды. Форум түркі дүниесінің астанасы – Түркістан шаһарының тарихи орындарына саяхат жасаумен, мерекелік кешкі дастарханмен, ақ тілектермен өз мәресіне жетті.
