Шымкент қаласындағы «Отырар» кітапханасы 2013 жылы бой көтерген. Мұнда оқырмандар үшін барлық жағдай жасалған. Кең, жайлы, жарық. 200 орындық мәжіліс залында конференциялар мен зерделі кеңестер, кездесулер мен қызықты шаралар өткізуге болады.
Кітапханада оқырмандардың қызығушылығына орай «Отырар» - оқырман отауы», «Шамшырақ», «Мұрагер», «Ғасырлар мұрасы», «Жас түлек», «Дидарласу», «Литературный салон», «Глобус», Libclab «Әлем әдебиеті» сынды әдеби бірлестік, шығармашылық орталық, мүдделестер клубтары жұмыс істейді.
