Бүгін Шығыс Қазақстан облысының тілдерді дамыту жөніндегі басқармасының ұйымдастыруымен Өскемен қаласында «Рухани жаңғырудағы ономастикалық кеңістік: жетістіктері мен болашағы» тақырыбында республикалық ғылыми-тәжірибелік конференция өтті.
Ғылыми-тәжірибелік конференцияға Алматы облысының тілдерді дамыту жөніндегі басқармасының ономастикалық жұмыс және талдау бөлімінің бас маманы Гүлбану Әбіләжімова қатысты.
Мақсаты – мемлекеттік тіл саясатын насихаттау, тарихи топонимдер туралы мәліметтерді жинақтау, жүйелеу және біріздендіру.
Ғылыми-тәжірибелік конференцияның пленарлық мәжілісінде Қазақстан ономастикасының өзгеру динамикасы, географиялық зеттеулердегі қолданбалы топонимиканың орны және Шығыс Қазақстан мен Солтүстік Қазақстан облыстарындағы жер-су атауларының танымдық сипаты мәселелері талқыланды.
Пленарлық мәжілістен соң конференцияға қатысушылар «Ономастика бойынша қолданыстағы заңнамалар: мәселелері мен шешу жолдары», «Рухани жаңғыру және ономастика» атты екі секцияға бөлініп жұмыс істеді.
