Бүгінгі күні білім беру жүйесі көп жағдайда даярланған мұғалімдерге байланысты. Оқушылар сапалы білім алуы үшін әрбір педагог коммуникация мен ақпараттың заманауи желілік технологияларын елеулі деңгейде меңгеруі тиіс.
Алғыс айту күні қарсаңында Май ауданы Малайсары мектебінің түлектері мектепке "Teacher office"кабинетін сыйға тартты Жаңартылған мұғалімдер кабинетінде педагогтардың тиімді жұмысы үшін барлық жағдай жасалған:жиһаз, компьютерлік техника, сапалы интернет және демалыс бұрышы. Бұл кеңседе мұғалімдер күнделік толтыра алады, өзінің әдістемелік жұмысын, есептерін жасай алады. Мұғалімдер үшін арнайы құрылған кеңседе мектеп мұғалімдеріне арналған электрондық нұсқада да, постерлер, кітаптар, журналдар түрінде де әртүрлі әдістемелік және танымдық әдебиет бар.Сондай-ақ кеңседе жұмсақ жиһаз бұрышы бар, онда мұғалімдер бос уақытында демала алады.
