2020 жылғы 12 сәуірден бастап азаматтардың негізсіз тұрғын үйінен шығуына және автокөліктермен жүруіне жол берілмейді. Қызылорда қаласына және аудандарына көліктердің кіруіне және шығуына тыйым салынады. Оның қатарына азық – түлік тауарлары, дәрілік, медициналық заттар және басқа да тұрғындардың өмір сүруіне қажетті тауарлар мен қызмет түрлері, өндірістік және ауыл шаруашылығы кәсіпорындарының үздіксіз жұмыс жасауын қамтамасыз етуші, сонымен қатар жергілікті атқарушы органдармен бекітілген тізбелер қосылмайды. Коронавирус инфекциясына қарсы күреске жұмылдырылған қызметтерді қоспағанда, меншік түріне қарамастан барлық нысандағы ұйымдардың жұмысын қашықтықтан қызмет көрсету форматына барынша ауыстыру міндеттелді.
