Облыстық полиция ведомствосында қылмыстың алдын алу мәселелеріне арналған жұмыс ZOOM-кеңесі өтті. Талқылаудың басты тақырыбы Қазақстан Республикасының Қылмыстық-процестік кодексінде көзделген ұсынымдарды енгізу бойынша жұмыстың сапасын арттыру болды.
Онлайн-кездесу барысында өңірдің тергеушілері мен анықтаушыларына государственный орган әзірлеген ұсынымдардың үлгілері жинағы таныстырылды. Сонымен қатар жеке құрамға Ішкі істер министрлігі бекіткен мұндай құжаттарды енгізу тәртібі туралы жаңа Нұсқаулықтың талаптары жеткізілді.
– Ұсыным ұғымы профилактикалық шара ретінде заңда жеке бекітілмегенімен, бұл процессуалдық құжат әділ сот төрелігінде маңызды рөл атқарады. Ол мемлекеттік органдар мен ұйымдарды қылмыстың жасалуына себеп болған нақты себептер мен жағдайларды жоюға міндеттейді, – деп түсіндірді Павлодар облысы ПД Тергеу басқармасы бастығының орынбасары Абзал Ибраев.
Соңғы жылдардағы тәжірибе көрсеткендей, ҚПК-нің 200-бабын сауатты қолдану қайталама қылмыстың деңгейін төмендетуге, қызметтік тәртіпті нығайтуға, мемлекеттік органдардағы басқарушылық бақылауды жетілдіруге, сондай-ақ тергеушінің тек процессуалдық емес, әлеуметтік-құқықтық миссияны да жүзеге асыратын субъект ретіндегі беделін арттыруға ықпал етеді.
Қызметтік жұмыста зерделеу және қолдану үшін практикалық құрал мен үлгілер жинағының электрондық нұсқасы аумақтық бөлімшелерге жолданды
