Шыңғырлау ауданының білім беру бөлімінің әдістемелік кабинетінің жоспарына сәйкес «Оқуға құштар мектеп» және «Балалар кітапханасы» жобалары аясында білім беру ұйымдарының мектеп оқушылары арасында аудандық «Өлеңге іңкәр жас өрен» атты көркемсөз оқу байқауы өткізілді.
Байқаудың мақсаты – оқушыларды көркем сөзді мәнерлеп оқуға баулу, шығармашылық қабілеттерін дамыту, ұлттық әдебиет пен рухани құндылықтарға құрмет сезімін қалыптастыру және поэзияға деген қызығушылығын арттыру. Байқауға аудан мектептерінен 10 оқушы қатысып, қазақ ақын-жазушыларының өлеңдерін жатқа мәнерлеп оқып, өз өнерлерін көрсетті. Байқау қорытындысы бойынша жеңімпаздар анықталды:
І орын – Жаумбай Айзере, Шыңғырлау ЖОББМ оқушысы
ІІ орын – Бахытжанова Інжу, Амангелді НЖББМ оқушысы
ІІІ орын – Жакиева Дариға, Ащысай ЖОББМ оқушысы Жеңімпаздар дипломдармен және сыйлықтармен марапатталды. Барлық қатысушыларға шығармашылық табыс пен биік белестер тілейміз! 
