2026 жылдың 18 мамыр күні Шыңғырлау ауданында аудандық білім беру бөлімінің ұйымдастыруымен «Интернат педагогикасы: әдістемелік эволюция және тәжірибе трансформациясы» атты облыстық семинар-практикум жоғары деңгейде өткізілді.
Іс-шараның негізгі мақсаты – интернат ұйымдарындағы тәрбие жұмысын жетілдіру, педагогтердің кәсіби тәжірибе алмасуына қолдау көрсету және заманауи тәрбие бағыттарын тәжірибеге енгізу болды.
Семинар барысында қатысушылар интернат педагогикасындағы өзекті мәселелерді талқылап, ұлттық құндылықтарды дәріптеу, қазіргі балалардың қызығушылығына сай тәрбие жұмысын ұйымдастыру, психологиялық-педагогикалық қолдаудың тиімді тәсілдері бойынша тәжірибе алмасты.
Практикалық бөлімде арт-терапия элементтері ұсынылып, педагогтер шығармашылық жұмыстар арқылы кәсіби байланыстарын нығайтты. Сонымен қатар кері байланыс алаңында интернат жағдайындағы тәрбие кеңістігін дамыту мен педагог рөлінің маңызы кеңінен қозғалды.
Семинар-практикум тәжірибе алмасу алаңына айналып, қатысушыларға жаңа идеялар мен тиімді әдістер ұсынды.
