Батыс Қазақстан облысы оқушыларының XIII жазғы Гимназиадасының аудандық кезеңі аясында ұлттық спорт түрлері – асық ату және бес асық ойындары жоғары деңгейде ұйымдастырылып өткізілді. Жарысқа аудан мектептерінен келген оқушылар қатысып, өздерінің ептілігі мен мергендігін сынға салды. Қатысушылар ұлттық ойындардың қыр-сырын меңгергендерін көрсетіп, тартысты бәсеке өрбіді. Жеңімпаз командалар анықталып, олар келесі кезеңге жолдама алды. Бұл шара оқушылар арасында ұлттық құндылықтарды дәріптеп, салауатты өмір салтын насихаттауға өз үлесін қосты. Облыстық кезеңге жолдама алған командаларға сәттілік тілейміз!
