Жаз мезгілі басталып, күн жылынған сайын тұрғын үйлердің терезелері жиі ашылады. Осы кезеңде балалардың терезеден құлау оқиғаларының қаупі де артады. Мұндай жағдайлар ауыр жарақаттарға, тіпті орны толмас қайғылы жағдайларға әкелуі мүмкін.
Мұндай оқиғалардың басты себептерінің бірі – ересектер тарапынан бақылаудың жеткіліксіздігі. Кішкентай балалар өте қызығушылық танытып, қауіпті толық бағалай алмайды. Масаға қарсы торлар қауіпсіздік құралы болып табылмайды және баланың салмағын көтере алмайды.
Құрметті ата-аналар! Балаларды ашық терезесі бар бөлмеде қараусыз қалдырмаңыздар. Терезелерге арнайы бекіткіштер мен ашылуын шектейтін құрылғылар орнатыңыздар. Терезе маңына бала шығып кетуі мүмкін жиһаздарды қоймаңыздар. Балаларға қауіпсіздік ережелерін түсіндіріп, сақтық шараларын ұстанудың маңызын үйретіңіздер.
Естеріңізде болсын, балалардың қауіпсіздігі – әрбір ересек адамның басты міндеті. Балалардың өмірі мен денсаулығын қорғау – ортақ жауапкершілік.
