"Даму" кәсіпкерлікті дамыту қоры" АҚ Халықаралық әріптестерді, қаржы институттары мен бизнес қауымдастықты 2026 жылғы 22-24 мамырда Астана қаласында EXPO халықаралық көрме орталығы алаңында өтетін ULTTYQ ÓNIM 2026 отандық өндірушілердің IX жыл сайынғы көрмесіне қатысуға шақырады. ULTTYQ ÓNIM-600-ге жуық қазақстандық өндірушілерді біріктіретін және бизнесті және халықаралық ынтымақтастықты дамыту үшін мүмкіндіктер жасайтын негізгі ұлттық платформа. Көрме аясында: * отандық компаниялардың өнімдерін көрсету * іскерлік және халықаралық серіктестіктер құру * инвестициялық және қаржылық шешімдерді іздеу • B2B-шетелдік серіктестермен кездесулер Іскерлік бағдарлама халықаралық ұйымдар, қаржы институттары мен банктер өкілдерінің қатысуымен Бизнес-форумды қамтиды. Қатысушылар арасында Қазақстанмен ынтымақтастыққа мүдделі халықаралық ұйымдарды, қаржы институттары мен компанияларды көруге қуаныштымыз. Тіркелу сілтемесі: https://forms.gle/VJx27SDa3aLXu4aD6 "Даму" қоры - біздің қолдауымыз, Сіздің дамуыңыз. Қатысу мәселелері бойынша: [email protected] [email protected]
Өтетін күні: 2 мамыр, 2026 жыл Өтетін орны: Сарқан ауданы, Тополевка ауылы, «Жоңғар-Алатау» МҰТП 2026 жылғы 2 мамырда Жетісу облысында көктемнің ең әсерлі табиғи оқиғаларының бірі – «Сиверс алма ағашының гүлденуі» фестивалі өтеді. Бұл – сирек кездесетін ерекше табиғи құбылысқа арналған маңызды шара. Іс-шара «Жоңғар-Алатау» мемлекеттік ұлттық табиғи паркінің аумағында, Сарқан ауданы Тополевка ауылының көркем маңында ұйымдастырылады. Бұл орын кездейсоқ таңдалған жоқ: дәл осы жерде жер шарындағы Сиверс жабайы алмасының ең ірі тоғайлары орналасқан. Ол – жер бетіндегі барлық мәдени алма сорттарының арғы тегі. Ғалымдардың бағалауынша, осы бірегей алманың әлемдік табиғи қорының шамамен 48%-ы Жетісу өңірінде шоғырланған. Жылына бір-ақ рет, көктемнің бірнеше аптасы ішінде тау беткейлері нәзік ақ және қызғылт гүлге оранып, алқаптарды нағыз көркем табиғи көрініске айналдырады. Осы кезеңде мыңдаған туристер, фотографтар мен саяхатшылар өңірге келіп, сирек табиғи құбылысты тамашалап, оның тарихымен танысып, фестиваль атмосферасын сезінеді. Фестиваль туризм саласының өкілдерін, экологтарды, ғалымдарды, БАҚ өкілдерін, тревел-блогерлерді, қолөнершілерді, мәдениет қайраткерлерін, сондай-ақ студенттер мен табиғат сүйер қауымды біріктіреді. Бұл шара экотуризмді дамытуға, табиғи мұраны сақтауға және өңірді халықаралық деңгейде танытуға арналған алаң болмақ. Іс-шара Қазақстанның республикалық іс-шаралар күнтізбесіне енгізілген, бұл оның маңыздылығы мен туристік тартымдылығын айқындайды. Биылғы фестиваль қонақтары үшін ерекше атмосфера ұсынылады. Хедлайнерлер – Bayansulu және Қуандық Рахым сахнаға шығып, гүлдеген таулар аясында жарқын концерттік бағдарлама ұсынады. Фестиваль бағдарламасы: Сиверс алмасының гүлдеген бау-бақшаларының панорамалық көріністері; Plein air форматындағы суретшілер байқауы; Мәдени іс-шаралар; Ұлттық спорт ойындары; Қолөнер көрмелері және шеберлік сабақтары; Концерттік және ойын-сауық бағдарламалар. «Сиверс алмасының гүлденуі» фестивалі – Қазақстанның ең әсем табиғи құбылыстарының бірін тамашалап, таулар мен таза ауа аясында өткізуге, ұлттық мәдениетпен жақынырақ танысуға және ұмытылмас әсер алуға мүмкіндік береді. Жетісу сіздерді табиғаттың аңызына шақырады!
29 сәуірде сағат 9.00-дан бастап Қостанай қаласында жылдың ең ауқымды іс-шарасы басталады. «QOSTANAI TECH» отбасылық ғылыми-инновациялық фестивалі қостанайлық тұрғындар мен елдің барлық өңірлерінен келген қонақтарды біріктіреді. Бұл фестиваль Мемлекет басшысы Қасым-Жомарт Тоқаев жариялаған Цифрландыру және жасанды интеллект жылының басты оқиғаларының бірі болмақ. Фестиваль бағдарламасын Қостанай облысының әкімі Құмар Ақсақалов ашады. Қонақтар алдында TED-форматында сөз сөйлейтін фестивальдің хэдлайнерлері қатарында ірі өндірістің, ІТ-компаниялардың, қоғамдық пікір көшбасшыларының өкілдері бар. Олардың арасында «KIA QAZAQSTAN» бас директоры Де Ки Ким, Freedom Cloud компаниясының CEO-сы және ҚР Президенті жанындағы ЖИ-ді дамыту жөніндегі кеңестің жұмыс тобының кеңесшісі Темірлан Зиналабдин , Allur компаниялар тобының автокөлік өндірісі саласының басшылығы, технология және білім беру саласындағы кәсіпкер, Оксфордта білім алған алғашқы қазақстандық Ғабит Бекахметов және тағы басқалар бар. «Жастар сарайының» күту залында қонақтарды фестиваль маскоты - Q-AI трансформеры қарсы алады және заманауи технологиялар көрмесі ұйымдастырылады. Екінші қабаттағы интерактивті аймақта инновациялық процестер көрсетіледі: ақылды өндіріс 5.0, автономды жүйе және технологиялардың бірлескен әрекеті, қаланың цифрлы инфрақұрылымы және урбанистика, XR-оқу мен иммерсивті мамандықтар, болашақ экологиясы, логистика, цифрлы әлемдегі қауіпсіздік туралы мәселелер және тағы басқа. Фестиваль тек технологиялар мерекесі ғана емес, сонымен бірге эксперимент алаңы болмақ. Екінші қабатта балалар мен жасөспірімдер үшін болашақ технологиялар кеңістігі ұйымдастырылады. Мұнда мини-турнирлер өткізілетін киберспорт аренасы, технополигон, конструкторлық зертхана және робототехника аймағы құрылады. Жас буын үшін VR/AI аймағы ерекше қызығушылық тудырады, мұнда симуляциялар зертханасы ауыл шаруашылығы техникасын басқарудан бастап электр көліктерін құрастыру жұмысына дейінгі нақты өндірістік процестердің ішінде болуға мүмкіндік береді. Көше алаңында балалар мен олардың ата-аналарына шеберлердің сабақтары, химия мен физика бойынша эксперименттер мен ғылыми шоулар, сұйық азоттың мүмкіндіктері мен Тесла шоуы ұйымдастырылады. Сондай-ақ аумақта ұйымдастырылатын көрмеде өңірдегі жетекші өндірушілердің техникасы көрсетіледі. Автокөлік өндірісі процесін және өңірдегі ірі өнеркәсіп кәсіпорындарының жұмысын өз көздерімен көргісі келетіндер үшін күні бойы индустриялық экскурсиялар ұйымдастырылады, бұл экскурсиялар қала тұрғындары мен қонақтары үшін тұрақты болмақ. Фестивальдің маңызды міндеттерінің бірі бұл отбасы құндылықтарын, ұрпақтар жалғастығын және еңбек пен білімге деген құрметті күшейте отырып, жаңа буынды машина жасау мен агроөнеркәсіп кешендерінің дамуының іргетасына айналып отырған бағдарламалау мен жасанды интеллект жүйесін зерделеуге шабыттандыру. Фестиваль қонақтары үшін мазмұнды бағдарлама жоспарланған: Технологиялар мен ЖИ саласындағы жетекші спикерлердің сөз сөйлеуі Жобалар мен технологияларды көрсету Интерактивті алаңдар мен эксперимент аймағының жұмысы Өңір кәсіпорындарының көрмесі Әсерлі концерт бағдарламасы Көптеген қосымша іс-шаралар мен сыйлықтар Әркім өз талғамына сай іс табады. Қонақтарға қолайлы болу үшін аумақта тамақтану аймағы жұмыс істейді. Фестиваль сағат 19:00-де қазақстандық эстрада жұлдызы Bayansulu қатысатын концерттік бағдарламамен аяқталады. Бұқаралық ақпарат құралдарының өкілдерін, сондай-ақ ниет білдірушілерді 18 сәуір күні сағат 09:00-ден бастап өтетін «QOSTANAI TECH» отбасылық ғылыми-инновациялық фестиваліне шақырамыз. Өтетін уақыты : 29 сәуір с ағат 9.00 - д ан 20.00 -ге дейін Өтетін орны: «Жастар сарайы» және іргелес аумақ, Индустриялық аймақ Қосымша ақпарат, пікірлер мен барлық сұрақтар бойынша: Байланысушы тұлға : Анна Лазарева Телефон: 8 777 370 23 04
Елордадағы Президент орталығында 22-26 сәуір күндері «Astana Eurasian Book Fair-2026» IX Халықаралық кітап көрме-жәрмеңкесі өтеді. Бұл – Орталық Азиядағы ең ауқымды мәдени-ағартушылық шаралардың бірі, деп хабарлайды елорда әкімдігінің ресми сайты. «Astana Eurasian Book Fair-2026» кітап көрме-жәрмеңкесін Қазақстан Республикасының Мәдениет және ақпарат министрлігі және Астана қаласы әкімдігінің қолдауымен «Фолиант» баспасы ұйымдастырып отыр. «Astana Eurasian Book Fair-2026» көрмесіне 80-ге жуық кітап шығару, танымдық-ғылыми білім беру және полиграфиялық компания қатысады. Соның тең жартысы қазақстандық ұйымдар болса, Қазақстан, Ресей, Түркия, Қырғызстан, Өзбекстан, Әзербайжан, Моңғолия, Испания, Қытай, Иран, Беларусь, Португалия, Венесуэла, Ұлыбритания елдерінен 40 компания қатысқалы отыр. «Astana Eurasian Book Fair – 2026» кітап көрме-жәрмеңкесі бес күндік мәдени- іскерлік бағдарламадан тұрады. Көрме аясында жаңа кітаптардың тұсаукесерлері, авторлармен кездесу, автограф-сессиялар, балалар алаңында арнайы шеберлік сағаттары өткізіледі. Атап айтқанда, Түркия Мәдениет және туризм министрлігінің қолдауымен жарық көрген «Түрік асханасы» кітабының, Бекарыс Шойбековтің «Айтыстың алтын айдар Бекарысы» айтыстар жинағының, Маржан Ершудің «Жалғыз қол» поэмасының, «Замандастар» сериясымен шыққан «Елдос Сметов. Төзім. Сенім. Жеңіс» кітабының, Ерлан Қожабаевтың «Қазақ оюлары» фотоальбомының, Анжей Сапковскийдің «Мыстангер» фантастикалық шығармасының, Ұларбек Дәлейдің «Бату хан» тарихи романының, Әлішер Рахаттың «Иесіз көлеңке», испан жазушысы Хавьер Мороның «Үміт сапары», Эрнест Хемингуэйдің «Қоңырау кімді жоқтайды», Әзербайжан ақыны Рәсмия Сабирдің «Өлең-әйел», Байыт Қабанұлының «Моңғол-өлең» кітабының, Нұрсұлтан Мықтыбайдың «Ақ Жайықтың көз жасы», сондай-ақ «Түркістан – мәңгілік әрі әрдайым жаңа» және «Димаш Құдайберген. Шексіз музыка» атты кітап-альбомдарының таныстырылымы өтеді деп жоспарланып отыр. 23 сәуірде Ұлттық кітап күні мерекесіне орай Қазақстан Республикасының Мәдениет және ақпарат министрлігі ұйымдастырған республикалық «Ұлттық кітап» байқауының нәтижесі бойынша жеңімпаз баспаларды марапаттау рәсіміне арналған салтанатты шара өтеді. Көрменің салтанатты ашылу рәсімі 22 сәуір күні сағат 11:00-де өтеді. Оған мемлекет және қоғам қайраткерлері, танымал қаламгерлер мен шетелдік елшілер қатысады.
2026 жылдың 23-24 сәуірінде Тараз қаласындағы «Көне Тараз» тарихи-этномәдени кешенінде «Тараз – қолөнершілер қаласы» халықаралық қолөнершілер фестивалі ұйымдастырылады. Ұлттық фестивальді өткізудегі негізгі мақсат – өңірдің туристік имиджін көтеру, отандық қолөнершілерді халықаралық деңгейде танымал ету, шетелдік және жергілікті қолөнершілер арасында достық қарым-қатынас пен ынтымақтастық орнату, тәжірибе алмасу, сондай-ақ, кенже қалып бара жатқан ежелгі қолөнер түрлерін сақтау және қайта жаңғырту. Фестивальға шетелден (Қырғызстан, Өзбекстан, Тәжікстан), көрші өңірлерден (Алматы, Түркістан) келетін және жергілікті 100-ден астам шебер қатысады. Фестиваль аясында көрермендерге ерекше көңіл күй сыйлау мақсатында «Тараз – қолөнершілер қаласы. Дәстүр мен заманауи қолөнер» тақырыбында ғылыми-практикалық конференция, қолөнер бұйымдарының көрмесі мен шеберлік сағаттары, «Менің әлемім: қиял мен шынайылық» атты жас қолөнершілер мен суретшілердің көрмесі өтеді. Бұдан бөлек, сән мен дәстүрді тоғыстыратын «ASPARA FASHION WEEK» халықаралық сән апталығы, «Гиннес» рекордтар кітабына енген киіздің жанында «Dombyra Party» іс-шарасы, ұлттық нақыштағы киімдердің сән көрсетілімі және өнер жұлдыздарының гала-концерті ұйымдастырылады. Фестивальге қатысушы қонақтарға көрме бұйымдарын сатып алуға және Тараз қаласындағы тарихи-мәдени орындарға экскурсия жасауына толық мүмкіндік қарастырылған. Бұл күндері Тараз ұлттық дәстүр мен шалқыма шабыттың тоғысқан ортақ мекеніне айналмақ.
Астанада 22-24 сәуірде 2026 жылғы өңірлік экологиялық саммит (RES) өтеді. Іс-шараға Қазақстанның Экология және табиғи ресурстар министрлігінің ақпаратына сәйкес өңірдің түкпір-түкпірінен мемлекеттік органдардан, халықаралық ұйымдардан, даму институттарынан, бизнес пен азаматтық қоғамнан 1500-ге жуық сарапшы қатысады. Форум Біріккен ұлттар ұйымымен серіктестікте климаттық және экологиялық мәселелердің аймақтық шешімдерін табуға тырысады. Бастаманы Қазақстан Президенті Қасым-Жомарт Тоқаев 2023 жылы БҰҰ Бас Ассамблеясының 78-ші сессиясы барысында айтып, 2025 жылы 80-ші сессиясында тағы да растады. Халықаралық қолдау RES 2026-ны негізгі серіктестер, соның ішінде Экономикалық ынтымақтастық және даму ұйымы (ЭЫДҰ), жаңартылатын энергия көздері жөніндегі халықаралық агенттік (IRENA), халықаралық энергетикалық агенттік (ХЭА) және басқа да жаһандық және аймақтық мекемелер қолдайды. БҰҰ бұл бастаманы 2023 жылғы 19 желтоқсандағы БҰҰ Бас Ассамблеясының 78/147 қарарында ресми түрде мақұлдады. Онда Орталық Азияның экологиялық мәселелерін шешу үшін аймақтық ынтымақтастықты нығайтудың маңыздылығы атап өтілді. 2024 жылғы шілдедегі Түркі мемлекеттері ұйымының бейресми саммитінің Қарабах декларациясында, 2024 жылғы тамыздағы Орталық Азия мемлекеттері басшыларының алтыншы консультативтік кездесуінің бірлескен мәлімдемесінде, 2024 жылғы қарашадағы Түркі мемлекеттері ұйымының он бірінші саммитінде, Түркі мемлекеттері ұйымының саммитінің Бішкек декларациясын қоса алғанда, негізгі көпжақты құжаттар арқылы саяси қолдау жоғары деңгейде расталды. Бұдан әрі тану 2025 жылы Астана халықаралық форумында, БҰҰ Бас хатшысы Антонио Гутерриштің қатысуымен Орталық Азия мен Ауғанстан үшін орнықты даму мақсаттарына қол жеткізу жөніндегі БҰҰ өңірлік орталығының ашылуы кезінде және теңізге шыға алмайтын дамушы елдер бойынша БҰҰ-ның үшінші конференциясында қол жеткізілді. Мақсаттар мен күтілетін нәтижелер Саммиттің мақсаты - қазіргі уақытта қоршаған ортаның деградациясының жаһандық символы болып табылатын Арал теңізінің трагедиясын және Каспий теңізі деңгейінің үздіксіз төмендеуін қоса алғанда, климаттық және экологиялық проблемаларды шешуге өңірлік көзқарасты көрсететін келісілген, пәрменді шешімдер мен тетіктерді әзірлеу. Негізгі басымдықтарға Орталық Азияның «жасыл» қаржыландыруға нақты қажеттіліктерін анықтау, бейімделу шараларын қолдау, төмен көміртекті технологияларды ілгерілету және өңірдің экологиялық тұрақтылығын нығайту кіреді. Саммит сонымен қатар үкіметтер, халықаралық ұйымдар, ғылыми институттар және жеке сектор арасындағы диалог пен ынтымақтастықтың тұрақты алаңы ретінде қызмет етуге арналған. RES 2026-дан күтілетін нәтижелер: Орталық Азия мемлекеттері басшыларының экология және орнықты даму саласындағы өңірлік ынтымақтастық туралы бірлескен декларацияны қабылдау; саммиттің тақырыптық салалары шеңберіндегі өңірлік бастамаларды қоса алғанда, Орталық Азияның орнықты болашағы үшін БҰҰ агенттіктерімен (2026-2030) өңірлік іс-қимыл бағдарламасын бекіту; саммиттің негізгі бағыттары бойынша жаңа экологиялық жобалар мен бастамаларды іске қосу және т.б. Сегіз негізгі тақырыптық бағыт Саммиттің күн тәртібі өзара байланысты сегіз салаға бағытталады. Біріншісі - шығарындыларды азайту, энергия тиімділігін арттыру және жаңартылатын энергия көздерін пайдалануды кеңейту арқылы климаттың өзгеруіне ықпал ету. Екіншісі - қауымдастықтар мен экожүйелерді климаттық және табиғи қауіптерден қорғауға бағытталған экономиканың бейімделуі мен тұрақтылығы. Үшінші сала азық-түлік қауіпсіздігі мен экожүйеге, тұрақты егіншілікке және ресурстарды кешенді басқаруға қатысты. Төртінші бағыт Арал және Каспий теңіздері сияқты экожүйелер мен су ресурстарын сақтауды қоса алғанда, табиғи ресурстарды тұрақты басқаруға бағытталған. Бесінші бағыт ауаның ластануымен күресуге және айналмалы экономикаға көзқарастарды ілгерілету үшін қалдықтарды басқаруды жақсартуға бағытталған. Алтыншы бөлімде «жасыл» қаржыландыру, технологиялар трансферті және Париж келісімінің нарықтық тетіктерін қоса алғанда, экологиялық мақсаттарға қол жеткізу тетіктеріне ерекше назар аударылады. Жетінші сала жұмыс орындарын құруға, қайта даярлауға, гендерлік теңдікке және осал топтарды қолдауға бағытталған әділ және инклюзивті ауысуға арналған. Сонымен, сегізінші сала - экологиялық білім беруді, цифрлық шешімдерді және ресурстарды басқару үшін жасанды интеллектті пайдалануды қамтитын экологиялық және цифрлық құзыреттер. ЖЭК-ке жол 2026 Саммитке дайындық 2025 жылы Орталық Азия мен Еуропада, сондай-ақ БҰҰ-ның негізгі платформаларында, соның ішінде КС30, БҰҰ Қоршаған орта жөніндегі Ассамблеясы (UNEA-7) және БҰҰ Бас Ассамблеясында өткізілген өңірлік және халықаралық консультациялар сериясы шеңберінде өткізілді. Бұл талқылаулар саммиттің жаңартылған тұжырымдамасын, бірлескен декларация жобасын мақұлдауға және 20-дан астам аймақтық бастамаларды бастауға әкелді. Қосымша ақпаратты RES 2026 ресми сайтынан табуға болады.
