Шығыс Қазақстан облысы Алтай ауданы Серебрянск қаласы әкімінің аппараты

«Шығыс Қазақстан облысы Алтай ауданы Серебрянск қаласы әкімінің аппараты» мемлекеттік мекемесі әкім қызметінің ақпараттық-талдау, ұйымдастыру-құқықтық және материалдық-техникалық қамтамасыз ету саласында басшылықты жүзеге асыратын Қазақстан Республикасының мемлекеттік органы болып табылады. Әкім аппараты өз қызметін Қазақстан Республикасының Конституциясы мен заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге сәйкес жүзеге асырады.

Серебрянск — Шығыс Қазақстан облысындағы Алтай ауданына қарасты қала.Серебрянск қаласы Үлбі жотасының оңтүстік беткейінде, Өскемен су қоймасының оң жағалауында орналасқан және Ертіс өзенінің төменгі ағысында Бұқтырма су электр станциясынан 6 км жерде, Өскемен қаласынан 90 км жерде орналасқан. Аудан орталығы Алтай қаласына дейінгі қашықтық автокөлікпен 120 шақырым.