ХАБАРЛАМА! Қызылорда облысы, Жалағаш ауданы бойынша шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа шығарылған жер учаскелерінің тізбесі

Name: ХАБАРЛАМА! Қызылорда облысы, Жалағаш ауданы бойынша шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа шығарылған жер учаскелерінің тізбесі
Start: 2025-07-03T00:00:00+00:00
End: 2025-08-01T00:00:00+00:00

Орган: kyzylorda-zhalagash
Мәртебе: Аяқталды
Формат: Тікелей

ОбъявлениеАяқталды

ХАБАРЛАМА!

Қызылорда облысы, Жалағаш ауданы бойынша шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа шығарылған жер учаскелерінің тізбесі

№	Жер учаскесінің орналасқан жері	Жер учаске-сінің көлемі, гектар	Жер учаскесінің нысаналы мақсаты	Жер пайдалану құқығы	Топырақтың сапалық сипаттамасы	Алқаптардың құрамы	Бонитет балы	Өңірдің ауылшаруашылығына мамандануы	Сумен қамтамасыз етілу мүмкіндігі
1	2	3	4	5	6	7	8	9	10
1	Жалағаш ауданы, Жаңадария ауылдық округі, «Атжайған» учаскесі	50	Шаруа немесе фермер қожалығын, ауыл шаруашылығы өндірісін жүргізу үшін	10 (он) жыл мерзімге уақытша өтеулі жер пайдалану (жалға алу) құқығы	жеңіл саздақты	Жайылымы 41 га, басқа алқаптары 9 га	10	Мал шаруашылығы	Жоқ
2	Жалағаш ауданы, Жаңадария ауылдық округі, «Бестам» учаскесі	155	Шаруа немесе фермер қожалығын, ауыл шаруашылығы өндірісін жүргізу үшін	10 (он) жыл мерзімге уақытша өтеулі жер пайдалану (жалға алу) құқығы	құмдақты	Жайылымы 124 га, басқа алқаптары 31 га	16	Мал шаруашылығы	Жоқ
3	Жалағаш ауданы, Қаракеткен ауылдық округі аумағы	2000	Шаруа немесе фермер қожалығын, ауыл шаруашылығы өндірісін жүргізу үшін	10 (он) жыл мерзімге уақытша өтеулі жер пайдалану (жалға алу) құқығы	орташа сазды	Жайылымы 1817 га, басқа алқаптары 183 га	3	Мал шаруашылығы	Жоқ
4	Жалағаш ауданы, Қаракеткен ауылдық округі аумағы	1500	Шаруа немесе фермер қожалығын, ауыл шаруашылығы өндірісін жүргізу үшін	10 (он) жыл мерзімге уақытша өтеулі жер пайдалану (жалға алу) құқығы	орташа саздақты	Жайылымы 1367 га, басқа алқаптары 133 га	8	Мал шаруашылығы	Жоқ

Конкурс Қазақстан Республикасының Жер кодексінің 43-1 бабына және "Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру мен өткізу қағидаларын бекіту туралы" Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 20 желтоқсандағы №518 бұйрығына сәйкес өткізіледі.
Конкурсқа қатысуға өтінімдерді қабылдау Жалағаш ауданы, Жалағаш кенті, Желтоқсан көшесі №3 мекен-жайда орналасқан «Жалағаш ауданының ауыл шаруашылығы мен жер қатынастары бөлімі» коммуналдық мемлекеттік мекемесінде 2025 жылғы «18»шілде сағат 900 - ден бастап 2025 жылғы «31» шілде сағат 1900 - ге дейін қабылданады.

Конкурс өткізу Жалағаш ауданы, Жалағаш кенті, Әйтеке би көшесі №12 мекен-жайындағы Жалағаш ауданы әкімдігінің мәжіліс залында 2025 жылғы «1» тамыз күні сағат 11⁰⁰ - де басталады.

Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа қатысуға өтінімде;

1) Қазақстан Республикасының мемлекеттік емес заңды тұлғалары үшін - заңды тұлғаның атауы, оның тұрған жері, заңды тұлға ретінде мемлекеттік тіркелуі (қайта тіркелуі) туралы мәліметтер, жарғылық капиталдағы (жарғылық капиталдың жалпы мөлшерінен) үлестерінің мөлшері көрсетіле отырып, өтінім берушінің - заңды тұлғаның басшылары мен қатысушылары немесе акционерлері туралы мәліметтер, өтінім берушінің үлестес тұлғалары туралы мәліметтер;

2) жеке тұлғалар үшін - өтінім берушінің тегі, аты және әкесінің аты (егер ол жеке басын куәландыратын құжатта көрсетілген болса), тұрғылықты жері, азаматтығы, жеке сәйкестендіру нөмірі, өтінім берушінің жеке басын куәландыратын құжат туралы мәліметтер;

3) өтінім беруші үміттеніп отырған жер учаскесінің орналасқан жері;

4) конкурстық ұсыныс;

5) өтінім беруші шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурстың жеңімпазы деп танылған жағдайда, шаруа немесе фермер қожалығын не ауыл шаруашылығы өндірісін жүргізу үшін ауыл шаруашылығы мақсатындағы жер учаскесін уақытша өтеулі жер пайдалану (жалға алу) шартына қол қою қажеттігі туралы хабарламаны алған күннен бастап үш жұмыс күні ішінде көрсетілген шартты жасасу жөніндегі міндеттеме қамтылуға тиіс.

Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа қатысуға өтінімді жеке тұлғаның немесе Қазақстан Республикасының мемлекеттік емес заңды тұлғасының уәкілетті өкілдері Қазақстан Республикасының заңнамасына сәйкес берілген және ресімделген сенімхаттың негізінде ұсына алады.

Конкурстық ұсыныста:

1) бизнес-жоспар (инвестициялардың болжамды көлемі, ауыл шаруашылығы дақылдарын өсіру алаңдары, ауыл шаруашылығы жануарларының мал басы, қолданылатын агротехнологиялар, ауыл шаруашылығы техникасы мен технологиялық жабдықтың, ауыл шаруашылығы саласындағы білікті мамандардың болуы, ашылатын жұмыс орындарының саны);

2) шаруашылықішілік жерге орналастыру жобасын жасау және игеру, ауыл шаруашылығы инфрақұрылымын дамыту іс-шараларын орындау жөніндегі міндеттемелер;

3) Қазақстан Республикасы Ауыл шаруашылығы министрінің 2020 жылғы 17 қаңтардағы № 7 бұйрығымен (Нормативтік құқықтық актілерді мемлекеттік тіркеу тізілімінде № 19893 болып тіркелген) бекітілген Ауыл шаруашылығы мақсатындағы жерлерді ұтымды пайдалану қағидаларын және Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2017 жылғы 24 сәуірдегі № 173 бұйрығымен (Нормативтік құқықтық актілерді мемлекеттік тіркеу тізілімінде № 15090 болып тіркелген) бекітілген Жайылымдарды ұтымды пайдалану қағидаларын қоса алғанда, Қазақстан Республикасы жер заңнамасының талаптарын орындау, өңірдің мамандануына сәйкес ауыл шаруашылығы дақылдарының егіс алаңдары құрылымын әртараптандыру бойынша индикативтік көрсеткіштерді орындау, ғылыми негізделген агротехнологияларды, фитосанитариялық және карантиндік талаптарды сақтау жөніндегі міндеттемелер қамтылуға тиіс.

Конкурстық ұсыныста өтінім беруші ұсынған міндеттемелер мен бизнес-жоспар шаруа немесе фермер қожалығын, ауыл шаруашылығы өндірісін жүргізу үшін ауыл шаруашылығы мақсатындағы жер учаскесін уақытша өтеулі жер пайдалану (жалға алу) шартының ажырамас бөлігі болып табылады.

Конкурстық ұсынысты, "электрондық үкімет" веб-порталы арқылы беру жағдайларын қоспағанда, конкурсқа қатысушы беттері нөмірленіп, тігілген түрде мөрленген немесе өшірілмейтін сиямен жазылған жабық конвертте ұсынады, конкурстық ұсыныстың соңғы беті жеке тұлғалар (немесе сенімді өкіл) үшін - қатысушының қолымен және заңды тұлғалар үшін - бірінші басшының (немесе сенімді өкіл) қолымен және мөрімен (бар болса) куәландырылады.

Өтінімде және конкурстық ұсыныста қатысушыға грамматикалық және арифметикалық қателерді түзету қажет болған жағдайларды қоспағанда, жолдар арасында ешқандай кірістірмелер, өшірулер немесе қосып жазулар болмауы тиіс.

Конкурстық ұсыныстың жабық конвертінде "шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурс" және 2025 жылғы 1 тамыз сағат 11⁰⁰ - ге дейін ашуға болмайды" деген сөздер жазылады.

Конкурсқа шығарылған жер учаскелерінің орналасу сызбасын Жалағаш ауданы, Жалағаш кенті, Желтоқсан көшесі №3 мекен-жайда орналасқан «Жалағаш ауданының ауыл шаруашылығы мен жер қатынастары бөлімі» коммуналдық мемлекеттік мекемесінен көруге болатындығын хабарлаймыз. Байланыс телефоны: 8(72431) 31-8-70.

Земельные отношения

Дереккөз

Ұқсас материалдар

Барлық оқиғалар

ОбъявлениеАяқталды

ХАБАРЛАНДЫРУ «Жалағаш ауданының кәсіпкерлік және өнеркәсіп бөлімі» коммуналдық мемлекеттік мекемесінде сыбайлас жемқорлық тәуекелдеріне ішкі талдау жүргізілетіндігі туралы

Жалағаш ауданының әкімдігі Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес «Жалағаш ауданының кәсіпкерлік және өнеркәсіп бөлімі» коммуналдық мемлекеттік мекемесінде сыбайлас жемқорлық тәуекелдеріне ішкі талдау 2026 жылдың шілде айында жүргізілетіндігі туралы хабарлайды.

17 маусым 2026 ж.Тікелей

kyzylorda-zhalagash

ОбъявлениеАяқталды

ХАБАРЛАНДЫРУ Ақсу ауылдық округі әкімі аппаратының «Ақсу ауылдық клубы» коммуналдық мемлекеттік қазыналық кәсіпорнында сыбайлас жемқорлық тәуекелдеріне ішкі талдау жүргізілетіндігі туралы

Жалағаш ауданының әкімдігі Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес Ақсу ауылдық округі әкімі аппаратының «Ақсу ауылдық клубы» коммуналдық мемлекеттік қазыналық кәсіпорнында сыбайлас жемқорлық тәуекелдеріне ішкі талдау 2026 жылдың шілде айында жүргізілетіндігі туралы хабарлайды.

17 маусым 2026 ж.Тікелей

kyzylorda-zhalagash

ОбъявлениеАяқталды

ХАБАРЛАНДЫРУ «Жалағаш ауданының экономика және қаржы бөлімі» коммуналдық мемлекеттік мекемесінде сыбайлас жемқорлық тәуекелдеріне ішкі талдау жүргізілетіндігі туралы

Жалағаш ауданының әкімдігі Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес «Жалағаш ауданының экономика және қаржы бөлімі» коммуналдық мемлекеттік мекемесінде сыбайлас жемқорлық тәуекелдеріне ішкі талдау 2026 жылдың шілде айында жүргізілетіндігі туралы хабарлайды.

17 маусым 2026 ж.Тікелей

kyzylorda-zhalagash

ОбъявлениеАяқталды

ХАБАРЛАНДЫРУ Таң ауылдық округі әкімі аппаратының «Таң ауылдық мәдениет Үйі» коммуналдық мемлекеттік қазыналық кәсіпорнында сыбайлас жемқорлық тәуекелдеріне ішкі талдау жүргізілетіндігі туралы

Жалағаш ауданының әкімдігі Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес Таң ауылдық округі әкімі аппаратының «Таң ауылдық мәдениет Үйі» коммуналдық мемлекеттік қазыналық кәсіпорнында сыбайлас жемқорлық тәуекелдеріне ішкі талдау 2026 жылдың шілде айында жүргізілетіндігі туралы хабарлайды.

17 маусым 2026 ж.Тікелей

kyzylorda-zhalagash

ОбъявлениеАяқталды

«Еңбек жолы»

Жастарды еңбекті құрметтеу рухында тәрбиелеу, еңбек дәстүрлерін сақтау және көбейту мақсатында ҚР Денсаулық сақтау және әлеуметтік даму министрлігі 2026 жылы «Еңбек жолы» республикалық конкурсын өткізеді. Конкурс «Жалпыға Ортақ Еңбек Қоғамы» ұранымен еңбек адамының қоғамдағы мәртебесін арттыруға және еңбек өнімділігін ынталандыруға ықпал ететін болады. Конкурсқа кәсіпорындардың (саласына қарамастан) барлық қызметкерлері қатыса алады. Конкурс өңірлік және республикалық деңгейде келесі номинациялар бойынша өткізіледі: «Үздік еңбек әулеті», «Өндірістің үздік жас маманы», «Жұмыс істейтін жастардың үздік тәлімгері». «Үздік еңбек әулеті» номинациясында ең ұзақ еңбек өтілі бар, ең көп марапаттары бар ең үлкен әулет таңдалады. Еңбек әулеті-бір ұйымның бір отбасының екі және одан да көп ұрпағы болып табылатын (ерлі-зайыптылардың бірі немесе екеуі балаларымен немесе немерелерімен), қазіргі уақытта еңбек қызметін жүзеге асыратын және осы кәсіпорында жиынтық жұмыс өтілі кемінде 20 жыл жұмыскерлер тобы. Еңбек қызметін бәрінен бұрын бастаған еңбек әулетінің өкілі әулеттің басшысы болып танылады. Еңбек әулеті ауылдың, ауданның (қаланың, облыстың) қоғамдық өміріне белсенді қатысуға, жастарды кәсіптік бағдарлауға жәрдемдесуге, өз кәсібін насихаттауға тиіс. «Өндірістің үздік жас маманы» номинациясы бойынша жұмыс өтілі 5 жылдан аспайтын, ең белсенді және еңбекқор өндіріс жұмыскері таңдалады. «Жұмыс істейтін жастардың үздік тәлімгері» номинациясы бойынша жұмыс өтілі кемінде 20 жыл, жоғары тиімді жұмыс істейтін тәлімгер таңдалады. Конкурс 2 кезеңде өткізіледі: 1-кезең өңірлік деңгейде өткізіледі: 1) Үздік еңбек әулеттері және жұмыскерлер қалалық және аудандық деңгейлерде айқындалады; 2) тиісті облыстың, астананың, республикалық маңызы бар қаланың жеңімпаздары қалалық және аудандық деңгейлерде үздік еңбек әулеттері және жұмыскерлер арасында айқындалады; 2-кезең республикалық деңгейде тиісті еңбек әулеттерінің жеңімпаздары арасында өткізіледі облыстың, астананың, республикалық маңызы бар қаланың жеңімпаздарын таныстыру үшін бейнероликтер ұсынылады; 2) тиісті облыстың, астананың, республикалық маңызы бар қаланың жеңімпаздарына ұсынылған материалдар зерделенеді. Конкурсқа қатысу үшін келесі құжаттар ұсынылады: 1) номинация көрсетілген, еркін нысандағы конкурсқа қатысу туралы өтініш; 2) жеке куәліктің көшірмесі; 3) номинация тақырыбы бойынша 1-3 минуттан аспайтын бейнеролик (қалауы бойынша жұмыс орны мен дағдылары көрсетілген); 4) Қатысушы туралы (жұмыс, отбасы, қызығатын ісі, хоббиі және т.б. туралы) 1-3 минуттық компьютерлік презентация (MicrosoftPowerPoint форматта) 5) еңбек әулетінің әр өкілінің немесе жұмыскердің жұмыс өтілін растайтын, жұмыс беруші куәландырған еңбек кітапшасының және өзге де құжаттардың көшірмелері/жұмыс орнынан анықтама; 6) жұмыс берушінің немесе кәсіподақтың ұсыныс хаты. Бар болған жағдайда (төмендегі құжаттардың көшірмелері): мемлекеттік немесе ведомстволық наградалардың, сертификаттардың, алғыс хаттардың, біліктілікті арттыру сертификаттарының көшірмелері (бар болса). Конкурсқа құжаттар мемлекеттік немесе орыс тілдерінде ұсынылады. Сонымен қатар, ағымдағы жылы Конкурсқа қатысушылардың құжаттары «Qamqor.enbek.kz» сайты арқылы қабылданатынын хабарлаймыз. Қатысу сұрақтары бойынша «Жалағаш аудандық жұмыспен қамту және әлеуметтік бағдарламалар бөлімі» КММ Желтоқсан көшесі №1, 3 кабинет, тел. 8(72431) 32-1-92 немесе 8705 480-63-30 хабарласуға болады.

4 маусым 2026 ж.Тікелей

kyzylorda-zhalagash

ОбъявлениеАяқталды

Бұқаралық ақпарат құралдары мен онлайн-платформаны пайдаланушылар назарына!

«Қазақстан Республикасындағы сайлаутуралы» Конституциялық заңның 28-бабы 3-тармағының талаптарына сәйкес эфирді және баспа алаңын төлеудің мөлшері, шарттары мен тәртібі туралы мәліметтерді сайлау алдындағы үгіт жүргізу басталардан кемінде бес күн бұрын ( 202 6 жылғы 31 мамырдан кешіктірмей ) тиісті бұқаралық ақпарат құралдары, онлайн-платформаны пайдаланушылар хабарлау және жариялау тиіс екендігін ескертеміз. Бұқаралық ақпарат құралдары, ақы төлеу мөлшері, эфирді және баспа алаңын беру шарттары мен тәртібі туралы мәліметтер жарияланғанға дейін кандидаттардың үгіт материалдарын орналастыру, тарату үшін эфир уақытын, баспа алаңын бере алмайды. Заңнаманың осы нормасын бұзу ҚР ӘҚБтК-нің 112-бабына сәйкес лауазымды адамдарға - 30 АЕК мөлшерінде, заңды тұлғаларға 50 АЕК мөлшерінде айыппұл салуға әкеп соғады. Аудандық маңызы бар қала, ауыл, кент, ауылдық округ әкімдерін сайлау бойынша эфирден және баспа сөзден орын беру төлемінің мөлшері, шарттары мен тәртібі туралы мәліметтер аумақтық сайлау комиссиясына берілуге тиіс.

13 мамыр 2026 ж.Тікелей

Жалагашский районkyzylorda-zhalagash

ОтырысАяқталды

Жалағаш ауданының аумақтық сайлау комиссиясының отырысы өткізіледі

2026 жылдың 12 мамыр күні сағат 11:00 Жалағаш ауданының аумақтық сайлау комиссиясының келесі мәселелер бойынша отырысы өткізіледі: «Қазақстан Республикасындаға сайлау туралы» ҚР Конституциялық заңының 113-1 бабының 1 тармағына сәйкес, Жалағаш ауданының Ақсу және Жаңаталап ауылдық округі әкімдерінің сайлау күнін тағайындау туралы; Мерзімі аяқталған Ақсу және Жаңаталап ауылдық округі әкімдерінің сайлауын өткізудің күнтізбелік жоспары туралы; Жалағаш ауданының аудандық сайлау коммисиясы құрамының барлық мүшелері 2026 жылдың 13 мамыр мен 21 маусым аралығындағы мерзімде сайлау коммисиясының сарапшылары және бухгалтерлік жұмыстарға жұмысқа тарту, еңбек келісімшартын жасау туралы; 2026 жылғы 21 маусымға тағайындалған Ақсу және Жаңаталап ауылдық округі әкімдерінің сайлауын әзірлеу және өткізу бойынша Жалағаш ауданының аумақтық сайлау комиссиясы мүшелерінің демалыс және мереке күндердегі кезекшілік кестесін бекіту туралы; 2026 жылғы 21 маусымға тағайындалған Ақсу және Жаңаталап ауылдық округі әкімдерінің сайлауын өткізу кезіндегі полиграфиялық, типографиялық, автокөлік қызметтерін және кеңсе тауарларын сатып алуға кәсіпкерлерді таңдау туралы. Өтетін орны: Жалағаш ауданы, Жалағаш кенті, Желтоқсан көшесі, №32 , тел: 8(72431) 31-4-04.

11 мамыр 2026 ж.Тікелей

kyzylorda-zhalagash

ОбъявлениеАяқталды

«Жалағаш аудандық тұрғын үй– коммуналдық шаруашылық, жолаушылар көлігі және автомобиль жолдары бөлімі» КММ конкурстық комиссиясы

«Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі» коммуналдық мемлекеттік мекемесі «Жалағаш аудандық тұрғын үй – коммуналдық шаруашылық, жолаушылар көлігі және автомобиль жолдары бөлімінің «Жалағаш қызмет» шаруашылық жүргізу құқығындағы мемлекеттік коммуналдық кәсіпорнының басшысы бос лауазымына орналасуға конкурс жариялайды. Конкурс «Мемлекеттік кәсіпорынның басшысын тағайындау және аттестаттау жүргізу, сондай-ақ оның кандидатурасын келісу қағидаларын бекіту туралы» Қазақстан Республикасы Ұлттық экономика министрінің 2015 жылғы 2 ақпандағы №70 бұйрығына (бұдан әрі – Қағидалар) сәйкес өткізіледі. «Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің «Жалағаш қызмет» шаруашылық жүргізу құқығындағы мемлекеттік коммуналдық кәсіпорнының басшысы лауазымына кандидатураларды іріктеу кезінде мыналар негізгі талаптар болып табылады: біліктілік талаптарына сәйкес келетін жоғары білімінің болуы; техникалық реттеу саласындағы уәкілетті орган бекіткен экономикалық қызмет түрлерінің жалпы жіктеуіштеріне сәйкес кәсіпорын қызметі саласындағы басшылық лауазымдарда мамандығы бойынша кемінде 5 (бес) жыл жұмыс өтілінің болуы. Біліктілікке қойылатын талаптар: Жоғары немесе жоғары оқу орнынан кейінгі білім: Құқық, Құқықтану, Экономика, Менедждмент, Есеп және аудит, Мемлекеттік және жергілікті басқару, Маркетинг, Қаржы, Техникалық білім; Білуі тиіс: Қазақстан Республикасының Конституциясы; Қазақстан Республикасының Бюджет кодексі; Қазақстан Республикасының Салық кодексі; Қазақстан Республикасының Әкімшілік рәсімдік-процестік кодексі; Қазақстан Республикасының Еңбек Кодексі; Қазақстан Республикасының Экология кодексі; «Қазақстан Республикасындағы тіл туралы» Қазақстан Республикасының Заңы; «Сыбайлас жемқорлыққа қарсы іс-қимыл туралы»Қазақстан Республикасының Заңы; «Мемлекеттік сатып алу туралы» Қазақстан Республикасының Заңы; «Қызылорда облысындағы қалалар мен елді мекендердің аумақтарын абаттандырудың қағидаларын бекіту туралы» Қызылорда облыстық мәслихатының 2024 жылғы 24 шілдедегі №112 шешімі. Лауазымдық міндеттері : Мемлекеттік коммуналдық кәсіпорнының жұмысын басқару, бағынысты қызметкерлердің жұмысына басшылық жасау; Кәсіпорынның лауазымды адамы болып табылады және мемлекеттік органдармен, ұйымдармен және азаматтармен өзара қарым-қатынастарда оның атынан сенімхатсыз өкілдік етеді; Азаматтардың өтініштерін, арыздарын, шағымдарын қарайды, азаматтардың құқықтары мен бостандықтарын қорғау жөнінде шаралар қолданады; Елді мекендердің санитарлық тазалығын қамтамасыз ету, абаттандыру және көгалдандыру жұмыстарын ұйымдастырады; Қызметкерлерді қабылдау, ауыстыру, көтермелеу және жұмыстан шығару туралы шешім қабылдайды; Берілген коммуналдық мүліктің сақталуын қамтамасыз етеді; Өзіне жүктелген міндеттердің іске асырылуы үшін жоғары тұрған басшысы алдында жауапты. «Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің «Жалағаш қызмет» шаруашылық жүргізу құқығындағы мемлекеттік коммуналдық кәсіпорны, мекенжайы: индексі 120200, Жалағаш ауданы, Жалағаш кенті, Төле би көшесі №5, негізгі қызметі – елді мекендердің санитарлық тазалығын қамтамасыз ету, абаттандыру және көгалдандыру. Конкурс өткізу күні мен орны: 2026 жылғы мамыр айы, мекенжайы: индексі 120200, Жалағаш ауданы, Жалағаш кенті, Желтоқсан көшесі №3 (2-қабат, «Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі» коммуналдық мемлекеттік мекемесі), телефон: 8/72431/32615. Конкурсқа қатысуға үміткер адамдардан құжаттар қабылдау басталатын күн мемлекеттік мүлік тізілімінің веб-порталында (www.e-qazyna.kz мекенжайы бойынша Интернет желісінде орналасқан, мемлекеттік кәсіпорындарға электрондық деректер базасына бірыңғай қол жеткізу нүктесін беретін интернет-ресурс)(бұдан әрі – тізілімнің веб-порталы) конкурс өткізу туралы хабарландыру орналастырылған күннен кейінгі келесі жұмыс күнінен бастап айқындалады. Конкурсқа қатысуға үміткер адамдар үшін құжаттарды қабылдау интернет-ресурстарда конкурс өткізу туралы жарияланған күннен кейін 7 (жеті) жұмыс күні өткен соң аяқталады. Конкурсқа қатысуға үміткер адам конкурс өткізу туралы хабарландыруда көрсетілген мерзімде Қағидаларға 1-қосымшаға сәйкес тізілімнің веб-порталында ресімделген және ЭЦҚ пайдалана отырып қол қойылған конкурсқа қатысу туралы өтінішті қазақ және орыс тілдеріндегі түйіндемемен қоса электрондық нысанда ұсынады. Тізілімнің веб-порталы конкурсқа қатысу туралы өтінішке «электрондық үкімет» шлюзі арқылы тиісті мемлекеттік ақпараттық жүйелер мен дерекқорлардан конкурсқа қатысуға үміткер адамның жеке басын куәландыратын, білімі, зейнетақы аударымдары және еңбек қызметі туралы құжаттардың мәліметтерін автоматты түрде тіркейді. Тиісті мемлекеттік ақпараттық жүйеде еңбек қызметі туралы мәліметтер болмаған жағдайда конкурсқа қатысуға үміткер адам Қазақстан Республикасы Еңбек кодексінің 35-бабында көрсетілген еңбек қызметін растайтын құжаттардың бірін өтінішке тіркейді. Конкурсқа қатысуға мынадай адамдар қабылданбайды: 1) 18 (он сегіз) жасқа толмаған; 2) бұрын сыбайлас жемқорлық қылмыс жасаған; 3) Қазақстан Республикасының заңнамасында белгіленген тәртіппен өтелмеген немесе алынбаған соттылығы бар; 4) Қазақстан Республикасының заңнамасында көзделген өзге де жағдайлар. Барлық құжаттар болған жағдайда, сондай-ақ тұлға барлық талаптарға сәйкес келген кезде конкурстық комиссия (бұдан әрі – Комиссия) құжаттар қабылдау аяқталған күннен бастап 2 (екі) жұмыс күн ішінде құжаттар тапсырған тұлғаны конкурсқа қатысуға жіберу туралы шешім қабылдайды. Конкурсқа қатысуға жіберілген адамдардың тізімі мен Қағидаларға 2-қосымшаға сәйкес әңгімелесу өткізу кестесі Комиссияның хаттамасымен бекітіледі және тізілімнің веб-порталында, жергілікті атқарушы органның интернет-ресурсында Комиссия шешімі қабылдаған күннен кейінгі келесі жұмыс күні аяқталғанға дейін орналастырылады. Конкурсқа қатысуға жіберілген тұлғалардың тізімі бекітілгеннен кейін Комиссия конкурсқа қатысушылар ұсынған құжаттарды зерделейді және күнтізбелік 5 (бес) күн ішінде конкурсқа қатысушылармен әңгімелесу өткізеді. Әңгімелесуге жіберілген конкурсқа қатысушылармен әңгімелесу қажет болған жағдайда қашықтықтан бейнебайланыс құралдары арқылы жүргізіледі.

5 мамыр 2026 ж.Тікелей

kyzylorda-zhalagash