16 сәуірде сағат 12:00-да ТЖМ Стратегиялық жоспарлау және жедел басқару орталығында (Б. Момышұлы, 2/11) «Өрт қауіпті маусымға дайындық туралы» тақырыбында брифинг өтеді.
Спикер: ҚР ТЖМ Өртке қарсы қызмет комитеті төрағасының орынбасары Төлешев Асқар Дәулетбайұлы.
2026 жылғы 16 маусымда сағат 12:30-да ҚР ТЖМ Стратегиялық жоспарлау және жедел басқару орталығында (Б. Момышұлы даңғылы, 2/11) « Шомылу маусымының өту барысы және «Балаларды судағы қауіптен сақтаңыз!» республикалық акциясының басталуы туралы » тақырыбында брифинг өтеді. Спикер: ҚР ТЖМ ТЖ жою департаменті басқармасының басшысы Ахриев Магомет Русланович, сондай-ақ Ішкі істер және Оқу-ағарту министрліктерінің өкілдері.
25–26 мамыр күндері Алматы қаласында Қазақстан Республикасы Төтенше жағдайлар министрінің шайбалы хоккейден кубогы өтеді. Мұз үстінде еліміздің түкпір-түкпірінен келген құтқарушылар командалары күш-жігерін, ұйымшылдығы мен жеңіске деген жігерін көрсетеді. Матчтар таңғы сағат 08:30-да басталады. Өтетін орны: Алматы қаласы, Halyk Arena. Көрермендерге кіру тегін. Қала тұрғындары мен қонақтарын қатысушыларға қолдау көрсетуге және тартысты хоккей матчтарының атмосферасын сезінуге шақырамыз.
2026 жылғы 20-22 мамыр аралығында Түркістанда Төтенше жағдайлар министрінің кубогына арналған ерлер мен әйелдер арасындағы қоян-қолтық ұрыстан III-ші турнир өтеді. Өтетін орны: Түркістан қаласының «Керуен Сарай» кешені. Кіру тегін. Іс-шараның ұйымдастырушысы Қазақстанның ТЖМ «Batyr Team» спорттық клубы. Турнирге еліміздің барлық өңірлерінен азаматтық қорғау органдарының 300-нан астам қызметкері, 25-команда қатысады.
3 сәуірде сағат 11:00-да Есіл өзенінің жағасында (Астана қаласы, Тұран даңғылы, 2/11) «Еліміздің өңірлеріндегі су айдындарында профилактикалық іс-шаралар жалғасуда» тақырыбында көшпелі брифинг өтеді. Іс-шара аясында құтқарушылардың қатысуымен Есіл өзені бойында патрульдеу жүргізіледі. Спикер: ҚР ТЖМ Төтенше жағдайларды жою департаменті бастығының міндетін атқарушы Жәнібек Кәрімбаев.
2026 жылғы 18 наурызда сағат 14.30-да ҚР Президенті жанындағы Орталық коммуникациялар қызметінде «Мемлекет басшысының тапсырмаларын орындау: су тасқыны кезеңінің тұрақты өтуін қамтамасыз ету» тақырыбында дөңгелек үстел өтеді. Спикерлер: ҚР Су ресурстары және ирригация бірінші вице-министрі Алдамжаров Нұрлан Жанұзақұлы; ҚР Экология және табиғи ресурстар вице-министрі Ошурбаев Мансұр Тұрсынұлы; «Қазгидромет» РМК Гидрология департаментінің директоры Серікбай Нұрғалым Тәжібайұлы; ҚР Төтенше жағдайлар министрлігі Төтенше жағдайлардың алдын алу комитетінің төрағасы Жүнісбеков Серік Тұрсынәліұлы; ҚР Көлік министрлігі Автомобиль жолдары комитетінің төрағасы Абдуллин Төлеген Тұрсынұлы.
2026 жылғы 13 наурызда сағат 12:00-да Төтенше жағдайлар министрлігінің Стратегиялық жоспарлау және жедел басқару орталығында (Б. Момышұлы, 2/11) «Қыс мезгіліндегі авариялық-құтқару жұмыстары. Жылыту маусымының өту барысы» тақырыбында баспасөз конференциясы өтеді. Спикер болып ҚР ТЖМ Төтенше жағдайларды жою департаменті бастығының орынбасары Жәнібек Кәрімбаев, Өртке қарсы қызмет комитетінің төрағасы орынбасарының міндетін атқарушы Руслан Қайрақбаев сөз сөйлейді.
2026 жылғы 29 қаңтарда сағат 14.30-де ҚР Президенті жанындағы Орталық коммуникациялар қызметінде «Қыс мезгілінде қауіпсіздікті қамтамасыз ету: авариялық-құтқару жұмыстары және тұрғын үй секторындағы өрт қауіпсіздігі» тақырыбында баспасөз конференциясы өтеді. Спикер болып ҚР ТЖМ Өртке қарсы қызмет комитеті төрағасының орынбасары Төлешов Асқар Даулетбайұлы, ҚР ТЖМ Төтенше жағдайларды жою департаментінің бас маманы Қажкенов Дидар Сәкенұлы сөз сөйлейді. Көрсетілім сілтемелері: https://www.youtube.com/user/ortcomkz https://ru-ru.facebook.com/ortcomkz
2025 жылғы 17 қазанда сағат 14.30-да ҚР Президенті жанындағы Орталық коммуникациялар қызметінде «19 қазан – құтқарушылар күні!» тақырыбында баспасөз конференциясы өтеді. Спикер болып Қазақстан Республикасының Төтенше жағдайлар вице-министрі Тұрсынбаев Кеген Ахметұлы сөз сөйлейді. Сондай-ақ залда ТЖМ құтқарушысы, өрт сөндірушісі, сүңгуірі, кинологы, Апаттар медицинасы орталығының медицина қызметкері және «Қазавиақұтқару» АҚ ұшқышы болады. Көрсетілім сілтемелері: https://www.youtube.com/user/ortcomkz https://ru-ru.facebook.com/ortcomkz
