Құрметті Кеген ауданының тұрғындары!
2025 жылдың 15 мамыр мен 15 маусым аралығында жыл сайынғы «Мерейлі отбасы» ұлттық конкурсына қатысуға өтінім қабылдау басталады.
Конкурс Қазақстан Республикасы Үкіметінің 2014 жылғы 5 наурыздағы № 181 қаулысымен бекітілген «Мерейлі отбасы» ұлттық конкурсын өткізу қағидаларына (бұдан әрі – Қағидалар) сәйкес өткізіледі (Қағидаларға ҚР Үкіметінің 2021 жылғы 6 мамырдағы № 306 және 2022 жылғы 16 қарашадағы № 904 қаулысымен өзгерістер енгізілді).
«Мерейлі отбасы» ұлттық конкурсы өнегелі құндылықтарды және отбасы мен некенің жағымды бейнесін санаға сіңіру, отбасы мәртебесін арттыру мақсатында жыл сайын өткізіледі.
«Мерейлі отбасы» ұлттық конкурсының мақсаттары:
1) Отбасы институтын, адамгершілікті руханилықты нығайту, жауапты
ерлі-зайптылықтың маңызын тану;
2) Ата-аналардың бала тәрбиелеудегі жауапкершілігін аттыру;
3) Отбасылық құндылықтарды, кәмелетке толған балалардың еңбекке қабілетсіз және егде жастағы ата-аналарына қамқор болуын дәріптеу және кеңінен насихаттау;
4) Қазақстандық отбасының жағымды имиджін насихаттау;
Конкурсқа қатысуға еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі.
Конкурсқа: Қызметі Қазақстан Республикасының аумағында тиым салынған ұйымдардың құрамына кіретін (кірген) мүшелері бар отбасылар қатыса алмайды.
Конкурс өткізу туралы толық мәліметті Кеген ауданының «Ішкі саясат бөлімі» мемлекеттік мекемесінен алуға болады.
Конкусқа қатысу үшін өтінім («Мерейлі отбасы» ұлттық конкурсын өткізу қағидасына сәйкес), құжаттардың көшірмелері, фотосуреттер және т.б Кеген ауданының «Ішкі саясат бөлімі» мемлекеттік мекемесіне аудан әкімдігі аппаратының ғимараты (Кеген ауылы, Б.Момышұлы к-сі №19 үй, 108 кабинет) тапсырылады.
«Мерейлі отбасы» ұлттық конкурсына қатысуға арналған Өтінім:
Отағасының (әкесі немесе шешесінің) деректері
1. Аты-жөні2. Жасы, жынысы
3. Білімі
4. Жұмысы
5. Отбасы құрамы туралы мәлімет
6. Отбасының (немесе отбасы мүшелерінің) немен жақсы атағы шыққан
7. Наградаларының, марапаттарының болу мен түрлері
8. Отбасының әрбір мүшесінің деректері
9. Оның аты-жөндері
10. Жасы
11. Жұмысы
12. Тұрғылықты мекендері (мекен жайы және тел.)