Ағымдағы жылдың 2 маусымында сағат 16:30–18:00 аралығында облыс әкімдігінің ғимаратында орналасқан Азаматтарды қабылдау орталығында Жамбыл облысы әкімдігінің ветеринария басқармасының басшысы Бетбаев Бақыт Аязұлы азаматтарды жеке қабылдайды.
Қабылдауға алдын ала жазылу ұсынылады.
Жамбыл облысы әкімдігінің ветеринария басқармасы 2026 жылдың 1 маусымы мен 10 шілдесі аралығында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес, Сыбайлас жемқорлық тәуекелдеріне ішкі талдау жүргізуді бастайтындығы туралы хабарлайды.
Жыл сайын қараша айының үшінші жексенбісінде атап өтілетін «Ауыл шаруашылығы қызметкерлері күні» қарсаңында биыл да мерекелік іс-шаралар ұйымдастырылмақ. ҚР Ауыл шаруашылығы министрлігінің Ветеринариялық бақылау және қадағалау комитетінің Жамбыл облыстық аумақтық инспекциясының ұйымдастыруымен ағымдағы жылдың 21 қарашасы күні Тараз қаласындағы «Достық лайф» стадионында ветеринария саласы қызметкерлері арасында облыстық спартакиада өтеді. Жарыс ережесіне сәйкес қатысушылар армрестлинг, арқан тарту және кіші футбол сияқты спорт түрлері бойынша өзара бақ сынайды. Бұл шараның басты мақсаты – ветеринария саласы қызметкерлері арасындағы достық пен ынтымақтастықты нығайту, салауатты өмір салтын насихаттау және мерекелік көңіл-күй сыйлау.
Ағымдағы жылдың 17 қазанында Өңірлік коммуникациялар қызметінің алаңында «Облыстағы эпизоотиялық жағдайдың тұрақтылығы» тақырыбында брифинг өтеді. Іс-шараның спикері – Жамбыл облысы әкімдігінің ветеринария басқармасының «Жамбыл облысының ветеринариялық станциясы» шаруашылық жүргізу құқығындағы коммуналдық мемлекеттік кәсіпорнының директоры Серік Съездбекұлы Бердыбаев болады.
2025 жылғы ІV-тоқсанға арналған жергілікті атқарушы органдар мен орталық мемлекеттік органдардың аумақтық бөлімшелері басшыларының азаматтарды қабылдаудың кестесіне сәйкес, ағымдағы жылдың 1 қазан күні сағат 16:30-дан 18:00-ге дейін Жамбыл облысы әкімдігінің ветеринария басқармасының басшысы Бетбаев Бақыт Аязұлы Тараз қаласы, Қолбасшы Қойгелді көшесі, №83 үй мекенжайында орналасқан ветеринария басқармасының ғимаратында азаматтарды жеке қабылдау өткізеді. Осыған байланысты облыс тұрғындары ветеринария саласына қатысты өзекті мәселелерін көтеріп, сұрақтарын қоюға және ұсыныстарын айтуға қатыса алады.
