Астанада 12 маусымда VII Көмір өнеркәсібі форумы өтеді

Name: Астанада 12 маусымда VII Көмір өнеркәсібі форумы өтеді
Start: 2026-06-12T00:00:00+00:00
End: 2026-06-12T00:00:00+00:00

Орган: Қазақстан Республикасы Энергетика министрлігі
Мәртебе: Аяқталды
Формат: Тікелей

ФорумАяқталды

2026 жылғы 12 маусымда Астана қаласында Astana Mining & Metallurgy халықаралық тау-кен металлургия конгресі аясында VII Көмір өнеркәсібі форумы өтеді.

Форумды Қазақстан Республикасы Энергетика министрлігінің қолдауымен Тау-кен өндіруші және тау-кен металлургиялық кәсіпорындардың республикалық қауымдастығы ұйымдастырады. Іс-шараның тең ұйымдастырушылары – «Қазкөміркәсіподақ» көмір өнеркәсібі қызметкерлерінің салалық кәсіподағы және «QAZAQMETAL KÁSIPODAǴY» тау-кен металлургия саласының кәсіптік одағы.

Көмір өнеркәсібі форумы дәстүрлі түрде көмір саласын дамыту, оның елдің энергетикалық қауіпсіздігін қамтамасыз етудегі рөлі, сондай-ақ бизнес, мемлекеттік органдар, кәсіби бірлестіктер мен сарапшылар қауымдастығының қатысуымен бірлескен ұсыныстар әзірлеу мәселелерін талқылайтын маңызды салалық алаңдардың бірі болып табылады.

Көмір өнеркәсібі Қазақстан экономикасында жүйе құраушы маңызын сақтап отыр. Салада 32 мыңнан астам адам еңбек етеді, ол елдің тұрақты энергиямен қамтылуында шешуші рөл атқарады және республиканың өнеркәсіптік әлеуетінің негізгі тіректерінің бірі болып саналады. Қазақстан көмір өндіру көлемі мен геологиялық қоры бойынша әлемдегі жетекші он елдің қатарына кіреді.

Биыл форум «Қазақстанның көмір өнеркәсібі: энергетикалық қауіпсіздіктің стратегиялық негізі» тақырыбында өтеді.

Форум қатысушылары энергетиканың отын тұрақтылығын қамтамасыз ету, көлік инфрақұрылымы мен көмір жеткізу логистикасын дамыту, көмір нарығын реттеуді жетілдіру, экспорт бағыттарын кеңейту, инвестициялық жобаларды іске асыру, сондай-ақ көмірді терең өңдеу мен көмір химиясын дамыту перспективаларын талқылайды.

Мемлекет басшысы Қасым-Жомарт Тоқаевтың Ұлттық құрылтайдың V отырысында берген тапсырмасы бойынша қабылданған Қазақстандағы көмір генерациясын дамыту жөніндегі Ұлттық жобаны іске асыру мәселелеріне ерекше назар аударылады.

Форум жұмысына саланың жетекші кәсіпорындарының өкілдері қатысады. Олардың қатарында «Богатырь Көмір» ЖШС, «Шұбаркөл Көмір» АҚ, QARMET АҚ, «Шұбаркөл Премиум» АҚ, «Қаражыра» АҚ, «ЕЭК» АҚ, «Майкүбі-Вест» АҚ, «Kazakhmys Coal» ЖШС және басқа да компаниялар бар.

Форум аясында өндіріс озаттарын салалық наградалармен марапаттау рәсімі де өтеді.

Тау-кен өндіруші және тау-кен металлургиялық кәсіпорындардың республикалық қауымдастығы көмір өндіруші кәсіпорындардың, мемлекеттік органдардың, сарапшылар қауымдастығының, салалық ұйымдардың және бұқаралық ақпарат құралдарының өкілдерін VII Көмір өнеркәсібі форумына қатысуға шақырады.

📅 Өтетін күні: 2026 жылғы 12 маусым
🕘 Басталу уақыты: 10:00
📍 Өтетін орны: Астана қаласы, Гейдар Әлиев көшесі, 14-үй, Hilton Astana қонақ үйі, Astana Hall залы

📌 Форумға қатысу тегін

Тіркелу және аккредиттеу бойынша байланыс деректері

Делегаттарды тіркеу:
Тел.: +7 (7172) 68-96-20
E-mail: [email protected]

Тіркелу сілтемесі:
https://docs.google.com/forms/d/1c94sICdc5Fs0GNtoNchJXGaN9CcCV8w2b1EBDVcOHWg/edit

БАҚ өкілдерін аккредиттеу:
Тел.: +7 (701) 027-89-74
E-mail: [email protected]

Дереккөз

Ұқсас материалдар

Барлық оқиғалар

ВыставкаАяқталды

Астанада Automechanika Astana 2026 халықаралық көрмесі өтеді – Қазақстанның мұнай-химиясы мен жанар-жағармай материалдары нарығын дамыту алаңы

2026 жылғы 10–12 маусым аралығында Астана қаласындағы EXPO халықаралық көрме орталығы базасында Automechanika Astana 2026 халықаралық көрмесі өтеді. Бұл – автомобиль компоненттері, техникалық қызмет көрсету станцияларына арналған жабдықтар, сервистік және логистикалық шешімдер, майлар, техникалық сұйықтықтар мен автохимия саласындағы Орталық Азиядағы ең ірі салалық іс-шара. 2026 жылы көрме өзінің 10 жылдық мерейтойын атап өтеді және тарихындағы ең ауқымды форматта ұйымдастырылады. Мерейтойлық көрмеге Қазақстан, Германия, Франция, Польша, Біріккен Араб Әмірліктері, Корея Республикасы, Үндістан, Қытай, Малайзия, Тайланд, Түркия, Ресей Федерациясы және өзге де елдерден автомобиль компоненттері, сервистік жабдықтар мен мұнай-химия өнімдерін өндіруші, жеткізуші және дистрибьютор 400-ден астам компания қатысады. Automechanika Astana көрмесі әлемдегі ең ірі көрме компанияларының бірі – 800 жылдан астам тарихы бар және 50-ден аса елде өкілдігі орналасқан Messe Frankfurt GmbH компаниясына тиесілі жаһандық Automechanika көрме бренді аясында өткізіледі. Automechanika халықаралық желісі бес құрлықтағы 20-дан астам көрмені біріктіріп, автомобиль компоненттері, сервис және логистика нарығындағы халықаралық стандарттарды қалыптастырады. Орталық Азиядағы көрмені ұйымдастырушы – Business Media Central Asia компаниясы, ол Messe Frankfurt GmbH компаниясының өңірдегі ресми өкілі болып табылады. Мұндай халықаралық салалық көрмелер мұнай-газ химиясы кешені мен жанар-жағармай материалдары нарығын дамытудың маңызды құралдарының бірі саналады. Аталған алаңдар мұнай-химия саласындағы халықаралық кооперацияны кеңейтуге, мұнай өңдеу кәсіпорындарының технологиялық базасын жаңғыртуға, көмірсутектерді терең өңдеу өнімдерін сыртқы нарықтарға ілгерілетуге, сондай-ақ жағармай материалдары, техникалық сұйықтықтар мен автохимия өндірісіндегі заманауи технологиялар трансферті мен инвестиция тартуға ықпал етеді. Қазақстанның мұнай-химия саласы мен мұнай өнімдері нарығы үшін Automechanika Astana 2026 халықаралық өндірушілер мен тұтынушылар арасындағы тікелей диалог алаңы, жағармай материалдары, техникалық сұйықтықтар мен автохимия өндірісін жергіліктендіруді дамыту құралы, отандық мұнай өңдеу және мұнай-химия кәсіпорындарының технологиялық базасын жаңғырту тетігі, сондай-ақ қазақстандық өнімдерді жаһандық жеткізу тізбектеріне интеграциялау мүмкіндігі болып табылады. Көрменің мерейтойлық шығарылымы Қазақстан Республикасының мұнай-газ химиясы кластері белсенді дамып, сапалы жанар-жағармай материалдары мен ілеспе өнімдерге ішкі сұраныс артып отырған кезеңге тұспа-тұс келіп отыр. Көрменің іскерлік бағдарламасы аясында Automechanika Academy білім беру бағдарламасы, Automechanika Live Stage демонстрациялық алаңы, өндірушілер, дистрибьюторлар мен тапсырыс берушілер арасындағы B2B-келіссөздер, жаңа өнімдер мен технологиялық шешімдердің таныстырылымдары, сондай-ақ салалық қауымдастықтар мен халықаралық серіктестердің қатысуымен өтетін сараптамалық сессиялар жоспарланған. Көрмеге қатысу мұнай-газ химиясы кешені кәсіпорындарының мамандары мен басшыларына, жағармай материалдары, техникалық сұйықтықтар және автохимия өндірушілеріне, жанармай құю станциялары мен мұнай базалары операторларына, сервистік және логистикалық компанияларға, дилерлік және дистрибьюторлық желілерге, салалық қауымдастықтарға, ғылыми-білім беру ұйымдарына және мемлекеттік тапсырыс берушілерге өзекті. Көрмеге келу тегін. Тіркелу үшін: https://exhibition.techno-light.kz/event.php?id=40&utm_source=minenrg

10 маусым 2026 ж.Тікелей

ҚР ЭМ

КездесуАяқталды

Энергетика вице-министрі Сұңғат Есімхановтың Шығыс Қазақстан облысының тұрғындарымен кездесуі өтеді.

2026 жылғы 5 маусымда сағат 11:00-де Өскемендегі жоғары политехникалық колледжінде (Серікпаев, 5) Қазақстан Республикасының Энергетика вице-министрі Сұңғат Есімхановтың Шығыс Қазақстан облысының тұрғындарымен кездесуі өтеді. Азаматтарды белсенді қатысуға және Қазақстан Республикасының Энергетика вице-министріне жеке сұрақтар қоюға шақырамыз.

5 маусым 2026 ж.Тікелей

ҚР ЭМ

КездесуАяқталды

Энергетика вице-министр Қайырхан Тұтқышбаевтың Жетісу облысының тұрғындарымен кездесуі өтеді.

2026 жылғы 8 мамырда сағат 11:00-де (Талдықорған қаласы, «Достық үйі», Қаратал шағынауданы, 36А) Энергетика вице-министр Қайырхан Тұтқышбаевтың Жетісу облысының тұрғындарымен кездесуі өтеді. Азаматтарды кездесуге белсенді қатысуға және Энергетика вице-министріне өз сұрақтарын тікелей қоюға шақырамыз.

8 мамыр 2026 ж.Тікелей

ҚР ЭМ

КонференцияАяқталды

COMTRUX ASTANA 2026 – жаңа халықаралық алаң

2026 жылғы 5-7 мамыр аралығында Астана қаласындағы EXPO халықаралық көрме орталығында коммерциялық көлік және жол логистикасы шешімдеріне арналған Comtrux Astana 2026 халықаралық көрмесі өтеді. Көрме көлік, логистика және өнеркәсіптік инфрақұрылымды дамыту, сонымен қатар энергетика және мұнай-газ кешенінің қажеттіліктерін қамтамасыз етуге бағытталған салалық платформа.

5 мамыр 2026 ж.Тікелей

ҚР ЭМ

КеңесАяқталды

Сұйытылған мұнай газын тұрмыстық баллондарда өткізу кезінде оны таңбалау және қадағалап отыру бойынша реттеушілік әсерді талдау туралы ХАБАРЛАМА

Қазақстан Республикасы Энергетика министрлігі (бұдан әрі – Министрлігі) сұйытылған мұнай газын тұрмыстық баллондарда өткізу кезінде оны таңбалау және қадағалап отыру бойынша реттеушілік әсерді талдау (бұдан әрі – РӘТ) жобасының ресми интернет-ресурста және «Ашық НҚА» интернет-порталында орналастырылғаны туралы хабарлайды. Осыған байланысты Министрлік аталған жобаны талқылауға қатысуға шақырады. Талқылау 2026 жылғы 30 сәуір күні сағат 16:00-де бейнеконференция арқылы өтеді. Талқылауға қатысу үшін 2026 жылғы 20 сәуірге дейін [email protected] электрондық поштасына қатысушылардың кандидатураларын (толық аты-жөні, жұмыс орны, лауазымы, сондай-ақ ұялы телефон нөмірі көрсетіле отырып) жолдау қажет. Қосымша сұрақтар туындаған жағдайда 786837, 786985, 8 701-621-08-81 телефон нөмірлері арқылы хабарласуыңызды сұраймыз. Жоба ашық нормативтік құқықтық актілердің интернет-порталында және Министрліктің интернет-ресурсында орналастырылған (сілтеме: https://legalacts.egov.kz/npa/view?id=15795025).

30 сәуір 2026 ж.Тікелей

ҚР ЭМ

КездесуАяқталды

Энергетика вице-министрі Ерлан Ақбаровтың Ақтөбе облысының тұрғындарымен кездесуі

2026 жылғы 28 сәуірде сағат 11:00-де (Ақтөбе, Сәңкібай батыр даңғылы, 20а) Энергетика вице-министрі Ерлан Ақбаровтың Ақтөбе облысының тұрғындарымен кездесуі өтеді. Азаматтарды кездесуге белсенді қатысуға және Энергетика вице-министріне өз сұрақтарын тікелей қоюға шақырамыз.

28 сәуір 2026 ж.Тікелей

ҚР ЭМ

ОбъявлениеАяқталды

Хабарландыру

Қазақстан Республикасының Энергетика министрлігі Ақтау қаласының бірінші сатыдағы сотының 2025 жылғы 3 желтоқсандағы қаулысына сәйкес осы мүлікті сату жөніндегі аукционды өткізу рәсімі аяқталғанға дейін «Mangystau Oil Refinery» ЖШС-інің және Meliana танкерін мүлкін сенімгерлік басқаруға беру үшін компанияны іріктеу бойынша байқау жариялайды. Қаржылық тұрғыдан тұрақты компаниялар, оның ішінде мұнай өңдеу ұйымдары, «Mangystau Oil Refinery» ЖШС-нің тәркіленген мүлкін сенімгерлік басқару құқығына арналған конкурсқа қатысу үшін тиісті тәжірибесі бар компаниялар шақырылады. Негізгі мақсат — өндірістің үздіксіз жұмысын қамтамасыз ету, жұмыс орындарын сақтау, жалақыны және экипаж бен кәсіпорын қызметкерлеріне арналған міндетті төлемдерді уақтылы төлеу. Конкурсты өткізу күні — 2026 жылғы 13 қаңтар, сағат 15:00. Конкурсқа қатысуға өтінімдер мен конкурстық ұсыныстар бір мезгілде қағаз нұсқасында мөрленген конвертте және электрондық нысанда (электрондық цифрлық қолтаңбаны қолдана отырып сканерленген түрде) Министрліктің ресми электрондық поштасына [email protected] жіберіледі. Конкурстық ұсыныс төмендегілерді қамтуы тиіс: 1) «Mangystau Oil Refining» жауапкершілігі шектеулі серіктестігінің өндірістік қызметін үздіксіз қамтамасыз ету жөніндегі іс-шаралар жоспары; 2) өнеркәсіптік қауіпсіздікті, еңбекті қорғауды және қоршаған ортаны қорғауды қамтамасыз ету бағдарламасы, мұнда басшының, оның ішінде бірінші басшының мұнай-газ секторындағы немесе сабақтас салалардағы (МӨЗ немесе шағын МӨЗ) өндірістік кәсіпорындарда техника қауіпсіздігін басқару жөніндегі жұмыс тәжірибесі көрсетілуі тиіс; 3) сенімгерлік басқарушының сыйақы мөлшері жөніндегі ұсыныстар, сондай-ақ банктік есеп айырысу шотында ақшалай қаражаттың бар екенін растайтын банктің хаты қоса берілуі тиіс; 4) қызметкерлер санының сақталуын қамтамасыз ету және жаппай қысқартуға жол бермеу жөніндегі міндеттемелер, өтініш берушінің бастапқы тіркеу күні көрсетіле отырып, мұнай өнімдері бойынша экспортқа және ішкі нарыққа сәтті жасалған келісімшарттар тәжірибесі (шарттар көшірмелерімен расталуы тиіс); 5) Қазақстан Республикасының Салық кодексіне сәйкес ұсынылатын салықтар және әлеуметтік төлемдер бойынша берешектің болмауы, 2021–2024 жылдар аралығында ел бюджетіне төленген салықтар мен жиынтық жылдық табыс сомасы көрсетілген қаржыландыру кепілдігі; 6) қатысушы өзіне қабылдауды қажет деп санайтын өзге де міндеттемелер. Конкурсқа қатысушыларды тіркеу осы хабарландыру жарияланған күннен бастап жүзеге асырылады және конкурс басталуына 2 (екі) сағат қалғанда аяқталады. Қатысушының конкурсқа қатысуға өтінімі оған қоса берілетін конкурстық ұсыныспен бірге қатысушының өзі немесе оның уәкілетті өкілі тарапынан қол қойылып, төмендегілер көрсетілуі тиіс: 1) Жеке тұлғалар мен жеке кәсіпкерлер үшін: ЖСН, тегі, аты және әкесінің аты (бар болса); 2) Заңды тұлғалар үшін: БСН, толық атауы, бірінші басшының тегі, аты және әкесінің аты (бар болса); 3) Байланыс деректері: мекенжайы, телефон нөмірі, электрондық пошта мекенжайы. Жоғарыда көрсетілген деректер өзгерген жағдайда, қатысушы 1 (бір) жұмыс күні ішінде Министрлікке хабарлап, жаңартылған ақпаратты ұсынады. Қазақстан Республикасының заңнамасына немесе өз құрылтай құжаттарына сәйкес конкурсқа қатысу шарты болып табылатын қызмет түрлерімен айналысуға құқығы жоқ тұлғалар конкурсқа қатыстыруға жіберілмейді. Ақпарат алу үшін телефон нөмірі: 78-68-33 Қазақстан Республикасы Энергетика министрінің 2025 жылғы «___» ______ № ____ бұйрығына 3-қосымша МҮЛІКТІ Сенімгерлік Басқару Келісімі ____ Қала _______ «_» __________ 20__ жыл Қазақстан Республикасы Энергетика министрлігі, бұдан әрі – «Энергетика министрлігі» деп аталады, атынан ________________________________________________________________, Қазақстан Республикасы Энергетика министрлігі туралы Ереже негізінде әрекет ететін, бір жағынан, және______________________________________________________________, (заңды тұлғаның атауы немесе жеке тұлғаның толық аты-жөні) бұдан әрі – «Сенімгерлік басқарушы» деп аталады, атынан ________________________________________________________________, ______________________________________________________________ негізінде әрекет ететін, екінші жағынан, сонымен қатар______________________________________________________________, (мемлекеттік заңды тұлғаның немесе басқарушы органның атауы) бұдан әрі – «Баланс ұстаушы» немесе «Басқарушы орган» деп аталады, атынан басшы______________________________________________________________, Энергетика министрлігінің _______ бұйрығына және Қазақстан Республикасының Қылмыстық-процестік кодексінің 472-бабына сәйкес, сондай-ақ 2025 жылғы 3 желтоқсандағы Маңғыстау облыстық сотының Қылмыстық істер жөніндегі коллегиясының № 4799-24-00-1а/371 шешімін орындау мақсатында, төмендегідей Келісім-шартты (бұдан әрі – «Келісім») жасасты: 1. Келісімнің пәні 1.1. Энергетика министрлігі ____________________________________________________________(мүліктің атауы),бұдан әрі – «Нысан» деп аталады, сенімгерлік басқаруға беруді қамтамасыз етеді, ал Сенімгерлік басқарушы Нысанды қабылдап, басқаруға міндеттенеді. 1.2. Нысан сенімгерлік басқаруға Қазақстан Республикасының заңнамасында және осы Келісімде қарастырылған тәртіппен және шарттарда беріледі. 1.3. Сенімгерлік басқаруға берілген мүлікті сатуға немесе кепілге беруге тек заңнамамен және осы Келісіммен көзделген жағдайларда ғана рұқсат етіледі. 1.4. Сенімгерлік басқарушының Нысанды басқаруға құқығын растайтын құқықтық құжат – осы Келісім болып табылады. 1.5. Энергетика министрлігі Нысанның берілу күніне сәйкес келесі жағдайларды растайды: 1.кепілде жоқ; 2.үшінші тұлғалардың құқықтарымен жүктелмеген; 3.сатуға қойылмаған. 1.6. Сенімгерлік басқаруға беру Сенімгерлік басқарушыға меншік құқығының өтуін тудырмайды. 1.7. Сенімгерлік басқарушының құқықтары мен міндеттері актіні қабылдау-қабылдауды рәсімдеу және қол қою сәтінен бастап туындайды. Акт Сенімгерлік басқарушы мен Баланс ұстаушы тарапынан осы Келісімге қол қойылғаннан кейінгі 10 (он) жұмыс күні ішінде рәсімделіп, қол қойылады. 2. Тараптардың құқықтары 2.1. Энергетика министрлігінің құқығы: Сенімгерлік басқарушының қызметі туралы есептерді алу; Сенімгерлік басқарушының міндеттемелерін орындауын бақылау; Қазақстан Республикасының заңнамасында көзделген өзге әрекеттерді жүзеге асыру. 2.2. Сенімгерлік басқарушының құқығы: 1.Нысанға қатысты заңды және нақты әрекеттерді жүзеге асыру; 2.Сенімгерлік басқаруға берілген мүлікті пайдалану арқылы алынған кірістер есебінен қажетті шығындарды өтеу; 3.Таза кірістің _____пайыз мөлшерінде сыйақы алу; 4.Заңнамамен көзделген өзге құқықтарды жүзеге асыру. 2.3. Баланс ұстаушының құқығы: Сенімгерлік басқарушының қызметі туралы ақпарат алу; Заңнамамен көзделген өзге әрекеттерді жүзеге асыру. 3. Тараптардың міндеттері 3.1. Энергетика министрлігінің міндеттері: Нысанды беруін қамтамасыз ету; 3.2. Сенімгерлік басқарушының міндеттері: Нысанды тиімді басқару; Оның сақталуын қамтамасыз ету; Өз атынан, осы Келісімде көзделген құзырет шегінде, өз мәртебесін көрсете отырып мәмілелер жасау; Мемлекеттік органдардан қажетті рұқсаттарды алу; Келісімнің шарттарын орындау; Келісімде көзделген жағдайларды қоспағанда, мүлікті сатуға немесе өзге жолмен иеліктен шығаруға жол бермеу; Нысан бойынша жеке есеп жүргізу; Қажет болған жағдайда, жеке банк шотын ашу; Қазақстан Республикасының Салық кодексіне сәйкес салық міндеттемелерін орындау; Келісімді дұрыс орындау үшін қажет міндеттерді орындау; Қазақстан Республикасының заңнамасына сәйкес, Келісімге қол қойылған күннен бастап 15 календарлық күн ішінде сенімгерлік басқару келісімін уәкілетті органдарда тіркеуді қамтамасыз ету; Қазақстан Республикасының заңнамасы мен Келісім шарттарына сәйкес өзге міндеттерді орындау. 3.3. Баланс ұстаушының міндеттері: Нысанды Келісімде көрсетілген мерзімде Сенімгерлік басқарушыға беру; Сенімгерлік басқарушының шығындарын өтеуді қамтамасыз ету; Сенімгерлік басқарушының міндеттемелерін орындауын бақылауға қатысу. 4. Тараптардың жауапкершілігі 4.1. Сенімгерлік басқарушы Нысанды басқару кезінде Баланс ұстаушыға келтірілген кез келген зиян немесе шығын үшін жауапты болып табылады, форс-мажор жағдайларын қоспағанда. 4.2. Тараптар өз міндеттемелерін орындамауы үшін Қазақстан Республикасының заңнамасына сәйкес жауапкершілікке тартылады. 5. Форс-мажор 5.1. Тараптар міндеттемелерді орындамағаны үшін жауапкершіліктен босатылады, егер форс-мажор бұл Келісім бойынша міндеттемелерді орындауды мүмкін етпейтін болса. 5.2. Міндеттемелерді орындау мерзімі форс-мажор жағдайының ұзақтығына пропорционалды түрде кейінге шегеріледі. 5.3. Тарап өзге тарапты 30 календарлық күн ішінде жазбаша түрде хабарлауға міндетті. 5.4. Хабарламаның уақытында берілмеуі форс-мажорға сілтеме жасау құқығынан айырады. 5.5. Егер форс-мажор 2 календарлық айдан ұзаққа созылса, тараптар Келісімді бұзуға құқылы. 6. Құпиялылық 6.1. Келісімде қамтылған барлық ақпарат құпия болып табылады. 6.2. Тараптар заңмен көзделген жағдайларды қоспағанда, екінші тараптың жазбаша келісімінсіз құпия ақпаратты жарияламайды. 7. Дауларды шешу 7.1. Даулар келіссөздер арқылы шешіледі. 7.2. Егер келіссөздер мүмкін болмаса, дау Қазақстан Республикасының сот органдарында қаралады. 8. Келісімнің әрекет ету мерзімі 8.1. Келісім қол қойылған күннен бастап күшіне енеді және Нысан Қазақстан Республикасының заңнамасында белгіленген тәртіппен мемлекеттік меншікте берілгенге дейін әрекет етеді. 9. Келісімді тоқтату 9.1. Келісім тоқтатылады: Тараптардың келісімі бойынша ерте мерзімде; Келісімнің әрекет ету мерзімінің аяқталуымен; Қазақстан Республикасының заңнамасында көзделген өзге де негізде. . 9.2. Міндеттемелер орындалмаған жағдайда, екінші тарап бұзушылықтар туралы 30 күн ішінде жазбаша хабарлама жолдайды, осы мерзімде оларды жою қажет. 9.3. Келісімді тоқтатудың басқа негіздері Қазақстан Республикасының заңнамасында анықталады. 10. Басқа шарттар 10.1. Келісімде реттелмеген барлық мәселелер Қазақстан Республикасының заңнамасына сәйкес реттеледі. 10.2. Тараптар қосымша келісімдер арқылы өзгерістер мен толықтырулар енгізуге құқылы. 10.3. Барлық қосымша келісімдер Келісімнің ажырамас бөлігі болып табылады және уәкілетті өкілдер тарапынан қол қойылады. 10.4. Келісімнің тоқтатылуы Келісім орындалу барысында жасалған бұзушылықтар үшін жауапкершіліктен босатпайды. 10.5. Келісім тоқтатылған жағдайда, Сенімгерлік басқарушы Нысанды 10 жұмыс күні ішінде Баланс ұстаушыға қабылдау-қабылдау актісі бойынша қайтарады. 10.6. Келісім мемлекеттік тілде және орыс тілінде жасалған, екі мәтін де бірдей заңды күшке ие. 11. Тараптардың мекенжайлары мен деректемелері Энергетика Министрлігі (қолы) (басшының толық аты-жөні) Сенімгерлік басқарушы (қолы) (толық аты-жөні) Баланс ұстаушы / Басқарушы орган

31 желтоқсан 2025 ж.Тікелей

ҚР ЭМ

КездесуАяқталды

Қазақстан Республикасының Энергетика вице-министрі Сұңғат Есімхановтың Солтүстік Қазақстан облысының тұрғындарымен кездесуі

2025 жылғы 12 қараша сағат 16:00-де Петропавл қаласының облыстық кітапханасының конференц-залында (Конституция көшесі, 25) Қазақстан Республикасының Энергетика вице-министрі Сұңғат Есімхановтың Солтүстік Қазақстан облысының тұрғындарымен кездесуі өтеді. Азаматтарды белсенді қатысуға және Қазақстан Республикасының Энергетика вице-министріне жеке сұрақтар қоюға шақырамыз.

12 қараша 2025 ж.Тікелей

ҚР ЭМ