Техникалық қадағалаушының ай сайынғы есебін қалай тапсыру қажет?

Лицензияға қосымшаны беру жеке және заңды тұлғаны тіркеу орны бойынша жүргізіледі

Қазақстан Республикасындағы сәулет, қала құрылысы және құрылыс қызметі туралы Заңның 34-2 бабына сәйкес тапсырыс берушінің құқықтары: 1) мердігер (бас мердігер) орындап жатқан жұмыстардың барысы мен сапасына және олардың орындалу мерзімдерінің сақталуына бақылауды жүзеге асыруға; 2) мердігерден талаптар бұзыла отырып орындалған жұмыстарды қабылдамауға; 3) техникалық қадағалау қызметін бақылауға; 4) сәйкессіздіктер анықталған жағдайда техникалық және авторлық қадағалаулардың қорытындыларын алудан бас тартуға; 5) Қазақстан Республикасының заңдарына сәйкес өзге де құқықтарды жүзеге асыруға құқылы.

Бірінші деңгейдегі аттестат алу үшін 5 жыл жұмыс тәжірибесі болу қажет

«Азаматтық қорғау туралы» Қазақстан Республикасы Заңның 66-2-бабына сәйкес адамдар жаппай жиналатын объектілер мен 28 метрден асатын ғимараттарды пайдалануға қабылдау сатысында олардың өрт қауіпсіздігі талаптарына сәйкестігі туралы қортындыны Тапсырыс беруші «Рұқсаттар және хабарламалар туралы» заңда белгіленген тәртіппен объектінің өрт қауіпсіздігі талаптарына сәйкестігі туралы қорытынды алуға міндеттілігі көрсетілген. Ережеге сәйкес қорытынды беру мемлекеттік қызмет көрсету түрінде электрондық нысанда «Электрондық үкіметтің» веб-порталы ақпараттық жүйесіндегі «Е-лицензиялау» мемлекеттік деректер базасы арқылы 2026 жылғы 1 ақпаннан бастап жүзеге асырылады.

Материалдардың сапасы сертификаттары, зертханалық сынақ нәтижелері және кіріс бақылауы арқылы тексеріледі.

Мердігер ұйым орындалған жұмыстардың сапасына жауап береді, ал техникалық қадағалау сапаның сақталуын бақылауды жүзеге асырады.

Мемлекеттік сәулет-құрылыс бақылау органдары "Азаматтарға арналған үкімет" мемлекеттік корпорациясынан құжаттарды алған кезден бастап бір жұмыс күні өткенге дейін тапсырыс берушінің Қазақстан Республикасының сәулет, қала құрылысы және құрылыс қызметі туралы заңнамасында белгіленген нормалар мен талаптарды сақтауы тұрғысынан салыстырып тексереді.

Қазақстан Республикасының сәулет, қала құрылысы және құрылыс қызметі туралы Заңының 34-1 бабының 4 тармағы. Техникалық қадағалауды жүзеге асыратын тұлғалардың: 1) салынып жатқан объектіге еркін кіруге; 2) салынып жатқан объектіге қатысы бар құжаттамамен танысуға; 3) мердігерден (бас мердігерден) бекітілген жобада көзделген жобалық шешімдер мен есептердің, сондай-ақ құрылыс-монтаждау жұмыстарын жүргізудің технологиялық процесін айқындайтын ұйымдық-технологиялық құжаттар талаптарының мүлтіксіз сақталуын талап етуге; 4) белгіленген мерзімдерде нұсқауларды орындау үшін құрылыс-монтаждау жұмыстарын тоқтата тұру құқығымен, мердігердің (бас мердігердің) құрылыс барысында өзі жол берген мемлекеттік (мемлекетаралық) нормативтерді бұзушылықтарды, бекітілген жобада көзделген жобалық шешімдерден және (немесе) ұйымдық-технологиялық құжаттардың талаптарынан ауытқуларды міндетті түрде жоюы туралы жазбаша нұсқаулар беруге құқығы бар.