Тамақ өнімдерін сатып алғанда неге баса назар аудару керек?
Азық-түлік сатып алғанда, бірнеше жайттарға назар аудару керек. Біріншіден, қаптама: ол таза, құрғақ, зақымдалмаған, ойықсыз болуы керек. Онда қаптаманың тамақ өнімдерін сақтауға арналғанын, ол жасалған материалды, оны кәдеге жарату мүмкіндігін білдіретін жазулар мен белгілер болуы керек. Өнімнің таңбалануы түсінікті, оқуға оңай, сенімді және тұтынушыларды шатастырмауы керек, жарамдылық мерзімі ішінде сақталуы керек. Азық-түлік туралы барлық ақпарат мемлекеттік және орыс тілдерінде болуы керек. Өндіруші таңбалауда көрсеткен сақтау шарттарына назар аудару керек. Ал ерекше иісі бар өнімдер – мысалы, майшабақ, дәмдеуіштер және сол сияқтылар – иістерді қабылдайтын өнімдерден бөлек сақталуы керек. Егер тез бұзылатын тағамдар туралы айтатын болсақ – торттар, майонез салаттары, салқын тағамдар - және олар суықта сақталмаған болса, жұқпалы аурулар мен улану қаупі мүмкіндігі бар. Осы ретте, сәйкестік туралы өнімнің декларациясы, мемлекеттік тіркеу туралы куәлік, ветеринарлық анықтама немесе сертификат та маңызды. Біз сатушыдан осы құжаттарды талап етуге, әйтпесе тауарды сатып алмауға толық құқығымыз бар.